يختى كدة ينفع وكدة ينفع!!!
مساء الخير.
مساء النور.
أية ده؟!!!
أية؟
مفهمتش؟!!!
أية اللى مفهمتوش؟
أية حكاية " يختى
كدة ينفع, وكدة ينفع"؟!!!
أسكت, أصل أنا جايب لك حكمة من كبد الحقيقة.
لا يا شيخ؟؟؟؟؟؟؟؟؟؟؟؟!!!!!!!
أصلها عبارة نابعة من النخاشيش اللى جوه.
يا راجل؟!!! هوه فيه نخاشيش جوه, ونخاشيش
بره؟!!!
أمال أية. "المقصود إنها من
العمق", هوه أنت مش عايش معانا ولا أية؟!!!
بصراحة لو على النخاشيش, يبقى أنا مش عايش
معاكو.
عموماً, هى عبارة "حرفياً" تعبر
عن المرحلة.
يعنى أية؟!!!
يعنى لازم يمشى.
مين اللى قال الحكمة الجامدة دى؟!!!
يسراً لما كانت عاملة دور سلاكة.
يعنى أية سلاكة؟ هوه فيه عندنا بلاعات
مسدودة؟ ولا أنت تقصد سباكة؟!!!
لا, خلى بالك, كل حته فى الدنيا ممكن بلاعاتها
تتسد, إلا البلاعات دى ما بتتسدش أبداً, "وعشام كدة ما بتحتاجش سباكة, ولكنها
بتحتاج سلاكة".
تقصد أية؟!!!
يعنى دايماً سالكة.
بس حقيقى, تقصد أية بسلاكة؟!!!
دى وسيط بيستخدم فى التليين, وتسهيل الأعمال.
والتليين لأية؟!!!
للناس اللى قلوبها حجر, وموقفه المسالك.
يا راجل؟!!!
أصل العبارة دى فى المعنى المفتوح تعنى إن
كل شىء متاح, وبأى صورة, وفى أى مكان, وعلى أى كيفية.
هوه ده اللى كنت تقصده؟!!!
لا.
أمال تقصد أية؟!!!
من الأخر أقصد أنه لازم يمشى بأى صورة.
مفهمتش؟!!!
يعنى كدة يمشى, وكدة يمشى, وياريت بسرعة
يختار عشان صبر الشعب قرب يخلص.
أه, تقصد بالطريقة السهلة, أو بالطريقة
المعتادة. بس السؤال المهم هوه: قبل أية؟!!!
قبل ما تنتهى الخيارات.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق