قانون تقنين التعريض!!!
مساء الخير.
مساء النور.
أية ده؟!!!
أية؟
هوه إحنا ناقصين تعريض ثانى؟!!!
أية اللى خلاك تقول كدة؟
أصلك بتقول: "قانون تقنين التعريض".
وأية المشكلة؟
أصل لو سمعوا كلامك وعملوه, نصف الشعب مش
هيعرف ياكل عيش.
حصل, بس أنت فهمت الموضوع غلط.
ليه؟
أصل أنا مش باقول: يعملوا "قانون تقنين
التعريض" لمنعه, "لا سمح الله", ونقطع عيش كل الناس المعرضة, ونبيتهم
فى الشارع, ونعرض نمط عيشهم كمعرضين للخطر, ومركزهم القانونى "كقراميط",
اللى حصلوا عليه على مر العصور بالكفاح والعرق والجهد والقرمطه والتعريض.
أمال أية؟!!!
خلى بالك المعرضين والقراميط فى المنطقة
متحدين وعايشين مع بعض فى سلام, ومنسقين وواكلين وشاربين وسارقين وناصبين مع بعض
من عهد حتحور الثالث عشر.
مين "حنتور" ده؟!!!
إسمه "حتحور مش حنتور", ده كان من
كبار المعرضين فى عهد الأسرات.
وعلى رأى المثل:
"عيش معرض تموت قرموط".
وده كمان مين اللى قاله؟
أنا.
طيب, تفتكر لو المعرضين دول بطلوا يعرضوا,
"وده طبعاً شىء خيالى", هيشتغلوا أية؟!!!
مش عارف؟ ممكن نعمل لهم أعادة تأهيل.
ليه؟!!!
لأن معظم المعرضين والقراميط سلكوا هذا الطريق
لعجزهم عن مجاره الأخرين فى المجالات المختلفة؟!!!
تقصد تقول: أنهم بيعرضوا لأنهم فاشلين؟!!!
نعم, ومن الأخر, هم أكثر من فاشلين, وللأسف معظمهم
من عديمى القدرات والملكات, ومحصلتهم من العلم صفر, ومن الخبرة صفرين, ولو دخلوا
فى منافسة حرة "بدون كوسة ولا واسطة ولا تدخلات", لسحقهم الأخرين.
أه, ولذلك بيلجأوا للتعريض, أو القرمطه, أو كلاهما معاً ليحصلوا
بهما على ما لم يستطيعوا أخذه بالطرق العادية.
وأية نتيجة كدة؟!!!
بيجعلونا دولة متخلفة فى ذيل الأمم.
ليه؟!!!
عشان لما تحط واحد منهم فى كل مكان مهم
ومؤثر, وترمى الكفاءات فى الزبالة, ستجد أنهم بيصفوا كل الكفاءات ويتركوا فقط
الأغبياء فى محيطهم, "لأن مفيش خطر منهم عليهم", وفى النهاية "يبقى
على البلد السلام".
طب, أنا كنت ناوى أسئلك عن تفنيش المصريين اللى فى الآمرات.
مش فاهم السؤال؟
هم فنشوهم ليه؟!!!
ليه بالظبط, أنا ما أعرفش.
خمن؟!!!
فى الغالب موقف سياسى.
بس المصريين فى الآمرات "دول أخر ناس لها
فى السياسة", دول زى ما بيقولوا: "دائماً فى حالهم, وماشيين جوه
الحيط".
ما عشان كدة بيكونوا هم أول الضحايا
للسياسيين, وبيخدوهم على طول فى الرجلين.
أه, عشان معندهمش صوت عالى.
لا وأنت الصادق, "عمرهم ما طلع لهم
صوت".
بس أنت كدة برضة "ما خمنتش السبب".
ممكن عشان كانوا عايزين مصر تحارب بدلهم ضد
إيران.
مفيش حد بيحارب بدل حد. كل واحد لازم يشيل
شيلته.
بس, على فكرة مصر أرسلت سرب من الطائرات,
وبعدين "ما تنساش" هم اللى أختاروا تحالفتهم من قبل الحرب, ووضعوا
أيديهم فى الأيدين الغلط. بس برضة شوف لك سبب غيرة.
مع أن السبب اللى قلته مقنع, ولكن أزيدك بأن
ممكن يكون عشان الحلف الى عملته "تركيا وباكستان والسعودية".
وده ماله؟!!!
يمكن يكونوا خايفيين مصر تنضم له, ويصبح
وجود المصريين هناك يمثل خطر عليهم؟
برضة مش مقتنع؟ لأن نوعيه المصريين اللى
هناك ملهمش فى السياسة!!!
ويمكن عشان الخوف من قيام ثورة قريباً فى
مصر.
وهوه فيه ثورة قريباً فى مصر؟
أهو ده السؤال اللى محبش أرد عليه.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق