المعروف لا يعرف!!!
مساء الخير.
مساء النور.
أية ده؟!!!
أية؟
مفهمتش؟!!!
أية اللى مفهمتوش؟
هوه ده مثل؟!!!
لا, ده قول مأثور.
مين أثره؟
مش ناقصك.
يعنى أية؟
يعنى لو بتقول نكتة "أكتب جنبها ملحوظة
(إضحك)" عشان أعمل حسابى, وأحاول.
أية مالك؟
ونبى, سيبنى فى حالى النهاردة.
ليه؟!!!
أنا مش ناقصك.
أية الحكاية؟!!!
أصل الحكاية أبتدت من أسبوع "بمشاكل
مضاعفة 10 مرات".
يعنى أية؟!!!
من أسبوع جارى "اللى فوقى" نسى
حنفية مفتوحة, وطبعاً سقف شقتى قعد ينقط للصبح, وأصلاً من الحكاية دى وأنا عندى
نصف الشقة كهربتها ضاربة, عادى. وحاولنا نصحيه بكل الطرق, وحتى نكلمه فى التليفون,
ونكتب له رسائل, ونكلم قرايبه عشان يكلموه, وفى الأخر أقتنعنا أنه مش موجود, أو
مسافر.
ورجع من السفر؟
لا, أتضح إنه كان نايم, ونومه ثقيل, والصبح
بعد ما منيمنيش, أتصل بى وأعتذر.
لا تعليق.
وأنا مريض جداً, وكل أجهزة البيت ضربت فجأة,
حتى إن الشاشتين باظوا, والعربية عطلانة وبتسخن مع أنها عربية جديدة, وبقى لى
ثلاثة أيام بأصرف عليها, وبأغير لها فى قطع غيار جديدة, وبرضة مش نافع ينصلح
حالها, وأنا من الأخر "جديت".
إستهدى بالله, وإن شاء الله نجد لها حل.
تمام. الحمد لله على كل شىء.
سلمها لله, وأن شاء الله تنحل.
تمام, إن شاء الله.
هوه أنت رايح فين؟
مش رايح فى حتة.
ليه؟
أصل فيه واحد غلس راكن مكانى, شكله قاعد
بياخد سهرتة على قهوة من قهاوى المنطقة, وأنا راكن صف ثانى فى نصف الشارع قدامه,
وقافل عليه.
طيب, ما تروح تشوفه؟
لا, ما بعتنا حد وملقاهوش. تعرف على فكرة إن النوعية اللى بتشيل قمع, ويخش يركن مكان حد عشان يسهر, دى حتى لو رحت له على
القهوة, وقلت له: فيه عربية نوعها كذا راكنه هناك عند كذا "هينفضلك".
معقوله؟!!! ما ممكن يكون جاى بيزور حد
وهيبات؟
ممكن برضة. تتصور أنا من كثرة زهقى منهم
"جننونى", طب, هحكيلك حكاية صغيرة.
ياريت.
مرة واحد عمل الحركة الغلسة دى معايا, فأنا
قبل ما أروح ألف على القهاوى عليه, تحريت أى حد يكون شافة وهوه بيركن, وكان حظى
حلو.
أية؟
لقيت حد شافة وقال لى إنه لابس تى شيرت
برتقالى, ومشى على الناحية دى.
وبعدين؟
وفى الإتجاة ده, كان فيه قهوتين كبار لازقين
فى بعض, فرحت أدور عليه فيهم.
ولقيته؟
أه, قاعد هوه وصاحبة بيلعبوا كوتشينة,
ويتفرجوا على التلفزيون, ويتسامروا.
وسئلتة؟
نعم, وأجاب بالنفى؟
وعملت أية؟
أنا عارف أنه بيستهبل, لأنه الوحيد اللى
لابس تى شيرت برتقالى ومعاه مفاتيح سيارة, فمتحركتش من جنبه, وأصريت.
هوه عمل أية؟
هوه دمه بارد, وماتحركش, بس صاحبه حس إن
الموقف هيتأزم, فسئله وأحرجه: مش دى مواصفات عربيتك؟
وبعدين؟
أنا ظليت واقف جنبه ومتنح, فرد بكل برود
بسؤال.
قال أية؟!!!
أنت عرفت منين؟
رديت عليه: "الناس شافتك, وأعطت
مواصفاتك", وإستطردت: "ومفيش حد لابس تى شيرت برتقالى فى الأربع قهاوى
غيرك, وفيه قدامك مفاتيح سيارة".
قال لى ببرود: "طيب, هروح أشيلها"!!!
عمرك شفت حد أبرد من كدة؟
بصراحة لا.
يكون ربنا يرحمنا.
هى دى حكاية النهاردة؟
لا, بس أنا النهاردة "مقريف ومش
رايق".
أحكى يمكن تروق.
برضة مفيش فايدة فيك.
لا, معلشى, تعالى على نفسك وأحكى.
ماشى, هنبدأ بالعنوان: "المعروف لا
يعرف".
تمام, عايز تقول أية؟!!!
إحنا بقالنا فترة بنحاول نوصل للناس رسالة
تحذير من أقتراب الأخرة "من باب أننا بنحاول ننقذ أكبر عدد ممكن من الغفلة
اللى همه فيها".
تمام, وأية المشكلة؟
المشكلة إن الناس منقسمة بين المشتت, والغير
مهتم, واللى فى غفلة شديدة, واللى غرقان فى الملذات.
وطيب, وراح فين الملتزمين؟
بعضهم أخذتهم هموم الدنيا ومشاكلها
ولواهيها, وبعضهم مقتنع بأقوال "العمم الموجهه", وكمان معظمهم ما عادوش
بيقروا أساساً, واللى زاد وغطى إن مزودين خدمات السوشيال مديا بيغلوشوا علينا, وبيشتتوا
اللى بيبحث عن مدونتنا, وكملت باللى فتح مدونة وسماها إسم مقارب لإسم مدونتى,
"وبيصطاد فى المية العكرة".
يعنى أية؟
سموها "همس مصر", وأنا إسم مدونتى
أصلاً "HEMMS".
أه, بيكلوا عيش على قفاك.
فعلاً. وبيحاول ياخدوا جزء من جمهورنا اللى
بيشتته جوجل.
يعنى بيستغلوا الموقف. طيب, وأية مشكلة
البحث عنها؟
جوجل بيعتم عليها جامد.
ليه؟
عشان المواضيع اللى بنتكلم فيها "حساسة
بالنسبة لهم".
زى أية؟
مفيش داعى نتعمق فى الموضوع ده لحسن يقفلوها
لنا.
تمام. بس بيعملوا أية؟
مفيش حد بيسأل عنها, ويوصلوه لها.
يعنى أية؟
يعنى لو سألت جوجل عنها هيقولك مفيش مدونة
بالإسم ده. مع أنها أصلاً على بلوجر بتاع جوجل, وكمان هيغير شوية فى الإسم ويقول لك هل
تقصد كذا "اللى هى حاجة ثاني", وهيعطيك أختيارات كثيرة أخرى. يعنى
بالمختصر "هيشتتك".
والحل؟
تتصور إن بيجى لنا فقط العنيد اللى بيصر على
الوصول لها, وبيدور على أية لنكات توصل لها لغاية ما يوصل.
بس ليه همه بيعملوا كدة؟!!!
أنت مش عارف إنهم عايزين يوصلوا للمليار
الذهبى؟
أه, سمعت عن الموضوع ده.
وإحنا بنحاول ننقذ الناس من بين أيديهم.
وطبعاً ده مش هيعجبهم, وفى الأخر, أية الحل؟
عايزين المتابعين لنا يحاولوا ينشروا لنكات
للمدونة على صفحات السوشيال ميديا بتاعتهم "كدعم لها".
فعلاً, فكرة جميلة.
وأية كمان؟
ده كدة كفاية مؤقتاً لو فعلوه.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق