الطور!!!
مساء الخير.
مساء النور.
أية ده؟!!!
أية؟
هوه أنت بتشتم حد؟
لا.
طب, عازم حد على العشى؟
لا.
طب دى الأضحية بتاعة العيد الكبير.
لا طبعاً, هوه أنا لاقى أكل عشان أضحى بطور؟
طب, أية الحكاية؟ أنا غلب غلبى؟!!!
شغل مخك شوية.
وأية؟
وأية؟ أية؟
عايزنى أديلك أمثلة لتكمل الجملة؟
ممكن.
ممكن تكون, وأنا هأعزمك على العشاء, أو وهأجيب
لك تورتة,,,,إلخ.
ما تكملش بقية إلخ.
ليه؟
لأنه مش هيحصل.
هوه أية؟
أصل أنت شكلك "جاى على طمع".
عشان بقولك عشينى؟ أمال لو قولت لك غدينى؟
كنت هترمينى من الشباك؟!!!
لا طبعاً.
ليه, صعبت عليك؟
لا, لأنك ممكن تقع على العربية بتاعتى.
شفت أخرة الصداقة.
أية؟ زعلت؟
لا, ما أنا عارفك ندل فى الحاجات دى.
من بعض ما عندكم.
طب, هوه أنت حقيقى حيرتنى.
ليه؟
أية الطور اللى أنت عايز تتكلم عنه؟!!!
الملجأ الأخير للبشرية.
أوبا؟؟؟؟؟؟؟؟؟؟؟؟؟
أية؟
أنت خدتنا كدة طس على النهاية؟
أه, ما أنت عارفنى.
ما بتعملش تمهيد ليه؟
أمال بقالنا نصف ساعة بنتكلم فى أيه؟
هوه ده التمهيد بتاعك؟
أمال عايز أية؟ تحب أجيب لك مزيكة حسب الله
مصاحبة؟
لا, مش للدرجة دى.
بس, شوية تمهيد كدة قبل ما نخش فى المواضيع
الساخنة.
ماشى الكلام, المرة الجاية.
طيب, ما علينا, هات ما عنك.
أصلى النهاردة تقابلت مع سائح ماليزى
وتكلمنا كثير, وحكى لى عن مصر, وقال لى أنه راح زار سيناء.
وبعدين؟
سألته عن بعض معالم مصر اللى فى سيناء.
تمام.
بس أتضح لى أنه لم يزرها.
وأية يعنى؟
أصلها أهم معالم العالم.
ليه؟
لأنها أقدس وأهم قطعة أرض على الأرض.
ما هى؟
الوادى المقدس فى الطور.
اللى كلم فيه الله موسى؟
نعم اللى كلم فيه الله سبحانة وتعالى موسى
عليه السلام.
تمام.
والملجأ الأخير للبشرية, قبل القيامة.
أه, لما يقول: الله سبحانة وتعالى للمسيح
عليه السلام "حرز عبادى إلى الطور".
أه, فعلاً, ورد على أنه هيروح يزور سيناء
ثانى عشان يزورهم.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق