بين السما والأرض!!!
مساء الخير.
مساء النور.
أية ده؟!!!
أية؟
تقصد أية "ببين السما والأرض"؟ هى
هتمطر؟!!!
أسكت عشان أنا أصلاً معنديش حتى نفس عشان
أتكلم.
طيب, أهدى, وإستهدى بالله, وخد نفسك, وأحكى
لى.
للأسف, الدنيا بقت بطعم المرار.
ما هى طول عمرها طعمها كدة. بس أنت عشان
عندك السكر إحساسك بها مختلف.
متهزرش, عشان أنا على وشك البكاء.
ده أنت فعلاً زعلان!!!
ومكتئب وحزين ومتأزم ومتألم.
ليه؟!!!
من المرار الطافح اللى عايشين فيه.
وأية اللى أتغير دلوقتى, ما إحنا من عصر
الأسرات وعايشين فيه.
لا, مش كدة, ومش للدرجة دى, وعمره ما كان
كدة. للأسف, حالياً بقت بلادنا غير, ومحدش "من أهلها" عارف يعيش فيها.
طيب, براحة كدة, واحدة واحدة وأحكى لى,
وشاركنى همك.
من زمان وزمان قوى, وكل طبقات المجتمع
معروفه ومقسمة إلى ثلاث طبقات, ونوعاً ما متعايشة مع بعض فى هرمونى وسلام وأتفاق.
تمام.
ولكن فى أخر فترة حصل تغير غير مسبوق فى
مجتمعنا.
أدينى أمثلة.
فيه طبقة من المعرضين والقراميط والسبرسجية
ظهرت وطلعت من تحت الأرض فجأة لفوق السحاب "مباشرة".
دى ركبت صاروخ؟!!!
لا أعلم, ولكن صعودها كان مفاجىء ومذهل.
وراحت فين "طبقة الأغنياء القدامى"؟!!!
دى إنحدرت ليصبح جزء صغير منها من الطبقة المتوسطة,
لتتشارك المصير مع الكثير من طبقة الأجانب التى قدمت لمصر " فجأة بعدد
مهول", ونصها أفارقة والنص الثانى من آسيا, ومعظمهم من من خرجوا من بلادهم
إلى العالم الغربى "فى صورة لجوء", وعندما رجعوا "طوعاً أو
كرهاً" لم يعملوا عودة لبلادهم, ولكنهم عملوا عودتهم إلى مصر.
وأين ذهبت بقية الطبقة الغنية القديمة؟!!!
الجزء الأكبر منها أصبح من الطبقة الفقيرة
الجديدة, وبعضهم عايش حالياً "حرفياً" تحت خط الفقر!!!
والطبقة المتوسطة إنحدرت أيضاً لتصبح من
الطبقة الفقيرة اللى أنقسمت لقسمين, الأول بيكافح ليظل فوق حد الفقر, والثانى مدفون
فى الفقر وتحت حده, وبيلهث ويشحت كل يوم ليكفى جزء من إحتياجاته
"الضرورية".
وأين ذهبت الطبقة الفقيرة القديمة؟!!!
لا تسأل لأنى لا أعلم, ولا أجرؤ حتى على أن
أسئل.
تفتكر عايشين أزاى؟!!!
عايشين أزاى؟!!! دول أصلاً مش عايشين, تعرف
فيه أسئلة أصلاً ملهاش أجابات.
يعنى أية؟!!!
يعنى مش هنروح لبعيد, أنا هأوصف لك حالتى,
يعنى لو عرفت شهادتى ومستواى العملى وخبراتى, فالمفروض أكون فى خانة الأثرياء, "ولكنى
فى الحقيقة بأكافح كل يوم عشان أعديه", وساكن فى شقة إيجار سأطرد منها بعد
أقل من خمس سنين, ومش عارف أصلاً لو كان مستوايا فوق أم تحت خط الفقر, وأنت
بتسألنى عن أحوال الطبقة الفقيرة القديمة.
طيب, تفتكر أية اللى هيحصل؟!!!
ده, وضع ونموذج "غير قابل للتنبوء".
لما؟!!!
لأنه تعدى كل منطق, والمعطيات فيه غير محددة,
لدرجة أنه من الصعب وضعها فى نموذج حسابى يمكن حله لتحصل منه على نتائج.
يعنى أية؟!!!
يعنى الشعب ده هيجى فى لحظة وينفجر, وكل
العالم هيدفع وقتها الثمن.
تقصد إن الموضع هيخرج خارج السيطرة؟!!!
خارج السيطرة والمألوف والأعراف, وهيكون
سابقة لم يكن لها أبداً مثيل.
أنت بتبالغ.
تفتكر؟!!!
والحل؟!!!
الحل هيجى إن شاء الله قريباً من عند ربنا.
ونعم بالله.
نهايتة, يارب يامالك الكون والمتحكم به, لك
وحدك نلجأ, فإنزل عدلك على الأرض, وأطبق سماءك عليها.
تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق