أصل هوه اللى أكل الجبنة!!!
مساء الخير.
مساء النور.
مين ده اللى أكل الجبنة؟!!!
أية مالك؟ فيه أية؟!!!
وأشمعنى هوه؟ ما فيه اللى أكل اللحمة, واللى
أكل من غير ما حد يأخذ باله فى الزحمة, واللى أكل ونهب البلد من غير رحمة!!!
لا, ما الحكاية هى, كل هيأتى وقته تباعاً.
وأمتى وقت الباقى؟
فى المشمش.
أية ده؟ ليه كدة؟ ليه العنصرية دى؟!!!
أتلم, ومتعملش مشاكل عشان القصة مش ناقصة.
مش نافصة أية؟
مش ناقصة عوء.
وبعدين, أنت مش عاوزنى أكون صريح معاك؟
أه.
خلاص أتلم بقى, وما تعملش من الحبة قبة, "وخلى
أسئلتك فى المنهج".
يعنى أية؟
يعنى خليها فى المقرر.
برضة يعنى أية؟
يعنى إحنا من أمتى, وإحنا مسموح لنا نسأل
الأسئلة دى؟
عمره ما حصل.
طيب, ليه بتسألها دلوقتى؟
مهو لازم يجى وقت ونسألها, ولا هى هتفضل كدة
محرمة علينا للأبد؟
لا, مسيرة هيجى يوم وتتغير الدنيا, وتفتح
الأبواب.
أمتى؟ أنا صبرى نفذ.
أتفرجت على مبارة مصر إمبارح؟
أه, بتوه؟
لا, فقط, بأغير الموضوع.
لا دكهمه, ولا دلهمه, فريقنا أحسن من كلاهم.
عربى ده؟
لا فيومى.
ما علينا, أية رأيك فى المبارة؟
جيدة ولكن فريقنا مازال مهزوز, "عايز
شوية ثقة زيادة, ولياقه, مع رفع مستوه الفنى".
"المستوى
الفنى", أية اللى تقصده؟
التنسيق فى اللعب مع بعض, والتفاهم, وتأمين
التمريرات, وإتباع الخطط,,,,, إلخ.
ماهو ده أقصى ما عندهم.
لو كان كدة, يبقى ربنا يستر علينا.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق