يا عيب الشوم!!!
مساء الخير.
مساء النور.
أية ده؟!!!
أية؟
أية اللى جاب العيب للشوم؟!!!
شوم أية؟ وثوم أية؟ عارف!!! يظهر إنك أصلاً مش
فاهم حاجة.
طب فهمنا أنت يا أبو المفهومية, "ثوم
أية؟ وبصل أية"؟ اللى بتتكلم عنهم دول؟ وأية لازمتهم دلوقتى؟!!!
صحصح كدة معايا, وما تدخلناش فى برنامج أبلة
فضيلة, صفحة الكشرى, وركز وأنتبه يمكن ربنا يكرمك.
أية الحكاية؟!!!
حكاية أية؟
الشوم؟!!!
أنت ثانى؟
ماتهدى, وتقول أتهديت عشان أعرف أحكى.
وأنا ماسكك ما تحكى.
أمسك لسانك شوية, عشان أعرف أركز.
ماشى, خلاص أهوه مش هتكلم.
يا عيب الشوم, ده تعبير مصرى من كلمتين, عيب
بمعنى "لايصح, أو لا يمكن فعله, أو غير مسموح بفعله", وشوم بمعنى الـ.........
الشوم اللى بنضرب به اللى ما بيشربش اللبن, واللى
ما بيسمعش كلام ماما.
أه, واللى بيقاطع الناس كمان.
طيب, خلاص هسكت أهه.
والشوم جاية من كلمة أنجليزى يقال لها
"شيم" بمعنى العار, واللى حرفت بعد فترة على لسان العامة فأصبحت شوم, و"يا"
هى أله نداء, ويبقى التعبير على بعضه بمعنى "يا عيب العار".
هوه العربى داخل فيه كلام من الأنجليزى؟!!!
عموماً لا, ولكن كل اللغات بتاخد من بعض,
ولكن العربى لأنه اللغة الأم, وهو الأقوى والأكثر مفردات, ولذلك هو الأقل تأثراً, ولكن
هناك بعض الكلمات الحديثة التى تسربت إليه من عامية الشارع, زى اللى حكينا عليها
النهاردة, أو من المستحدثات.
يوه, أنا دماغى جابت جاز. نرجع لموضوعنا بقى؟
أصل أنت توهتنا.
ماشى.
أية الحكاية؟ عايز تقول أية؟!!!
ظاهرة النينو المناخية.
مالها؟
على وشك الحدوث "بشكل سىء".
وأية هيكون النتيجة؟!!!
فاكر اللى حصل لنيبال؟
أه. صورة مصغرة من اللى هيحصل.
فى نيبال؟!!!
وفى غير نيبال أيضاً.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق