على طريق الشلاحات!!!
مساء الخير.
مساء النور.
أية ده؟!!!
أية؟
مفهمتش؟!!!
أية اللى مفهمتوش؟
أية حكاية " على
طريق الشلاحات"؟ هوه أحنا هنروح نصيف؟!!!
هوه أية اللى أنت فهمته؟
تقريباً كدة, "هنروح نصيف".
أية اللى ودى فكرك للحتة دى؟
مش أنت بتقول شلاحات؟
أه.
ويشلح باللبنانى يعنى يقلع؟
أه.
خلاص, مهو المكانين اللى بيقلعوا فيهم هما
البيت والمصيف.
لا, وفيه أماكن كثيرة بيتقلع فيها وأنت مش
واخد بالك.
فين؟!!!
لا داعى لذكرها. بس مش هى دى الحكاية.
طيب, أمال, أية الحكاية؟!!!
أصل الحكومة "الفاشلة" لجمهورية
سيكو سيكو المحترمة فاكرة إن ثلاثة أرباع الميزانية لازم يجى من "بيع الأصول"
المؤتمنة عليها.
طيب, والربع الباقى بيجيبوه منين؟!!!
من عمل ديون جديدة.
طيب, وموارد الدولة بتروح فين؟!!!
تصور إنها حتى ما بتكفيش لإرضاء مجلس الشفط
القومى.
والحل.
مش عارف. بس, بعد فترة قريبة شعب سيكو سيكو
هيصحى يلاقى نفسه عايش فى وسط الطريق عشان الرصيف باعوه.
يعنى أية؟!!!
يعنى هيلاقى نفسه قاعد "حرفياً"
فى الشلاحات.
تقصد هيصيف؟
أه, بس فى الشارع, وبدون شط ولا كورنيش
وللأبد, ويعدى عليه اللى أشترى أصوله فى بلده, ويقول له: "ياللى بلا أصول".
ياداهية سودة. يعنى أخرتها هنختم حياتنا فى
الشارع.
أه, يبقى البيت بيت أبونا, ويجى الغرب
ويطردونا, ويعايرونا.
مش قادر أصدق.
للأسف, أدعى ربك عشان تلاقى رصيف بحرى, ولا حتى
تحت كوبرى تعيش عليه.
والحل؟
معروف. بس يجى الفرج من عند ربنا.
ونعم بالله.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق