ضربة معلم!!!
مساء الخير.
مساء النور.
أية ده؟!!!
أية؟
أية اللى حصل؟!!!
مفيش.
أمال ليه بتقول: "ضربة معلم"؟ هوه
أنت هببت أية ثانى؟!!!
لا, والله ما عملت حاجة.
أمال أية الحكاية؟!!!
أنت عارف أنى بقالى مدة الإلهام مقاطعنى,
ومش عارف أكتب حاجة, ومسلم أمرى لله.
تمام, وبعدين أية اللى حصل؟!!!
كتبت إمبارح قطعة ومعجبتنيش, فمنشرتهاش.
وبعدين, بعدها أبتدت تندع من إمبارح بشوية
أخبار متنوعة.
زى أية؟
زى تفنيش المصريين فى الأمرات, ثم خبر من
باكستان عن إحتمال أنضمام إيران لأتفاقية (باكستان والسعودية وتركيا) للدفاع
المشترك, وهو موضوع شائك ومعقد وله جوانب كثيرة, وقررت أن أكتب عنه مقالة مساءاً بإسم
"ضربة معلم".
على أساس أية قلت كدة؟!!!
على أساس "أنها فعلاً ضربة معلم من
إيران لو حصلت", ولكنهم هيمنعوا حصولها.
مين؟
الكل. وبعدين كنت هخرج "لغاية ما سمعت
أخبار" قلت بعدها: "يا كرم الله", ده ربنا فرجها من وسع.
ليه؟
أصل توتو خلاص قرر يضم مضيق هرمز لممتلكات
امريكا, وفى الغالب بعدها هيسمية مضيق توتو.
بصراحة الصنف اللى بيستخدمه لو قرروا يروجوه
عندنا هيكسبوا كثير.
ليه؟
أصله شكله ممكن يعلى معاهم هنا لغاية ما
يوصلهم القمر.
مهم تقريباً برضة يظهر أنهم كانوا بيستخدموه
هناك أيام "ارمسترونج".
يعنى أية؟!!!
يعنى لو تضرب منه أثنين جوينت, هيودك مباشرة
للقمر فى لحظتها.
بدون صواريخ؟!!!
ولا بدل ولا الحاجات الفارغة دى. دى
تكنولوجيا جايبة من الأخر, وأعلى بكثير.
بس "على فكرة" البيت الأبيض نفى
الحكاية دى بعدين, وقال: "أنه كان بيهزر".
يا خسارة, مفسدى اللذات, يظهر أن ملهمش فى
المزاج العالى.
أه, "بس, على فكرة" يظهر همه
قالوا كدة بعد ما مفعول الصنف خلص تأثيرة.
طب, سيبك منهم, هوه أنت النهاردة رحت فين؟
شوية زيارات, ما أنت عارف النهاردة الجمعة.
يله, هسيبك عشان أروح أنشر القطعة.
ربنا يوفقك.
تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق