وإن جندنا لهم الغالبون!!!
مساء الخير.
مساء النور.
أية ده؟!!!
أية؟
مفهمتش؟!!!
أية اللى مفهمتوش؟
أية حكاية "وإن جندنا لهم الغالبون"؟
هوه مش دى آية من القرآن.
نعم, من صورة الصافات – الآية (173).
وأية اللى جابها هنا؟!!!
أنا بأحب أستشهد بالقرآن والأحاديث.
لا, أنت مخدتش بالك. أنا أقصد أية مناسبة
الإستشاهد بها؟
الحروب والمصايب اللى إحنا موحولين فيها ليل
نهار, واللى بيعبدوا الشيطان وأتباعهم "توتو والنتن وشركائهم" مسببينها,
وقاعدين يرقصوا فوق رفاتنا.
مفهمتش, مالهم؟!!!
مش عايزين يسيبونا فى حالنا.
مهم مشغولين فى إنتخاباتهم حالياً.
أه, بس, لما بتقل عندهم الأصوات, "بيجوا
يولعوا فينا عشان شعوبهم تنبسط وتعطيهم أصواتها", وفى النهاية تلاقى الزعماء
العرب متفهمين ذلك, ويقولك أصلهم عايزين يكسبوا أصوات. ما يروحوا يكسبوا أصواتهم
بطريقه ثانية "لا تتضمن" ذبحنا!!!
أصل "فى الحقيقة" زعمائنا خايفين
منهم.
ليه؟!!!
عشان هم دول عظمى ومسلحين بكل أسلحة الدمار
الشامل والتقليدى بكم غير عادى, وكمان عندهم عملاء وأتباع فى بلادنا "عاملين
زى الدود والعلقات مصاصة الدماء" اللى بتتغذى على دماء شعوبنا وأقواتهم,
وبتردمنا تحت أطنان من الديون, "والبيع المركب والغير معلن للأصول".
تقصد به أية؟!!!
أنهم لما بيبيعوا الأصول "بيدخلوها فى
سلسلة خفية ومعقدة فيها أطراف كثيرة من دول متعددة كبرى" حتى تتوه فى السلسلة,
ولا تستطيع الشعوب أصحابها الشرعيين إستردادها فيما بعد.
وكيف ستسترد الشعوب أصولها المباعة؟!!!
بعد ما يغور "لصوص الليل" من
بلادنا, من الممكن إثبات فساد ما حصل, وإسترداد الأصول "بالذوق أو
بالعافية".
بالعافية أزاى؟!!!
هى الأصول دى رحلت, ولا مازالت موجودة على
أرضنا؟
معظمها لا يمكن نقله, ولكن هناك بعضها يسهل
نقله, "وقد خرج" من زمان.
إن شاء الله, هيجى يوم والكل هيتحاسب حساب
"أصعب من حساب الملكين".
يكون ربنا يتولانا بالستر.
إن شاء الله, وأمتى يجى اليوم ده؟
لما الناس تنسى مصالحها الشخصية, وتنظر
للمصلحة العامة بعين الإعتبار.
قريب؟
إن شاء الله, ولا تنسى: "وإن جندنا لهم
الغالبون".
صدق الله العظيم, يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق