دكتور حسن الصادي:الديون سرطان الإقتصاد المصري

 

 

بعد 14 سنة فشيخه من الأنجازات!!!

مساء الخير.

مساء النور.

أية ده؟!!!

أية؟

مفهمتش؟!!!

أية اللى مفهمتوش؟

يعنى أية " بعد 14 سنة فشيخه من الأنجازات"؟ هوه أية اللى حصل؟!!!

لا, مش ده السؤال الصح.

أمال أية السؤال؟!!!

ماذا حدث بعد 14 سنة فشيخه من الأنجازات؟

أه, فعلاً, هوه أية اللى حصل؟!!!

"عايزين يعملونا زى إيران, ويجيبوا لنا ولاية المشير".

يا راجل؟!!!

بس, نسيوا يجيبوا معهم الفتاوى الإيرانية بولاية المشير, وبأنه معصوم من الخطأ.

وده يبقى تبع أى مذهب؟!!!

ده مذهب "ولاية المشير", بتاع الأمام المشير (رضى الله عنه).

يعنى همه كدة شكلهم ناويين يلبسونا فى الحيط؟

يا راجل؟!!! همه لسه ناويين يلبسونا فى الحيط. ده إحنا من كثرة ما لبسنا من زمان فيها "معدش لنا أى ملامح خالص".

وأية الحل؟!!!

بصراحة أنا أعيانى الموقف, وذهلت من الإندهاش, والإذبهال.

ليه؟!!!

أصلهم أصلاً مش معتبرينا حمير, لإن حتى الحمير لها حقوق.

ليه؟!!!

عشان شكلهم عايزين يعملوا تجربة زى اللى عملها بوتين لما رحل كام سنة ووضع طرطور مكانه "محلل", ثم عاد, زى اللى بنجيبه فى إنتخابات الرئاسية اللى بنعملها فى "جمهورية سيكو سيكو الديمقراطية المتحدة", ويفضل رضى الله عنه بعدها برضة قابع فوق أنفاسنا.

ونهايتها؟!!!

من الأخر, اللى عملوا المشكلة, لا يمكن يكونوا جزء من الحل. يرحلوا ولا يشوفوا هيغوروا فى أى داهية, ويسبونا فى حالنا.

طيب, ما الدولة ممكن تروح للفوضى؟!!!

والله الفوضى, أبرك ميت مرة من حكمهم.

ليه؟!!!

عشان إحنا بنعيش حالياً فى العصر الذهبى لللصوص.

طيب, مش ممكن يحصل فوضى زى اللى حصلت وقت الثورة؟!!!

أصل دول ناس مريضة ووضيعة, وعلقات مصاصة دماء, وركبوا على الثورة, وعملوا كل فعل قبيح, ونسبوه للثورة, "من نهب, وفوضى, وبلطجة, وفتح سجون".

يعنى أية؟!!!

يعنى الكل يعرف البلطجية تبع مين, ومين اللى بيشغلهم, والأجهزة هى من كانت وراء فتح السجون, وإحداث الفوضى, ودى زى ما بيقولوا كانت "بلان بى".

طبعاً وبعدها, هم من يملكون الإعلام, ولبسوها للثوار.

وتفتكر إنهم هيعدلوا الدستور؟!!!

هأأأأأأأأأأأأأأأ, "وتفتكر إنهم هيعدلوا الدستور؟!!!", يا حبيب بابا, إحنا عايشين فى طابونة يحكمها المشير, لا فى عندنا لا دستور, ولا قانون, ولا يحزنون, ولا حتى فى مؤسسة ممكن تحميك, دى من الأخر محمية أبوهم, والشعب بيعيش فيها عرايا كالخراف, وبيحلب كل يوم, ثم بيجز صوفه كل فترة, وفى الأخر بيذبحوه, ويبيعوه بالكيلو.

أنت مش خايف؟!!!

سلمها لله, العمر واحد, والرب واحد, ولو مت هكون شهيد. ما أحلاها من موته.

يله, تصبح على خير.

وأنت من أهله.

,,,,,,,,,,,,,,,,,,,,,,,,,,,,,,

وهنا صمت هتموت عن الكلام.

,,,,,,,,,,,,,,,,,,,,,,

https://hemms.blogspot.com

https://x.com/AlMayadeenNews/status/2059725109766640024

https://x.com/AJArabic/status/2068161427735556372

https://x.com/TalatWbas/status/1949268602776871049

https://x.com/Meemmag/status/1963342485440155862

https://x.com/thaeralbannaa/status/1963320048811995321

 

بقلم

هتموت من الشمس

 

عن ترتيبات الخلافة الهزلية والتاريخية في الوقت نفسه، وعيّنة من أكاذيب السيسي على المصريين وعلى نفسه

مصر بتبيع أصولها ليه؟ بيع أصول أم استثمار؟د.حسن الصادي مع رانيا بدوي.

مصر بتبيع أصولها ليه؟ بيع أصول أم استثمار؟د.حسن الصادي مع رانيا بدوي.

محافظ البنك المركزي بيعرف يوقف هروب الأموال الساخنة.. وشاطر في اللعبة دي!

 

خد السلم معاه فوق!!!

مساء الخير.

مساء النور.

أية ده؟!!!

أية؟

مفهمتش؟!!!

أية اللى مفهمتوش؟

يعنى أية " خد السلم معاه فوق"؟ هوه طلع فين؟!!!

فى السندرة, هيستخبى وسط الخزين.

مين ده؟!!!

اللى خد السلم فوق.

يعنى مين؟!!!

المعروف لا يعرف.

يا راجل؟!!!

يعنى بالذمة أنت متعرفوش؟!!!

طيب, أية المشكلة؟!!!

مفيش مشكلة.

أمال أية؟!!!

أصلهم قالوا على الإخوان: "لإنهم كانوا عايزين ياخدوا السلم لفوق".

وبعدين, أية اللى حصل؟!!!

دلهمه, نزلوهم من فوق بالعافية, وقعدوا مكانهم, "وخدوا السلم معاهم فوق".

وأنت مالك, وأية اللى مزعلك؟ هوه أنت أخوان؟!!!

لا, ولكن الحق لازم يتقال.

وبعدين أية اللى حصل؟!!!

وبعد ما نزلوهم بالقوة من على الكرسى, لزقوا هناك وخدوا السلم معهم.

وأية اللى يزعلك فى كدة؟!!!

أصلهم دلوقتى عايزين يجيبوا شوية معيز يربوهم عندهم أربعة سنين "على حسابهم", وبعدين يطلقوهم علينا فى سباق "معيزى" ليختاروا أكثرهم طاعة وإستأناس.

هينقوهم أزاى؟!!!

بالمعتاد فى دولة سيكو سيكو.

يعنى أية؟!!!

كشف هيئة معتاد وروتينى, هيسألوهم فيه.

أية نوعية الأسئلة؟!!!

زى: "أمك كان قائد طابية"؟!!!

أه, يعنى هيعدوا فيه شوية المعيز اللى تبعهم فقط.

تقدر تقول كدة.

بس بيقولوا النظام اللى جاى هو خليط من نظامين معمول بهم: "الأول فى سنغافورة, والثانى فى الصين".

أه, تقصد "هجين بين الشيوعية والإسلام المستأنس". بس لما يجى عندنا هيبقى غير وشه, ومش هتعرف له معالم.

ليه بقى؟!!!

عشان إحنا عندنا فى كل حاجة بتتعمل بنظام عادل جداً فى التوزيع "له شهرة عالمية", وبعدين تلاقى أخر المطاف "اللى واخد الشيلة كلها عيلتين أو ثلاثة".

هأأأأأأ, هتقول أية فينا؟ ما الحقيقة إحنا صحيح "أصحاب سوابق فى الحتة دى".

أه, أو زى ما بيقول المثل: "يموت الزمار وصباعه بيلعب". وبعدين بيشترطوا ليه على اللى جاى إشتراطات غريبة.

زى أية؟!!!

زى يكون معاه دكتوراة, هوه إحنا فيه رئيس جه عندنا "من أيام الثورة المجيدة المباركة للعسكر" كان عنده دكتوراة؟ ولا من كثرة إنجازاتهم "الفشيخة" بيتشرطوا علينا؟!!!

لا تعليق.

ناقص يسألوه: "أمك كان قائد طابية؟", ولازم تجيب لنا رجل غراب يتيم, وعرف ديك أسود!!!

أه, يعنى "بالمختصر". هيطلعوا ديك أمة.

وبرضة مش هيختاروا الا المعيز اللى أصلاً تبعهم وماسكين عليهم سيدهات.

ماسكين سيديهات على معيز؟!!!

طبعاً, وهم دول المطلوبين.

طيب, وأنت أيه مزعلك؟ هوه أنت عايز تترشح؟!!!

لا, وعد وسجله على. "أنا غير متاح لأى منصب فى الحكومة سواء كان كبير, أو صغير", وأنا كمان مش طمعان فى الحكم, ولا فى الكرسى بأى صورة.

بس أنت يظهر إنك محموق عشان مش معاك دكتوراة؟!!!

لا يا فالح, أولاً أنا قلت إنى غير مرشح. ثانياً: براءة الأختراع وفق القانون المصرى تعادل دكتوراة, ويمكن أبدالها بها, "وأنا حاصل على أربعة براءات مصرية", فهمى نظمى رسمى.

ليلتك شفتشى, عشان الأبيض خلص.

يله, تصبح على خير.

وأنت من أهله.

,,,,,,,,,,,,,,,,,,,,,,,,,,,,,,

وهنا صمت هتموت عن الكلام.

,,,,,,,,,,,,,,,,,,,,,,

https://hemms.blogspot.com

https://x.com/AlMayadeenNews/status/2059725109766640024

https://x.com/AJArabic/status/2068161427735556372

https://x.com/TalatWbas/status/1949268602776871049

https://x.com/Meemmag/status/1963342485440155862

https://x.com/thaeralbannaa/status/1963320048811995321

 

بقلم

هتموت من الشمس

 

انفجار هاليفاكس | عشرون دقيقة قبل الكارثة

 

نعم للدفاع عن السعودية ولا للإعتداء على اليمن!!!

مساء الخير.

مساء النور.

أية ده؟!!!

أية؟

مفهمتش؟!!!

أية اللى مفهمتوش؟

أية العنوان ده؟ أية ده؟!!!

بإختصار: "نعم للدفاع عن السعودية, ولا للإعتداء على اليمن".

يعنى أية؟!!!

يعنى إحنا هندافع عن السعودية عشان همه لهم علينا حقوق ثلاثة على الأقل:

"حق الإسلام, وحق العروبة, وحق الجيرة", وحتى مهما كان, ففيها جزء كبير من مقدسات الإسلام.

وحتى لو أنهم دفعوا ليقتلوا ثورتنا, ويحبسوا أهلنا, وحرضوا قامعينا؟!!!

حتى وإن كان, فقد ربينا على كرم الأخلاق, وديننا حثنا على ذلك.

حتى وإن كانوا ظالمين, وهم البادئين فى الأعتداء على اليمن؟!!!

حتى وإن كان, لإننا سنذهب للدفاع عنهم وعن مقدستنا, ولن نذهب للإعتداء على اليمن.

حتى وإن كانوا هم من سلحوا الحوثيين "فى فترة ما, وجعلوهم يتوحشون"؟!!!

نعم, أنا أعلم أنهم ساعدوا "على عبد الله صالح" بالفلوس ليدبر مكيدة إستيلاء الحوثيين على سلاح الجيش اليمنى فى عصر الملك عبد الله. عندما كان المطلوب منهم الوقوف فى وجة الإخوان المسلمين فى اليمن "لخوف السعودية منهم".

نعم, وبعدما أنقلب السحر على الساحر, وقتلوا على عبد الله صالح عندما حاول التآمر عليهم, كما أنقلبوا على المملكة كمان, عندما إنقلبت عليهم.

طب, هنعمل كدة بسبب ما حدث "من ضرب محطة كهرباء الحرم"؟

لأ, لإنى ما بأطمنش "عموماً" للحوادث والكوارث "المثيرة للمشاعر", لأنها أحيانا بتكون مدبرة "بفعل فاعل مجهول", لإلقاء اللوم على البعض, وإثارة مشاعر العامة, وتذكر ما حدث فى "11 سبتمبر".

طيب, هوه إحنا هنقبض الثمن؟

لأ, عشان إحنا لسنا بمرتزقة.

وهنعمل أية فى التكاليف؟

دى فى الغالب سنأخذها, فحالتنا الإقتصادية لا تسمح فى القيام بأى حرب للدفاع عن أحد غير مدفوعه التكاليف.

يعنى أية؟

يعنى فى الغالب سنأخذ ثمن "السلاح المستنفذ, والذخيرة, والمعدات المستهلكة, والبنزين, ومرتبات الجنود, وتعويضات أسر الشهداء, والجرحى,,,, إلخ.

 يعنى بالمختصر, هيدفعوا تكاليف الحرب؟

نعم.

طب ليه مش هنقبض الثمن؟!!!

عشان إحنا مش رايحين للإرتزاق, ومش عايزين نحول المعنى النبيل للإستغلال الحقير.

وأية الوضع عموماً؟

الوضع سىء, ولا نريده أن يزداد سوء.

بمعنى؟

بمعنى, بداية ونهاية الحوثيين هم "عش دبابير", وكان من الغلط أثارتة, فكان يجب أن تحسب السعودية نتائج أفعالها, وهل هى جاهزة لذلك.

تقصد المثل االمشهور: "لو بيتك من زجاج متحدفش الناس بالطوب"؟

أه, حاجة زى كدة.

طيب, هل ممكن الحوثيين أن ينقلبوا علينا؟

فى الغالب لأ, لأننا لن نحاربهم بصورة إيجابية.

يعنى أية؟!!!

يعنى لن نهاجم اليمن.

بس, الحوثيين "جماعة وليسوا دولة".

ولذلك يجب أن يكون تدخلنا محدود ومحسوب, ولكنهم فى النهاية هيدهشوك فى تصرفاتهم.

يعنى أية؟!!!

يعنى عندهم صناعات حربية غير موجودة عند دول كثيرة فى محيطنا, ولهم طرق جيدة فى القتال, وأثبتوا أنهم عندهم صلابة وجلد كبيرين.

فى النهاية, الحكمة مطلوبة دائماً.

نأمل ذلك.

يله, تصبح على خير.

وأنت من أهله.

,,,,,,,,,,,,,,,,,,,,,,,,,,,,,,

وهنا صمت هتموت عن الكلام.

,,,,,,,,,,,,,,,,,,,,,,

https://hemms.blogspot.com

https://x.com/AlMayadeenNews/status/2059725109766640024

https://x.com/AJArabic/status/2068161427735556372

https://x.com/TalatWbas/status/1949268602776871049

https://x.com/Meemmag/status/1963342485440155862

https://x.com/thaeralbannaa/status/1963320048811995321

 

بقلم

هتموت من الشمس

 

السيسي يرسل الجيش المصري للدفاع عن السعودية ويعلن نهاية رئاسته عام 2030 ويؤسس نظام انتخابات جديد

 

فى ظلال النهاية!!!

مساء الخير.

مساء النور.

أية ده؟!!!

أية؟

مفهمتش؟!!!

أية اللى مفهمتوش؟

يعنى أية " فى ظلال النهاية"؟ مالها غامقة معاك النهاردة؟!!!

هى غامقة النهاردة بس؟ عموماً, الحمد لله على كل شىء.

عايز تتكلم على أية النهاردة؟

على العنوان اللى فوق.

خير؟!!!

مشيناها خطى كتبت علينا, ومن كتبت عليه خطى مشاها.

يا سلام عليك, وأنت رايق.

ومين قال لك "إنى رايق"؟

من الكلام اللى خارج منك "يقطر حكم".

بالعكس, دى فضفضة مؤلمة.

مش مهم, مادام عندك حكاية هتحكيها.

ماشى يا عم, خليك فاكرها.

شيالها لك على راسى.

تسلم لى. الحكاية بتبدأ بآية من القرآن الكريم.

هى أية؟!!!

الآية الكريمة "فَارْتَقِبْ إِنَّهُمْ مُرْتَقِبُونَ" هي الآية الأخيرة (الآية رقم 59) من سورة الدخان في القرآن الكريم.

التفسير والمعنى:

• "فَارْتَقِبْ": أي انتظر يا محمد وتربّص بما سيحل بهؤلاء المشركين المكذبين من العذاب والنكال من الله عز وجل.

• "إِنَّهُمْ مُرْتَقِبُونَ": أي إنهم هم أيضًا ينتظرون به الغوائل والمنون (الموت أو الهزيمة) وينتظرون قهرك، أو المعنى أنهم سينتظرون مصيرهم حين لا ينفعهم الندم؛ فهم منتظرون هلاكك وأنت منتظر هلاكهم، وشتان بين الانتظارين.

وقد أنجز الله سبحانه وتعالى وعده لنبيه ﷺ، فنصره عليهم في الدنيا بيوم بدر وفتح مكة، وأعد لهم العذاب الأليم في الآخرة.

------------------------------------------------------------------

ولكن لو أخذنا معناها "للمعنى المفتوح الصالح لكل زمان ومكان".

لم أفهم؟ ماذا تعنى؟!!!

"فى العام" تعنى "فى العموم" وهى تعنى ترقب العلامات القادمة مثلما هم يترقبونها, وهى آية من القرآن الكريم, "بتأمر الناس بأرتقاب ما يحدث فى الكون" فى كل زمان ومكان.

فى السماء؟!!!

وفى الأرض كمان.

هوه مش فيه بعض العلماء بيعملوا الحاجات دى؟

أه, بس دى حسب نص الآية يصبح (فى العام) "فرض عين", وليس "فرض كفاية".

مفهمتش؟!!!

بس متبقاش تنبل. "فرض الكفاية" هوه اللى لو قام به البعض, سقط عن الكل.

زى أية؟!!!

يعنى المعنى الواضح يكون فى الجهاد, خده كمثال للتفرقه بسهولة بين الحالتين.

تمام. هتشرح؟

نعم, هناك جيش لكل دولة بيدافع عن عنها, تمام؟

تمام.

فإن كنا فى حالة سلم, وكان الجيش كافى للدفاع عن الحدود, "فهذا هو فرض الكفاية".

يعنى أية؟!!!

يعنى بما إن "الجيش" بيقوم بحماية الحدود نيابة عن الشعب, "فهو بيكفيهم ذلك", وعندها "يسقط واجب الدفاع عن الحدود عن كل فرد فى الشعب", وذلك بمعنى إن الجيش كفى الشعب مهمة الدفاع عن حدود الدولة", "هذا هو فرض الكفاية", الذى "إن فعله البعض سقط عن الكل". تمام؟

تمام.

فإن حصلت حرب, وحدث بعدها إحتلال لأرضك, وأصبحت دولتك محتله "كلى أو جزئى" يصبح عندها الجهاد "فرض عين".

يعنى أية؟

يعنى فرض على كل عين فى المجتمع, أن يقوم هو به بنفسه.

يعنى أية "عين"؟

"فرض عين". يعنى فرض على كل نفس.

ليه؟!!!

عشان نسد النقص فى هذا الجانب, ومينفعش حد عندها يقول وأنا مالى "مش شغلتى".

طيب, ما أرض المسلمين الآن محتلة.

تمام, وعشان كدة الجهاد حالياً لتحريرها "فرض عين" على كل مسلم.

وإن كنا لن نستطيع؟

للجهاد درجات, "أعلاهم الجهاد بالنفس, يله بالمال, يليه بلسانك, يله فى النهاية بقلبك".

ألا يسقط أبداً؟

لا, لايسقط أبداً, طالما أرض المسلمين محتله. مثله مثل "الصلاة".

ربنا يسترها علينا.

أمين, نرجع بقى لموضوعنا؟

تمام.

ولذلك, لما يقول ربنا سبحانة وتعالى "فأرتقب", وأنا أقول لك لو قام به البعض بصورة جيدة وكافية "تمام".

ويصبح "فرض كافية".

بالظبط, عليك نور, فإن حدث فيه نقص يتحول ليكون "فرض عين".

تمام, وأية المشكلة حالياً؟

المشكلة حالياً إن الناس ركنت إلى الغفلة, وأصبح هنا أرتقاب الساعة "فرض عين".

طيب, أنا كنت عايز أسئلك عن بعض الحاجات.

إسئل.

مين الرجال المنتظر مجيئهم فى أخر الزمان؟

هناك مجموعة صغيرة من الرجال المنتظرين بعضهم مؤكد, والبعض محتملين.

أذكر الرجال اللى مجيئهم حتمى؟

المهدى, والمسيح الدجال, والمسيح عيسى بن مريم.

أية ترتيب ظهورهم.

زى ما قلت.

ليه المهدى مش مذكور له أى سيرة بعد معركة النهاية؟

لأنه فى الغالب سيكون قد توفى.

بعدها أو أثنائها؟

غير معلوم, وإن كنت أرجح إنه سيكون بعدها مباشرة.

لما؟

لأن لو مات أثنائها "فهذا سيلقى الظلال على نصره, ونصر المسلمين".

طيب, لما سيموت بعدها؟

فى النهاية, الكل بيموت "مفيش حد مخلد فيها", وبعد أنتهاء أخر الملاحم سيكون قد أتم مهمته, ووجوده بعدها فى وجود المسيح عيسى بن مريم, سيكون محرج لكل منهما, وبلا جدوى.

كيف ستحدث الوفاة؟

الله أعلى وأعلم, وإن كان فى الغالب سيختم حياتة بشهادة.

كيف؟

مثل أجداده, "فمعظم أجداده ماتوا شهداء".

معقولة أنهم سيستطيعوا أغتيالة؟!!!

قبل إنتهاء مهمته, ده مستحيل, ولذلك أنا بأعتقد بأنه لن يحدث أيضاً فى معركته الأخيرة, ولكن سيكون بعدها.

تقصد إن عندها سيستطيعوا أغتياله؟

لا, ولكن فى الغالب "الأثار المتراكمة من المحاولات السابقة فى مقتبل حياتة, ولم تكن فعالة أو مؤثرة وقتها,ستفعل فجأة, وتبدأ بالتأثير عليه "ليستشهد بعدها بأثرها".

أزاى؟!!!

كيف مات جده؟

بسم الزرنيخ عمل له أنتفاخ فى الأورطى.

يعنى إستشهد بالسم؟

نعم.

جاله منين؟

من اليهودية التى سممت الشاة فى الوليمة, وزادته فى كتفها لعلمها بحب رسول الله للكتف (ص).

وماذا حدث "فى الوليمة"؟

أخبرته كتف الشاة الرسول بأنها مسممه بعد أن قضم جزء منها.

وماذا حدث يومها؟

قتل كل من أكل من الشاة من الصحابة, ولكن الرسول (ص) لم يمت يومها, ولكنه مات بعد إنتهاء مهمته وأتمام أيصال الدين الإسلامى, وأذكروا خطبة الوداع.

وماذا فعلوا باليهودية؟

قتلوها بعد أن أعترفت بأنها سممتها من أجل أن تعرف هل هو رسول مرسل حقيقى.

كيف ذلك؟!!!

لأنه لو كان كذلك, لعلم ولنجا من الموت.

ولكن الرسول كان قد قضم منها فعلاً, فلما لم يمت وقتها؟!!!

لأن مازال عنده مهمه ليقوم بها, وكذلك سيحدث فى الغالب مع حفيده بعد تمام مهمتة.

كيف هذا؟!!!

حاول تفهم كويس ما أقول: "فالمهدى رجل مرسل من الله سبحانه وتعالى فى مهمة, فطلما هو لم يتمها بعد, فلن يستطيع هزيمتة, أو القضاء عليه أحد".

فإن إنتهت مهمتة؟!!!

فسيموت فى الغالب بعدها شهيداً بتأتير كل ما حدث له من قبل, "وبقت آثارة فى جسدة", وترك آثار غير مفعله إلى حين.

وعند أنتهاء مهمتة "سيفعل"؟!!!

غالباً.

نأمل أن نصاحبة يوماً ما "حياً وميتاً".

اللهم آمين.

يله, تصبح على خير.

وأنت من أهله.

,,,,,,,,,,,,,,,,,,,,,,,,,,,,,,

وهنا صمت هتموت عن الكلام.

,,,,,,,,,,,,,,,,,,,,,,

https://hemms.blogspot.com

https://x.com/AlMayadeenNews/status/2059725109766640024

https://x.com/AJArabic/status/2068161427735556372

https://x.com/TalatWbas/status/1949268602776871049

https://x.com/Meemmag/status/1963342485440155862

https://x.com/thaeralbannaa/status/1963320048811995321

 

بقلم

هتموت من الشمس