مساء الخير.
مساء النور.
أية ده؟!!!
أية؟
غريب اللى أنت بتقوله؟!!!
ليه؟
أية "قبل نهاية الوقت بدل الضائع"؟
هوه أنت مش عارف إن كأس العالم خلص خلاص؟!!!
أه, كاس العالم خلص, ولكن اللعب ما خلصش.
هوه فيه كأس ثانى؟!!!
أه.
فى كرة القدم؟
فى كرة القدم, وفى غيرها.
يعنى أية؟!!!
يعنى اللعب فى الحياة "كثير".
هوه أنت بتتكلم عن السياسة؟!!!
تمام.
طب خلينا نخش على طول فى لب الموضوع.
ماشى.
أية بتبص لى ليه, وساكت؟ يله, أحكى.
خلينا أحسن نبدأ بأسئلة منك.
ماشى الكلام.
أية حكاية توتو والنتن وإيران؟ تفتكر فيه
حرب ثانى؟!!!
أولاً الحرب لم تنتهى ومازالت مستمرة.
أمال أية اللى حصل والأتفاقية ووقف الحصار؟؟!!!
بص, بإختصار امريكا حصل لها عده حاجات فى
الحرب دى أدت لبطىء الرتم.
زى أية؟!!!
· أول حاجة: ارتفاع أسعار البترول.
· ثانى حاجة: نقص الذخائر عند امريكا والكيان.
· ثالث حاجة: الأنتخابات القريبة فى امريكا
والكيان.
· رابع حاجة: تكلفة مهولة, مع ضعف النتائج
المحصله.
· خامس حاجة: أضعاف دول المنطقة "أقتصاد
وحكام", بيسير بنهج بطىء.
طيب, أنا مش هسألك فى الأربعة نقاط الأولى,
ولكن أخر نقطة مش واضحة لى.
بص, امريكا بتضرب إيران من أسطولها, ومن
داخل الدول العربية المحيطة, وإيران بترد عليها داخل الدول العربية, والخاسر
الأكبر فى الموضوع هو الدول العربية.
وهو المطلوب "بالنسبة للكيان ولتوتو".
بس أنت سبق وقلت ده فى مقالات سابقة, وأنا فهمته وتفهمته, وفهمت تأثيرة على
الأقتصاد, ولكنى الآن لا أفهم تأثيرة على الأنظمة؟!!!
بالتأكيد, الحكاية إن كان لها التأثير
الأقتصادى الحاد, بالتالى بتؤثر بشدة على الأنظمة الحاكمة, وبتدفعها بقوة فى حضن
الكيان وامريكا, وكمان زى ما بيقول المثل: "أضرب السايب يخاف المربوط".
المفروض أنه بيقول العكس.
عديها. خليك جدع.
ماشى, تمشى.
طيب, تمام.
أية بقى علاقة اللى أنت بتقولة بعنوان مقالة
اليوم؟!!!
تقصد " قبل نهاية الوقت بدل الضائع"؟!!!
أه.
دى الزاوية اللى مش شايفاها الكاميرا, ولا
الناس.
مفهمتش؟
الحته اللى مش بيروح عليها الضوء.
برضة مفهمتش؟
البقعة الضلمة اللى بيخاف يروحوا لها الناس.
هوه إحنا بنلعب عروستى؟ ما تقصر وتقول أية
الحكاية؟
بأختصار العالم اللى نعرفه, بالشكل اللى
نعرفه. رايح للتغيير.
مفهمتش؟
مش هشرح. خليها كدة أحسن, وسيب الزمن هوه
اللى يحكى.
ماشى, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق