ترتيب العلامات الكبرى للنهاية!!!
مساء الخير.
مساء النور.
أية ده؟!!!
أية؟
أية اللى تعنيه بترتيب العلامات الكبرى
للنهاية؟ هى القيامة خلاص هتقوم؟!!!
لا, مش للدرجة.
طب, فاضل قد أية؟
على أية؟
على النهاية؟
على العموم, مش معروف, ولكن إحنا بنشوف
العلامات ونقول قربت ولا لسه بعيدة.
طيب, هى قربت؟
نعم.
مش هسألك أمتى؟ لأنى أعرف إنك لا تعرف, ولكن
هسألك عن آمارتها؟
بص الموضوع معقد.
حاول تبسطه؟
تمام.
خد ترتيب العشرة علامات الكبرى:
1. آية الدخان.
2. خسف بالمشرق.
3. خسف بالمغرب.
4. خسف بجزيرة العرب.
5. خروج الدجال.
6. خروج المسيح عيسى بن مريم.
7. يأجوج ومأجوج.
8. طلوع الشمس من المغرب.
9. خروج الدابة التى تكلم الناس وتختمهم على
وجوههم "مؤمن وكافر".
10. نار تخرج من قاع عدن تسوق الناس إلى أرض
المحشر.
طب راح فين المهدى؟ مش مفروض يظهر قبل
العلامات الكبرى؟
لا, مش بالظبط.
يعنى أية؟!!!
يعنى فى الغالب هتسبقه عدة علامات كبرى من التى
ستأتى فى البداية, ثم يأتى هو مواكب للعلامة الرابعة, أو بالأصح "العلامة الرابعة
الكبرى تدل على ظهوره", وتأكيد لخروجة, وإن من ظهر وقتها هو المهدى الحقيقى.
الكلام ده مشروح فى الفديو المصاحب؟
نعم.
أنت أخذته منه؟
لا, وعلى فكرة أنا سبق وكتبت مقالات كثيرة
عن خروج المهدى وعن ترتيب علامات القيامة "بنفس الصورة", ولكنى لما رأيت
الفديو ده وجدتها فرصة لتكرار حديثى عنهم مع وجود فديو واضح مصاحب قوى "يشرح
الموضوع". عشان التكرار بيعلم؟
الشطار, وعلى فكرة, أنا شفته.
تمام, رائع الدكتور / محمد المبيض فى
أحاديثة ودقيق.
على فكرة أنا متابعة من زمان على مدونتك.
أه, ما أنا بأنشر له تقريباً معظم أحاديثة من
سنة 2020 م .
وقبلها؟
مكنتش أعرفه, وكنت بأنشر معظم أحاديث د /
بسام جرار, والشعراوى, وكشك مع حفظ الألقاب.
على فكرة كل واحد منهم متميز فى حاجة.
طيب, أذكر بعض مزاياهم؟
نبدأ من الأخر.
تمام.
أولاً كلهم أقوياء فى الدين ولن نقارن بينهم
فيه, ولكنى سأذكرهم, فيما يتميزوا به تكمله لرسالتهم.
زى؟
كشك كان يتميز بالقوة الشديدة على المنبر
"لغاية لما سموه فارس المنابر", وإنه بيتحدث بجرأة شديدة فى السياسة, وما
بيهمهوش حد "فى عز زمن القمع".
ده اللى أنت خدت منه جرأتك؟
لا, أنا مولود كدة, بالرغم من أنى كنت بأروح
أصلى فى مسجده وأنا طفل, وأحضر له خطبة الجمعة, ولكنه بالتأكيد أثر فى كثيراً فى
طفولتى.
والشعراوى أستاذ بلاغة, ولذلك كان قوى جداً فى
تفسير القرآن.
ولكنه قال كلمة شديدة لمبارك قبل موته.
أه, كلمته معروفه لمبارك, ولكنه كان عنده أيضاً
موقف سياسى يحسب له فى عصر السادات عندما كان وزير للأوقاف.
أه, فاكرة بس أحكية أحسن للناس؟
تمام, كان فيه إحتفال قومى معمول فيه حفلة
يحضرها السادات والوزراء ومنهم الشعراوى "فقد كان وزيراً وقتها للأوقاف".
تمام.
طبعاً الوزراء كانوا فى الصف الأول مع
السادات ومسلط عليهم الأضواء.
تمام.
والشعراوى عكس الكرسى بتاعة فى الصف الأول
بحيث يصبح ظهره للمسرح.
فالسادات بعث له وزير الثقافة وقتها
"الدكتور / القيسونى", وقال له: "قول له يتعدل", فرد عليه الشعراوى
بقول: "أنا برضة اللى أتعدل".
طيب, والدكتور / بسام جرار قوى فى أية؟
فى العلوم الرقمية للقرآن, وحساب الجمل. وفى
أحاديث سورة الإسراء, وعلى فكرة هوه من البيرة أو الرمله "ضواحى القدس",
وعامل مركز نون لتفسير القرآن هناك.
أه, تمام ما أنا بأعرف ده, هوه أنت تقصد
سورة الإسراء اللى بتتكلم على اليهود؟
نعم.
طيب, والدكتور / محمد المبيض قوى فى أية؟
فى الحديث عن علوم أخر الزمان, وعلامات
النهاية, وعلى فكرة هوه من القطاع.
ما أنا عارف.
شوف الفديو.
شفته.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق