أبشر أبشر!!!
مساء الخير.
مساء النور.
أية ده؟!!!
أية؟
مفهمتش؟!!!
أية اللى مفهمتوش؟
أبشر أبشر, أية ده؟ أثنين أبشر؟ هوه فيه خبر
سار النهاردة؟!!!
لأ, ليه؟
أمال أية "أبشر أبشر", حولتنى؟
هوه أبو فلاتر رحل؟
لا.
أمال أية داعى "التفاؤل"؟!!!
مفيش سبب محدد.
خلى بالك ده "التفاؤل بدون سبب, قلة
أدب".
ماشى يا عم. مقبولة منك. أروح أنام بقى.
بص قبل ما تنام أحكى لى الحكاية؟!!!
حكاية أية؟
حكاية "أبشر أبشر", وما تقعدش تلف
وتدور.
بإختصار إحنا داخلين على عصر الحرية.
تقصد أية؟!!!
كل شعوب العالم هتتحرر قريباً.
أزاى؟!!!
كل القواعد الظالمة اللى بتحكم العالم
هتنهار قريباً.
ولاونى مش مصدقك, بس, ممكن دى نعتبرها أول "أبشر".
تمام.
طيب, "أبشر" الثانية دى ليه؟!!!
عشان إحنا داخلين قريباً على عصر تحرير
العبيد.
أية ده؟ همه لسه متحرروش لغاية دلوقتى؟!!!
أه, تتصور؟
يا عم ده اللى أنا أعرفه إن العبيد تحرروا
من قرون مضت فى كل أنحاء العالم.
للأسف معلوماتك مغلوطة وغير صحيحة, وغير
محدثة.
يا سلام؟ يعنى أنت عندك معلومات جديدة فى
الموضوع ده؟
طبعاً.
طب, إتحفنا بها؟
أول حاجة "الفتيات" بيأتى بهم من
الدول الفقيرة, وبيباعوا فى العالم الغربى "كدمى للجنس والمتعة",
وبيسموا "الرقيق الأبيض".
وأية كمان؟!!!
والبشر بيأتى بهم من شرق آسيا, وبيهربوا
للغرب, ويباعوا هناك كعبيد "للعمل بالسخرة".
وأية كمان؟!!!
هناك دول بالكامل فى العالم فى مرتبة
"العبيد" فى العصر الحالى.
أه, عارفهم, بس مين هم
"الأسياد"؟!!!
أية؟ مش عارفهم؟
لا طبعاً, عارفهم, بس عايزك تعرفهم للناس؟
حتى "الأسياد" لهم درجات ومصنفين
فى بناء هرمى تعلوه دولة عظمى واحدة.
تقصد امريكا؟
أه.
طب ليه بتقول كدة؟
ببساطة, بص للأزمة الكبرى الحالية اللى عملاها
امريكا.
تقصد حرب ايران وامريكا.
أه, لاحظ امريكا بتقول أنها بتقوم بها عشان
منع إيران من إمتلاك سلاح نووى.
تمام, مع إنها أصلاً معمولة عشان السيطرة
على الأقتصاد والبترول, وإضعاف دول الشرق الأوسط, وإحكام القبضة عليهم.
تمام.
واللى تستغربله إنهم بيقولوا عايزين منع
إيران من إمتلاك سلاح نووى مع أنهم بيملكوه, وسبق وأستخدموه, وكمان أكثر دولة
مجنونة وعنصرية فى العالم وبتمارس يومياً الإبادة الجماعية "بتملكه",
ومحدش بيتكلم عنها.
مهو عصر معروف بالكيل بمكيالين, والمعاملة
المزدوجة, وكل العالم مقسوم ببساطة زى ما أنت عارف, "لأسياد وعبيد".
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق