من غشنا فليس منا!!!
مساء الخير.
مساء النور.
أية ده؟!!!
أية؟
مفهمتش؟!!!
أية اللى مفهمتوش؟
أية حكاية "من غشنا فليس منا"؟!!!
هوه أنت ناوى تعمل فيها شيخ؟!!!
لا, مش للدرجة دى, ولكن رسولنا (ص) قال: "بلغوا
عنى ولو آية", فمن الأخر لو رأيت إن فى يدى أن أبلغ عنه ولو آية, فسأفعل.
طيب, أية حكاية النهاردة؟!!!
أنا اليوم كنت حاضر لنقاش بعض المتدينين عن
بعض أفعال الجمعيات الخيرية.
وأية اللى حصل؟!!!
فى البداية, أنا كنت رايح أشترى حاجة من محل,
ولما دخلت كان النقاش شغال عن "أعمال الجمعيات الخيرية", وإشتركت فيه
"بصفة إنى كان لى تعاملات متعددة مع الكثير منها".
أه, يعنى دلوت بدلوك فى الموضوع, ما أنا
عارفك فقيك.
أنت هتتريق؟
لا ما أقصدش, بس أنا عارفك كنت بتعمل لهم
شغل كثير زمان.
بس, بطلوا يجيبولى شغل مع أنى كنت بأخد منهم
فلوس رمزية على شغلى كخبير.
يعنى أية؟!!!
يعنى كنت بأخذ منهم "عشر, أو واحد على
عشرين, أو على ثلاثين" من اللى مفروض أخذه "كأتعاب خبير", عشان "براعى
أنهم بيشتغلوا فى العمل الخيرى والإنسانى", فكنت بأحرج أنا أخد منهم فلوس.
يعنى كنت بتاخد منهم فقط تكاليفك؟
تقريباً كدة, مع ضريبة القيمة المضافة.
طب, ليه هم بطلوا يجيبوك شغل؟!!!
أصل أنا ما بقبلش العمليات اللى فيها أى "شبهه
عك" حتى وإن كان فلوسها كثير, ومرة برضة "محاسب صغير" بتاع جمعية
من كبارهم كان خارج معايا "فى شغل خاص بهم", وفوجئت بأنه راكب عربية
غالية "كسر زيرو" يعنى أنه ممكن كان جايبها أصلاَ زيو, فسألتة عنها
فأجابنى بأنه كان جايبها زيرو, وأثناء حديثنا فى الطريق قال لى بأن عنده شقتين
تمليك, وتعجبت وقتها فقد كان عمرة فى حدود الثلاثين, فسألته هوه مرتبك كام؟
ومن يومها ما جابوش لى شغل ثانى, وكمان برضة
اللى رفضت أكمل لهم الشغل ما جابونيش ثانى,,,, وهكذا.
أه, عندهم حق, وأنت مالك ومال مرتبة؟!!! مهو
سؤال برضة ما يصحش يتسأل.
لا, هنا أنا أختلف معك, صحيح أنا مش من حقى
أسئله من أين لك هذا؟ ولكن هناك الكثير من تصرفات الجمعيات الخيرية تدعو فعلاً للتعجب
وللمسائلة.
زى أية؟
مثلاً: زى اللى بيعلن عن أضحيات فى أفريقيا,
وهوه بيأكل مال الناس فى بطنه, وكله نصب فى نصب.
وأية كمان؟!!!
وزى اللى ياخد فلوس الناس اللى بتتبرع بها
للخير, ويروح يتاجر بها فى العقارات,
ويلففها سنتين ثلاثة, وبعدين يرجعهم للخير بعد أن يكونوا تضاعفوا عدة مرات.
معقولة؟!!! وبيعمل كدة ليه؟!!!
بيعتقد إن من حقه يحاول أنه يزودهم بالتجارة
"اللى زغللت عينه".
للدرجة دى هوه مستهتر بفلوس الناس اللى
أتبرعوا بها للخير؟!!!
للأسف. الضمائر خربت.
ربنا يسترها علينا.
المهم إن اللى عايز أقولة للعاملين فى هذا
المجال, إن اللى ياخد قرش من الفلوس اللى رايحة للخير "ربنا هيحاسبه عليه حساب
عسير".
أمال اللى بيشتغلوا فى المجال مسموح لهم
يأخذوا أية "كأجر منها"؟!!!
ممكن أن يأخذ "العاملين عليها"
جزء يسير "كأجر" مع تحرى الدقة, ومرعاة القلة, وإن أستطاع "أن
يتبرع بأجره, أو جزء منه لله" فليفعل, ولكن ياخد فلوس المتبرعين بغرض معين,
ويذهب ويتاجر بها "بحجه أنه عايز ينميها, ويخليها بدل القرشين عشرة"
عشان يعمل خير كثير, فهذا غير مقبول على الأطلاق, ولا يمكن تغيير الغرض من إستخدام
الفلوس بدون الرجوع للمتبرع, أو الواهب.
مهم هيلففوها لفتين فى العقارات ينموها
ويتوسعوا فى مجالات إنفاقها, وبعد فترة قصيرة هيرجعوا نفس المبلغ لنفس الإتجاة, "فيها
أية دى"؟!!!
دى على طريقة الشيطان يعظ؟ لا, الكلام ده غير
مقبول, ولا يمكن التغيير بدون علم المتبرع بالإستثمار أولاً, أو تغيير أوجة
الأنفاق, ثم إرجاعها إلى غرض أنفاق المتبرع أو الواهب. "لا يجوز هذا بدون إذن
منه", وخدوها منى ومن الأخر "من غشنا فليس منا".
تمام. عندك حق.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
