صدق أو لا تصدق!!!
مساء الخير.
مساء النور.
أية ده يا عم الحاج؟!!!
أية مالك؟ فيه أية؟!!!
"صدق أو لا تصدق", فيه حد يقول
كدة؟ ما أحسن تقول واللى مش عاحبه يشرب من البحر, ولا مطرح ما تحطوا راسكم حطوا
رجليكم, راحت فين العناوين الهادفة؟!!!
هادفة لأية؟!!!هوه أنت عارف أنا كنت هتكلم
عن أية الأول؟
مهو بيقولوا الجواب بيبان من عنوانه؟ وأنت
شكلك ناوى تلغوص ونيتك وحشه.
وكمان عرفت نيتى؟ متيجى تقرأ لى البخت؟ ولا
توشوش الودع؟ طب, أنا كنت هتكلم عن أية؟!!!
حاجة زى وشك, ما أنا عارف كل اللى أنت
بتقوله.
ماله؟
غامق, وهيودينا فى داهية.
أستهدى بالله عشان اللى جاى من السياسة
العالمية.
حقيقى؟!!!
طمنتنى, أحكى بقى؟
فاكر مقالة "وقت مستقطع", اللى
قلت فيها: "أرجوكم, لا تلقوا بظلال على كأس العالم", تمام؟
تمام.
وقتها كانت القاذفات الأمريكية أقلعت لتضرب
إيران, وبعد نشر مقالتى بفترة صغيرة تراجعت, وقرروا منح السلام فرصة.
أنت عايز تربط ما بينهم؟!!!
لا, ولكن كان فيه تعبير غريب لتوتو فقد قال:
"إن هناك مسئولين إيرانيين أتصلوا به وترجوه أن يوقف الضرب".
معقولة؟!!!
أهو أنت قلتها, مفيش حد هيعقلها. بس لسة مش
راكبة فى دماغى.
ليه؟ هوه أنت شايف أية تفسيرها؟
يمكن أغبياء البيت الشفتشى لعبوا فى دماغة,
ولا عملوا له حاجة بالذكاء الصناعى وسمعوها له!!!
طيب, هوه الأتفاقية هيوقعوها ولا لا؟!!!
نصبر أحسن من ما نتوقع.
ليه؟
عشان لو تعمقنا, ممكن نلقى ظلال عليها,
خليها كدة أحسن.
ما إحنا هنتوقع بس؟
لا, لإن لو توقعنا هنتعمق, ومش هيكون كويس,
أتركهم يعقدوها فى سلام, وبعدين نبقى نتكلم.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق