رؤية شخصية!!!
مساء الخير.
مساء النور.
أية ده؟!!!
أية؟
أية اللى أنت بتعمله فينا ده؟!!!
أية؟ خير؟
أية حكاية الرؤية دى؟!!!
لا دى قصة قديمة.
أحكيها؟
مش وقته.
أمال هتعمل أية؟
هأحكيلك بدلها الرؤية.
؟؟؟؟؟؟؟ طيب !!!!!!!!!!!!!! ماشى, أمرنا
لله.
أية مش عاجبك؟
لا, عاجبنى قوى.
خلاص, بلاش, روح نام.
أنت بتهرج؟
ليه؟
مش قلت هتحكى؟
أه.
خلاص, يبقى خليك عند وعدك, وأحكى.
هوه أنت لحقت وعملته وعد؟
بدبسك عشان مترجعش فى كلامك.
ماشى يا عم, من ثلاثة سنين تقريباً مضت جت
لى رؤية بسيطة وغريبة.
كام مرة؟
مرة واحدة.
بس فيه حاجة غريبة جداً حصلت.
وهى أية؟
أنى لما صحيت ظليت فاكرها, ولم تنمحى أبداً
من فكرى حتى الآن!!! تخيل؟!!!
بالرغم من ذاكرتك, اللى أسوء من ذاكرة
السمكة.
أه, تصور.
أوبا, دى تبقى رؤية مهمة وهتتحقق.
شفت أنت قلت أية؟ المشكلة إنى حاسس أنها ما
تحققتش لغاية دلوقتى بالرغم من أنى رأيتها من ثلاثة سنين, وعلى ما أعتقد, إنها
عامة وتتعلق بأحداث النهاية.
ما يمكن تكون أضغاث أحلام, ولا إيحاء من
الشيطان؟
فى الغالب لا, لأن لو كان كدة كنت نسيتها من
زمن, ومكنش ممكن أبقى متذكرها لغاية دلوقتى.
أه, عموماً, تذكرك لها يعنى أنها هامة, ولم
تتحقق بعد. طيب أنت رويتها لحد؟
رويتها وأولتها فى مقالة سابقة من فترة.
وبعدين؟
ندمت, لإنى حسيت إنى أولتها غلط, أو بالأصح
أولتها صح, بس ألبستها لأحداث غلط.
مفهمتش؟
لما أرويها هتعرف.
بس ليه لم تهتم بتأويلها بصورة صحيحة؟ لأنى
عارف إن كل رؤياتك السابقة تحققت حرفياً.
أنا حاولت, مع العلم إنى أولت كل رؤياى
السابقين, وتحققوا تماماً كما أولت.
طيب, أية اللى حصل؟
بقالى يومين وهى بتدور فى دماغى مع آيات
النهاية.
وأنت نايم؟
لا, وأنا صاحى, وكأنها خواطر مع أحداث
النهاية.
أه, وعشان كدة على يومين كتبت مقالتين عنهم.
أه, تمام, بس اليوم زاد إن الرؤية دى شبكت
فى تفكيرى بهم, ولما فكرت فيها لقيت إنها ممكن قوى تكون مرتبطة بهم.
أنت كدة شوقتنى, إحكى بقى.
تمام, شوف يا ريس. الرؤية كالتالى:
ثلاثة شاروخان, واحد هندى, وواحد عربى,
والثالث لم أتبين جنسيته. وشاروخان هو الممثل الهندى المعروف.
تمام؟
ماشى تمام, بس ما هى واضحه أهه.
أه, بس المشكلة مش فى وضوحها. أصل أنا لما
أولتها وقتها, أولتها على أحداث حدثت وقتها, وحسيت بعدها أنى تسرعت, وإن الإسقاط
ده كان خاطىء.
تمام.
بس, المشكلة أنها لما رجعت تدور أمارات
النهاية فى دماغى لقيت أنها تنطبق على أحداثها بطريقة جيدة.
مفهمتش؟
طيب, نفسرها الأول ونشوف التأويل.
تمام.
اسم شاروخان يعنى بالعربى "شروخ".
تمام.
ومادام جاءت فى رؤية, "فهى تعنى شروخ
عظيمة".
تمام.
والشروخ فى الأرض "هى نوع من أنواع
الخسف", لأن الأرض ما بينهم بيخسف بها.
تمام.
والرؤية حددت مكانين منهم بالإسم, والثالث تركته
على العموم.
يعنى, الثالث سيحدث, ولكن الرؤية لم تكشف
مكانة.
طيب, ليه الرؤية قالت أنهم ثلاثة, ولم تكشف
عن مكان الثالث.
سؤال حلو. هى قالت أنهم ثلاثة "عشان
تفهمك" أنهم ثلاثة متواكبين.
يعنى أية؟!!!
يعنى فى باقة واحدة. يعنى هيحدثوا فى وقت
متقارب. يعنى زى إنفراط السبحة.
يعنى أنت عايز تربطهم بأشراط الساعة؟
أه, ولو فعلاً كان تأويلها كدة صحيح, يبقى
أتعرف مكان الخسف الثالث.
تقصد تقول أنه هيكون فى الغرب؟
أه.
طب, أية الجديد فيها, ما إحنا نعرف من زمان
إن من علامات الساعة "خسف بالشرق, وخسف بالغرب, وخسف بجزيرة العرب", أية
الجديد؟
الجديد والى الرؤية عايزة تقولة ثلاثة حاجات
"هتملىء فجوات عندنا فى مرويات أخر الزمان".
أية هى؟
أول حاجة: حدد ت مكان الخسف الشرقى
"بأنه فى الهند".
الحاجة الثانية: أنهم "متواكبين",
أو أنهم متزامنين.
الحاجة الثالثة: الترتيب فى الحدوث,
"لأنها قالت الهند, وبعدها العرب, وبعدهما الخسف الثالث".
طيب, هوه الترتيب الأول إحنا كنا واخدينه "لأشراط
الساعة" كان جاى منين؟
من الحديث الصحيح.
طيب, ما الحديث الصحيح أصدق من الرؤية.
تمام. بس لو كان الترتيب مقصود فيه.
يعنى أية؟
يعنى آمارات الساعة ذكرت فى أحديث كثيرة
بترتيبات مختلفه, مما جعلنا نستنتج إنها فى الأحاديث محطوطة على سبيل الحصر, وليس
الترتيب, ومما جعلنا أيضاً نلجأ للمنطق فى ترتيبهم.
يعنى أية؟
يعنى الرؤية بتكمل اللى جاء فى الأحاديث ولا
تتعارض معهم, وبتعطى لنا الترتيب الصحيح لثلاثة علامات للنهاية, وبتضيف كمان مكان
الخسف الأول, وبتفيدنا بإن الثلاثة هيكونوا متزامنين.
الله يفتح عليك.
الله يكرمك.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق