أعلى ما فى خيلكم أركبوه!!!
مساء الخير.
مساء النور.
أية ده يا عم الحاج؟!!!
أية مالك؟ فيه أية؟!!!
أنت بتتخانق مع مين؟ أية المشكلة؟!!!
مع الدنيا الغريبة, وتوتو المتقلب
"اللى كل ربع ساعة بيغير رأية 180 درجة"!!!
ليه؟ أية اللى حصل؟ عمل أية توتو؟!!!
كان إمبارح عامل حديث عن إيران, "تقولش
حمامة سلام بترفرف على المنطقة, وبعد ربع ساعة تحول لغراب, وصقر حرب فى نفس واحد,
وقعد ينعق فى خطاب ثانى".
يظهر أنه هيربى لنا الخفيف فى المنطقة, ما تيجى
نقترح عليهم يروحوا يعالجوه؟
ما المشكلة "يظهر إن حالته ميؤس منها,
وملهاش علاج عندهم".
بس هم يظهر أنهم مبسوطين إن طالقينه علينا.
طيب, هيعملوا أية لما يغير دفته؟
تفتكر؟
ممكن قوى, بالرغم من أنه لم يفقد التمييز
بالكامل, إلا أنه معرض يحصل له فى فترة ما, ويصل لهذه المرحلة.
وتفتكر هيكون أية علاجه؟!!!
هيتخلصوا منه زى ما بيعملوا مع الخيل الميؤس
من حالتها.
تفتكر؟
أه, وبكل سهولة, وبكل تجرد من المشاعر.
يا راجل؟!!!
دول حتى ممكن يكسبوا بها نقاط, لما بعدها
يعملوا له جنازة عسكرية, ويلبسوا لنا "القصة كامله", أو لإيران, بعد ما
يزيفوا الأدلة, ويأخذوها ذريعة لقلب العالم علينا.
أنت هتقوللى, ما هى دى عادتهم, "زى 11
سبتمبر, وأخواتها".
طيب, مش بيقولوا ديماً وراء الدخان نار, فمن
أين أتت النار؟!!!
مش هتصدق.
لا, قول.
من رأسه نفسها, "يظهر إنها شاطت بعد ما
ضربوا له طائرات " F35
" فى الأردن, مع كمية كبيرة من الخسائر الفادحة التى لا تحتمل, "وخلوه
فى ربع هدومه", وكمان يظهر إن فيه خسائر بشرية فى صفوف الأمريكان.
ما إحنا ممكن نبعت له كسوة جديدة, من باب
المجاملة؟!!!
تفتكر هيرضى يلبس كستور المحلة المقلم
بالعرض؟
لا, مش ممكن, بس إحنا ممكن نرقية شوية,
ونخلى البيجامة مقلمة بالطول.
براحه, عشان ربنا يسترها عليك.
ولا يهمك. ياما دقت على الراس طبول.
طيب, أية اللى هيحصل للحرب؟
بص, مع إن الحرب بالنسبة له أصبحت أنتحار,
"لأنه وصل لمستوى حرج من نقص الذخائر", لدرجة إنى قلت عليهم, "أنهم
حولوا جيشهم لمود الشتيمة", إلا أنه ممكن يعملها؟!!!
تفتكر؟!!!
أه, لأنه تعدى مرحلة التعقل.
وإية اللى هتعمله إيران ساعتها؟!!!
هتتجنن عليه, ما أنا قلت لك أنه مقدم على
إنتحار.
لا يا شيخ؟!!!
بس تفتكر أنهم ممكن يعملوها فى كأس
العالم؟!!!
دى, هتبقى زى "الفير ورك بتاع الأفتتاح".
يظهر إن كأس العالم ده هيفشل.
فى الغالب, خاصة لو قارنوه باللى أتعمل فى
قطر.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق