متى إستعبدتم الناس وقد ولدتهم أمهاتهم
أحرار؟!!!
مساء الخير.
مساء النور.
أية ده؟!!!
أية؟
هوه أنت مش هتبطل؟
مش هبطل أية؟
كلام فى الغامق.
وأية اللى خلى كلامنا غامق؟
ما أنت بتقول: "متى إستعبدتم الناس وقد
ولدتهم أمهاتهم أحرار؟" وأنت عارف أوضعنا الحالية والعارف زى ما بيقولوا لا
يعرف!!!
بس دى مقوله تاريخية من تراثنا الإسلامى
الجميل.
مين اللى قالها؟
الفاروق عمر بن الخطاب عندما كان خليفة
المسلمين.
وقالها لمين؟
لعمرو بن العاص واليه على مصر.
وكانت أية المناسبة؟
كان فيه سباق فى مصر للخيل وفازت فرسة
المصرى على فرسه ابن عمرو بن العاص, فضرب ابنه المصرى وقال له كيف تنتصر على ابن
الأكرمين, فألتجأ المصرى للخليفة, فأستدعى عمرو وأبنه, وأمر المصرى بضرب ابن
الأكرمين فى مجلسه, ثم أمره بضرب عمرو بن العاص, فرفض المصرى, وعندها قال الفاروق
هذه المقوله المشهورة لعمرو "لتظل مقوله خالدة".
جميله ومعبره ,ولكن هتفيدنا بأية؟ وإحنا
حالنا أسوء من العبيد؟!!!
تفائل, وأنا هأقول لك نكتة؟
ماشى.
بيقولوا هربوا توتو من تركيا فى علبة سردين.
بايخة, وبعدين مش هتكفيه عشان هوه سمين.
يمكن كانت علبة تونة, ولا سلمون.
برضة بايخة.
طب, قول أنت نكتة؟
معنديش, بس عندى سؤال.
قوله وخلصنا.
أية أخرتها؟
أخرة أية؟
اللى إحنا فيه؟
ما أنا رديت على السؤال ده إمبارح.
يا راجل؟!!! رديت عليه قبل ما أسئلة؟!!!
شفت التكنولوبيا.
متهزرش.
لا وأنا أقدر, بس الحكاية مش كدة. دى كانت
مصادفة.
وده كان فى أى مقالة؟
استنى هراجع وأقولك.
ما تقول من الذاكرة؟
ما أنت عارف إنها خربانة.
طيب, ماشى.
لحظة, كانت فى أخر مقالة: "هوه أية
النظام العالمى الجديد؟!!!".
هروح أقرئها وأرجعلك.
تمام.
قريت؟
أه.
فهمت حاجة؟
لا.
طب, خليك متفائل.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق