الكيان هو فيروس قاتل!!!
مساء الخير.
مساء النور.
مش فاهم؟
أصل القصة طويلة.
مش مهم, أحكيها من الأول؟
المشكلة أنها عاملة زى القصاصات, وحته مشرقة,
وحته مغربه, وعلى فترة زمنية طويلة.
لمهم على بعض وإحكيها؟!!!
أصلها, يعنى عايزة عصف زهنى كثير, وتركيز
شديد لتجميعها, وربط الخيوط مع بعض, وصنع منهم نسيج متكامل يكون مبسط ليفهمه الناس.
تقصد تقول محتاج وقت؟
مش وقت فقط, ولكن تركيز كمان. عموماً هأحاول
أختصرها عشان تنفع تتحط فى مقالة واحدة.
البداية كانت هنا فى الشرق الأوسط بتسع
حملات صليبية فاشلة, لن نحكى ما حدث فيها للأختصار, ثم زرعوا بعدها الكيان
"فى محاولة من الغرب لوضع ورم سرطانى فى قلب الوطن العربى لإضعافه تمهيداً
للحملة العاشرة".
أية ده؟ يعنى لسه فيه حملة عاشرة هيتيجى علينا؟
أه.
أمتى هتيجى؟
أنت سئلت السؤال الغلط.
أية السؤال الصح؟
أمتى هتنتهى؟
يعنى أية؟
يعنى إحنا فى منتصفها فى أنتظار أن تنتهى.
تقصد "حرب امريكا وإيران"؟
نعم؟
ولكنها تقريباً أنتهت؟
لآ, هذه الحرب هى البداية.
يعنى أية؟!!!
يعنى هى "جزء من كل", وتعتبر أول
حروب الحملة العاشرة, وليست أخرها.
طيب, أمتى تنتهى كل الحروب؟
بعد وصول بقية البشر إلى الطور.
"بعد وصول بقية البشر إلى الطور"؟!!!
أنت عارف إن الطور مساحته صغيرة, ولن يستع "للبشرية"!!!
نعم لن يستع لكل "للبشرية", هذا
صحيح, ولكنه سيتسع بسهولة لبقيتهم الناجية.
ده هيكون هناك فرق بالمليارت من البشر,
تفتكر هيروحوا فين؟!!!
فى الطوفان, والكوارث الطبيعية, والملاحم,
وعلى فكرة الخسارة لن تكون فقط فى البشر, ولكن فى كل الأصناف, والأنواع التى تسكن
الأرض.
أمتى هتبدأ؟
قريباً.
ده غير اللى إحنا فيه؟
اللى إحنا فيه حالياً لا يقارن باللى جاى.
أه, تقصد إنه لمحة منه؟
لا, أقل من لمحة, حتى إن مفيش وجه مقارنه ما
بينهم.
طب ما تحاول تتوقع أمتى هيحصل؟
لا, لأنه فقط فى علم الله.
أشمعنى بتعرف تتوقع فى مرات كثيرة, ودى لا؟
لأن بيبقى فى المرات الثانية فيه "معطيات
ومؤشرات" ممكن القياس عليها.
مفهمتش؟
يعنى, "بيكون ربنا عايزنا نعرف أية
اللى جاى", فبيرمى لنا أطراف خيوط نقدر على تتبعها للوصول إلى توقعات جيدة.
وأية اللى حصل المرة دى؟
وصلنا منها لأنه قريب, ولكننا لم نصل لتاريخ
محدد.
يعنى؟
يعنى أخرنا أننا عرفنا أنه قريب بدون تاريخ,
وبعدين هتفرق فى أية لو حتى عرفنا التاريخ؟
هنقدر ننقذ مليارت من البشر ده غير الأصناف
الثانية.
ههههههأ, "هنقدر ننقذ الناس"؟!!!
أنت عارف كم عدد متابعينا؟!!! وكم عدد اللى بيسمعوا لنا؟!!! وكم عدد اللى بيؤمنوا
باللى إحنا بنقوله؟!!!
مش مهم العدد. أنت مش فاكر المقالة اللى
كتبتها من حوالى سنة بعنوان: "العدد لايهم".
مهو فعلاً "العدد لا يهم", لإن
الأختيار الإلهى للناجين "بيكون فردى", وغالباً بيكون لعدد محدود.
لما؟
لأن معظم الناس بتسقط فى الإمتحان, مع أنه
إمتحان بسيط, ولكن مع الشهوات والغرائز اللى وضعت فى النفس البشرية, بتجعل النجاح
فيه صعب.
وضح القصة للناس عشان تفهم.
ماشى.
أية الأمتحان؟
"وجود البشر على الأرض, مع تشريعات
سماوية بأفعل ولا تفعل, تجعله يقف فى وجه غرائزه وشهواته".
مهى سهله أهيه. منين جت الصعوبة؟!!!
لأن الشرائع السماوية أتت لتكبح الشهوات
والغرائز,.ومن هنا جت الصعوبة.
وأخرتها؟
صحائف وحساب, ويا جنة, يا نار.
كفاية كدة "لحسن الناس تولع
فينا".
ربنا يستر, يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://www.facebook.com/reel/978465978216473
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق