قريب من الله؟!!!
مساء الخير.
مساء النور.
أية ده؟!!!
أية؟
مفهمتش؟!!!
أية اللى مفهمتوش؟
يعنى أية؟ "قريب من الله؟"!!!
أصل كل ما تسأل واحد وتقول له: "ليه ما
بتصليش"؟!!! يقول لك: أصل أنا قريب من ربنا.
طيب, قريب من ربنا أزاى, وأنت ما بتصليش؟
هوه أنت تقصد أنك ساكن جنب الجامع؟!!!
أه, بس مش هوه ده السبب.
أمال أية؟
أصل أنا نظيف من جوه.
يا راجل؟!!!
أه, والله.
يعنى لما بتستحمى "بتغسل برة
وجوة"؟!!!
لا, مش للدرجة. أنا أقصد القلب نظيف.
أه, "قلبك عامر بالإيمان"!!!
أه, حاجة زى كدة.
بص يا عم الحلو, هوه ربنا عرفوه أزاى؟
بالعقل.
تمام, وبالشرع كمان.
يعنى أية؟!!!
يعنى ربنا لما طلب مننا نعبده "ما سبش
الموضوع جهجهونى, ولا تركنا للعشوائية والأجتهاد".
مفهمتش؟
ربنا لما طلب مننا نعبده, كان محدد جداً.
يعنى أية؟!!!
يعنى حدد "أمتى, وفين, وأزاى, وهتعمل
أية بالظبط".
يعنى الموضوع مفهوش أى إجتهاد خالص؟!!!
لا, مش كدة. فى الفروض والأساسيات
"الموضوع محدد جداً", ولكن يأتى الأجتهاد فى الأعمال التى نزيد منها من
باب زيادة التقرب من الله.
بدون قواعد؟
لا, حتى دى لها قواعد برضة بتحكمها, ولكنها
أقل تشدد وإحكام.
يعنى فى دينا لا يجوز التجديد, أو الأضافة
فى أعمال الخير؟!!!
بالطبع يجوز, بشرط أن تكون عالم بما تفعل,
ويجيزه علماء الأمة, فإن كان حسن "أعتبروه سنة حسنه" وأجازوه, وإن كان
سيئاً "أعتبروه بدعة" وعملوا على أيقافه.
يعنى مفيش "تلقائية أو عفوية" عندنا
فى دينا خالص؟
فيه بالتأكيد, ولكنها كانت واضحه فى البداية
فى عصر الرسول (ص) والصحابة "لحسن ونقاوة إيمانهم", وهأعطيك مثال:
"عندما كانوا بيصلوا بعد ما رفع الرسول (ص) من الركوع, وقال سمع الله لمن
حمد, فرد الصحابى بتلقائية: "اللهم لك الحمد", وإستحسنتها السماء, وأجازها
الرسول (ص), وأصبحت الآن جزء من صلاتنا.
يعنى أية؟
يعنى من الأخر. روح صلى وصوم وإلتزم
بالعبادات وأركان الإسلام كما أمرنا الله, وأوصلها لنا الرسول (ص), وأنسى حجة "أصل
أنا قلبى عامر بالإيمان", عشان ربنا يرحمك لما يجى يحاسب.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
ليست هناك تعليقات:
إرسال تعليق