ما بعد حلول الظلام!!!
مساء الخير.
مساء النور.
أية ده؟!!!
أية؟
تقصد أية "بما بعد حلول الظلام"؟ هو
أنت خارج؟!!!
مفهمتش؟
ليه؟
حط اللى بتقوله فى جمله مفيدة.
مش لما الأول, أنت تتكلم كلام مفهوم.
أية اللى مش مفهوم فى "ما بعد حلول
الظلام"؟!!!
أنه تعبير ناقص.
يعنى أية؟
كمله؟
برضة مفهمتش؟
بص, بإختصار كمل الجملة. يعنى عايزك تقولنا
جملة مفيدة!!!
أعطنى أمثلة؟
مثلاً زى, "ما بعد حلول الظلام, هنروح
السينما", أو "ما بعد حلول الظلام, سيأتى إلينا الفرج",,,,,, إلخ.
ماشى, هكمل, بس أنت أدينى فرصة أجمع شتات
فكرى.
حلوة قوى "أجمع شتات فكرى", وكأنك
هتتعوج علينا وتعمل فيها كاتب بجد.
ليه؟ هوه أنا مش عاجبك؟ ولا مش مالى
عينك؟!!!
لا, مش قصدى, بس ما تطولش, وأحكى على طول,
عشان أنت فقعتلى المرارة.
ماشى. "أقبل الليل".
وبعدين؟!!!
ما دى الجملة اللى بعديها.
لا, يا شيخ؟ هوه أنت هتقعد تنقطنا كدة كثير؟!!!
ما خلاص عرفنا: "ما بعد حلول الظلام, أقبل الليل", وبعدين؟
هنروح ننام.
لا ياشيخ؟!!!
بجد. وتصبح على خير, وأحلام سعيدة.
تعرف إن ربنا هيحاسبك على اللى بتعمله فى.
ليه؟
عشان اللى يقدر يستحملك هيروح الجنة.
يا راجل؟
خش بقى فى الموضوع ومتبقاش غتيت, عشان أنا
مليت منك, وهسيبك وأمشى.
من غير ما تعرف الحكاية؟
لا, خلاص مش عايز أعرف, ومعدتش عايز أشوف
وشك ثانى, ما أنت سديت نفسى.
تمام,
تصبح على خير.
أحكى بقى يا غلس.
ومش هتروح تنام.
ومش هروح أتزفت.
ماشى.
كفاية سخافه لغاية كدة, وإحكى.
إذا الإيمان ضاع فلا أمان, ولا دنيا لمن لم
يحى دين.
مش دى أغنية لأم كلثوم.
أه, ده مطلعها.
أية؟ هى السهرة النهاردة غنائية؟!!!
لا, أه, تقصد أنى هغنى؟
أه؟
لا.
طب, خلينا نغير النمط. أنا هأسئل وأنت
تجاوب؟
ماشى.
أمتى هيجى يوم الحساب؟!!!
تقصد يوم القيامة؟
لا, ما أنا عارف أنك متعرفش القيامة هتقوم أمتى.
أمال بتسأل عن أية؟
عن الثورة؟!!!
ياريت لو كانت تيجى إمبارح.
للدرجة دى أنت متشوق لها؟!!!
وأكثر, كما أنى متشوق لقدوم يوم الحساب
الأخير.
تقصد القيامة؟!!!
أه, تصور.
ليه؟!!!
لإفتقار الدنيا وتعطشها للعدل.
فقط للعدل؟!!!
العدل هو أهم مطلب.
مهم قد أية؟!!!
قد أنى مستعد لإستبدال الدنيا كلها به.
حتى لو عجل بالساعة؟!!!
حتى لو كانت الساعة ستبدأ بعد ساعة.
هوه مش صراع الحق والباطل ده, أبدى.
نعم.
ليه دلوقتى بقى غير محتمل؟!!!
لأنه تعدى قدرة البشر على الأحتمال,
والشيطان وصل الناس لنقطة الأنكسار, "لدرجة أنه سيجعلهم غصباً وكرهاً يتخلوا
عن كل شىء قيم ويستبدلوه بالردىء".
يعنى أية؟!!!
يعنى معدش فيه خيارات "جيدة",
" كل خيارات الدنيا أصبحت رديئه".
للدرجة دى؟!!!
وأكثر, لقد نجح لأن يصل بالإنسان للحافة, وإحنا
حالياً أمام نقطة أنقلاب.
مفهمتش؟!!!
يعنى المعادلة مستحيل تكمل هكذا,
"الدنيا فقدت أتزانها".
مفهمتش؟ برضة يعنى أية؟!!!
يعنى لازم تتغيير المعادلة, أو تستبدل, أو
الدنيا نفسها هتتغير, وهتروح فى حته ثانية, ولكن مستحيل الإستمرار هكذا.
للدرجة دى؟!!!
وأكثر.
ده أنت متشائم جداً.
متشائم؟ وجداً؟!!!
طب, وإحنا عندها هنعمل أية؟!!!
أنت فاكر قصة جيش الخسف؟
أه.
وقتها كل هيبعث حسب نياتة؟
تمام, أمتى بقى؟!!!
قريباً, سيكون هناك حدث مشابة.
طبيعى؟ ولا بيد الأنسان؟ ولا مختلط!!!
الله أعلم, ولكن حجمه أكبر بكثير مما تستطيع
تصوره.
ونعم بالله, ربنا يستر.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق