يعملها الكبار ويقع فيها الصغار!!!
مساء الخير.
مساء النور.
أية ده؟!!!
أية مالك؟ فيه أية؟!!!
أنت عكستها, المثل بيقول: "يعملها الصغار,
ويقع فيها الكبار".
ماشى, بس, أنا فعلاً قصدت المعنى اللى أنا
كتبته.
يا راجل؟
أية؟
مفهمتكش؟
مفهمتش أية؟
يعنى أية "يعملها الكبار, ويقع فيها
الصغار"؟!!!
هديك مثل: "الحرب الروسية
الأوكرانية", يعنى بالرغم من إندلاعها من سنين وخسائر لا تحصى ولا تعد, بس فى
روسيا عايشين فللى, ويمكن كمان أحسن من ما قبل الحرب "ده حتى الروبل إرتفع أثناء
الحرب".
بس, أوكرانيا مش كدة؟
لو روحت وشفت هم بيديروا حياتهم اليومية أزاى,
بالرغم من إنهم بيقوموا بحرب مع دولة عظمى, "لتحسرت علينا"؟!!!
مفهمتش؟
قد أية عندنا مشاكل من حرب "روسيا وأوكرانيا"؟
عندك مثل ثانى؟
"حرب إيران وحلفائها, مع الكيان وامريكا
وحلفائهم".
مالهم؟
تعرف إن بقالهم 100 يوم بيحاربوا, وبالرغم
من إن امريكا والكيان خلصوا فى أول أسبوع نصف مخزونهم من القذائف.
يا راجل؟!!!
وروح شوفهم عملوا أية فى توفير الطاقة
والأنرجى.
مالهم؟
يعنى معملوش ساعات أغلاق بهدف توفير الفلوس
والطاقة.
با راجل؟ طب, يعنى من الأخر, عايز تقول أية؟
قد أية المشاكل اللى عندنا من حرب "امريكا
والكيان وإيران"؟
كثير قوى, لدرجة إنك بسهولة تقدرتقول:
"يعملها الكبار, ويقع فيها الصغار".
يا راجل؟!!!
أية؟
مفهمتش حاجة؟!!!
روح أعملك قهوة أوشاى "حسب
المزاج", مدعومه بسندوتشين.
وبراحة, أقراء من الأول, وأنت هتفهم.
ماشى.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق