منتهى العنصرية!!!
مساء الخير.
مساء النور.
أية مالك؟!!!
أية؟
أية اللى مزعلك؟!!!
مش عارف أقولك أية.
ليه؟
الموضوع محير وحزين ويجيب أكتئاب.
غريب اللى أنت بتقوله؟!!!
ليه؟
لأنى مش فاهمك.
طيب, أصبر على, وأنا هأحكيلك.
ماشى, بس بلاش المقدمات الطويلة.
ولا القصيرة, هخش على طول فى الموضوع.
الله ينور عليك.
عارف كان فيه مقدمة طويله قوى هنا, وأنا
لغيتها علشانك.
مفهمتش حاجة؟
مش مهم, بس خليك متفائل.
يا عم تبسط, وأحكى على طول فى الصميم.
فى الصميم؟ طيب. أنت عارف توتو بيقول أية
على المكسيكى؟
بس بايدن اللى كان مسميه المكسيكى مش توتو.
ماشى, بس متمسكش لى على الواحدة وعديها, ما
أنت عارف ذاكرتى "شكلها أية", وبعدين الأسم ده لزق فيه من وقتها.
أه, طيب, توتو كان مسمية دكتاتوره المفضل.
ودى من الأخر, "وقاحة فجة".
ليه؟
لأن توتو بيمارس الديمقراطية فى بلادة, وعلى
أهله وناسه, وبيشجع الديكتاتورية فى بلادنا, و وبيتفاخر برعايتها.
مهو ده العالم أبو وشين, بس مش هوه لوحده
اللى بيعمل كدة.
طبعاً, معظم العالم كمان.
زى مين؟
للأسف معظم حكومات الشرق والغرب "على
حد سواء".
طيب, وإحنا هنعمل أية فى العالم "العنصرى
الظالم" ده؟!!!
هنكافح ونقاتل من أجل حريتنا, وإلا سنكمل
حياتنا كالعبيد.
ضد من؟
ضد الظلم والفقر والدكتاتورية ورعاتهم.
ربنا معاك.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق