من أعان ظالم!!!
مساء الخير.
مساء النور.
أية ده؟!!!
أية؟
أية الحكاية؟!!!
أية؟
أنت ناوى تديها فى الغامق؟
بتسأل ليه؟
عشان لو ناوى, هأروح أنام أحسن.
من غير ما تسمع الحكاية؟
مهى باين عليها أهوه, إنها هتكون غامقة
النهاردة.
مش أحسن ما تكون بايخه.
هوه مفيش إختيارات وسط؟
لا, للأسف, إحنا فى زمن "التطرف".
مش قلنا بلاش.
بلاش أية؟
بلاش تجيب سيرتهم.
مش الأول تعرف هتكلم عن مين؟
ما الجواب بيبان من عنوانة.
طب أقول لك على خبر هيبسطك.
إتحفنى.
فيه ممثلة أفلام إباحية حاولت تخش مصر
ومنعوها فى المطار.
يا راجل؟!!!
والخبر منقول أهوه من حساب داعم للمخابرات
الحربية على النت:
تصدرت واقعة ترحيل ممثلة أفلام إباحية فور وصولها إلى مطار القاهرة
الدولي منصات التواصل الاجتماعي ومحركات البحث خلال الساعات الأخيرة، عقب تداول
فيديو اشتكت فيه من منعها من دخول الأراضي المصرية وإعادتها على متن الطائرة.
وبدأت تفاصيل الأزمة فور وصول الفتاة إلى صالة الجوازات بمطار
القاهرة، حيث تم التدقيق في بياناتها ووثائق سفرها من قِبل الأجهزة الأمنية، والتي
اتخذت قراراً رسمياً وفورياً برفض منحها إذن الدخول وترحيلها على أول طائرة متجهة
إلى الوجهة التي قدمت منها.
وعقب مغادرتها، نشرت الممثلة مقطع فيديو عبر حساباتها الشخصية عبّرت
فيه عن استيائها الحاد من السلطات الأمنية، واصفة الإجراءات بالتعسفية، قبل أن
تُطلق جملتها التي أثارت الأزمة: "لم يحترموا مسيرتي الفنية الممتدة لـ 20
عاماً"، معتبرة قرار الترحيل إهانة لتاريخها الإستثنائي على حد تعبيرها.
على فكرة, دخولها لمصر "لو كان حصل",
هوه اللى كان هيبقى إهانة لتاريخنا.
على فكرة, اللى عملوه "دولهمه" فى
العقد الأخير لتشجيع السياحة, هوه اللى يعتبر إهانة لتاريخنا.
يعنى أية؟
العارف لا يعرف, فنسبة الشمال من كل جنسيات
العالم اللى بيعملوا فى مصر إعارة حالياً أصبحت مهولة.
مهو ده بسبب أنهم عملوا لهم تسهيلات لتشجيع
السياحة.
ربنا يسترها علينا, وعلى أهلنا.
رجعنا لحكايتنا, وقول أية حكاية العنوان؟
خليها لمرة الثانية عشان النهاردة الكلام
خدنا, وهتبقى المقالة كبيرة.
أحكى ولو بالمختصر.
طيب, من أعان ظالم.
ماله؟!!!
سلطة الله عليه.
أنت ثانى؟
مالك؟
مش قلنا بلاش الغامق.
مهو للأسف, ده المتوفر فقط حالياً.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق