مطلوب حمار!!!
مساء الخير.
مساء النور.
أية ده؟!!!
أية؟
أية الحكاية؟!!!
أية؟
أنت ناوى تديها فى الغامق؟
لا, بتسأل ليه؟
عشان لو ناوى, هأروح أنام أحسن.
من غير ما تسمع الحكاية؟
مهى باين عليها أهوه, إنها هتكون غامقة
النهاردة.
ماشى, حلها سهل, روح نام وريح دماغك.
من غير حكاية؟!!!
أه, هيحصلك أية؟
أرق, ومش هنام, يرضيك كدة؟
أه, يرضينى, مش لسة كنت بتقول غامقة وفاتحة,
وشوية وتقول كمان "حكاياتى مش عاجباك"!!!
لا, معقولة, هوه أنا أقدر, ده أنت بس "فهمتنى
غلط".
يا راجل؟!!!
وحيات من جمعنا فى هذا الموقف البائس, "أنا
فاهمك كويس قوى".
متروح تنام أحسن.
ليه كدة؟!!!
مش بتقول حكاياتى غامقة.
خلاص بقى. يا عم سامح, متخليش قلبك أسود.
ماشى, هأعديها لك النهاردة.
طيب, خلاص بقى. هات ما عندك؟!!!
مطلوب حمار.
مفهمتش؟!!!
ليه مفهمتش؟!!!
مفيش مواصفات؟!!!
أنا بقى اللى مش فاهم؟
مثلاً زى ما تقول, مطلوب حمار حصاوى, ولا مطلوب
حمار إستعمال خفيف ومش راشش دواخل, أو مطلوب حمار إستعمال طبيب, أو مطلوب حمار مخطط
بالطول,,,,, إلخ, يعنى كدة.
مخطط بالطول ليه؟ هوه أنت ناوى تكتب عليه
عريضة!!!
خلاص متهزرش, وأحكى بقى.
الموضوع ببساطة. مطلوب حمار لوظيفة مرموقة
فى بلد "شقيق".
هيدفعوا كويس؟
أه, ده هناك هيعيش أحسن من شهريار.
الحمار؟!!! أمال لو كان بيفهم كانوا عملوا
فيه أية؟!!!
كانوا حطوه فى السجن.
أنت كدة شوقتنى, هوه أية إسم البلد دى؟
المزاريطة.
؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!
تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق