إحنا تخطينا الحرب!!!
مساء الخير.
مساء النور.
أية ده؟!!! بتتكلم عن أية؟!!!
عن حرب امريكا والكيان وإيران.
هوه أنت عامل زى المثل اللى بيقول: "سكت
دهراً ثم نطق كفراً".
يعنى أية؟
يعنى بقالك فترة ملتزم الصمت فيما يخص
الحكاية دى, حتى لما سألتك من فترة قريبة عن الحرب دى, قلت لى إنها ما وقفتش.
طيب, أية اللى مزعلك؟
ماترسى لك على بر, هى وقفت؟ ولا أية؟ ومين
خسر, ومين كسب؟
ما أنت مش مستوعب اللى أنا بأقوله, وذاكرتك
عامله زى ذاكرة السمكة.
ليه؟!!!
لأن الحرب دى لها أطراف كثيرة, منها أطراف
أساسية ومنغمسه فيها بطريقة مباشرة, وأطراف أخرى منخرطة بطريقة غير مباشرة, وأطراف
واقفة بتتفرج ومنتظرة نتائجها لتتصرف بناء على النتائج.
يا عم وضح, أنت كدة بتتوه!!!
لا, كل المسئلة أن مش واصلة لك الصورة
الكاملة.
ما توضحها؟!!!
مش أنا فى البداية قبل بداية الحرب قلت إن
دى حرب تكسب بالنقاط وليس بالضربة القاضية.
يعنى أية؟!!!
يعنى أنها حرب استنزاف ومطولة, ويكسبها اللى
عنده قدرة سريعة على تعويض خسائرة.
وبعدين دلوقتى بتقول إحنا تخطيناها؟!!!
أية المشكلة؟
مفهمتكش؟!!!
المشكلة إن النتن ورط توتو وكل شوية يوعده
بنصر مهول.
طب هوه ليه بيعمل كدة؟!!!
لأن أى تدمير للقوة المحيطة بالكيان, نتائجة
بتصب فى صالحة وصالح الكيان.
طيب لصالح الكيان وفهمنا, وليه بقى بتقول
أنها فى صالح النتن؟
لأن النتن عايز الكيان يظل فى حرب دائمة حتى
الأنتخابات.
أه, معروفه عشان ما يحاكموهوش.
وعشان يحسن نتائجة فى الأنتخابات.
أه, بس دى لها نتائج عكسية على امريكا وعلى
توتو؟!!!
أه, بس توتو مش شايف كدة.
ليه؟!!!
عشان النتن مغرر به.
بس ليه أنت بتقول إننا تخطينا الحكاية
دى؟!!!
تقصد ليه بأقول: "إحنا تخطينا الحرب"؟
أه.
لأن الحرب نتائجها حسمت من فترة طويلة, بس
امريكا وتوتو مش مقتنعين.
ليه؟!!!
لأنهم بيحاولوا يكسبوا بالمفاوضات اللى
خسروه بالحرب.
وهل هذا ممكن؟!!!
لا طبعاً, مفيش حد عبيط فى الزمان ده.
طب, إحنا ليه بقى خسرنا قضية "سد
النهضة"؟ هوه إحنا عبط؟!!!
لا, ولكن مع العماله والخيانة "كل شىء
ممكن", وما تحولش الموضوع.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق