وعند الله تجتمع الخصومة!!!

 

خلاويص,,,,,,,, لا لسه!!!

خير اللهم أجعله خير.

بقالى سنة بأصحي وأنام على الأخبار في الجزيرة لغاية من كثرة ما شفته من مجازر ومآسى أصبحت حياتى كئيبة وسودة،،، قال يعنى هيه ناقصة سواد.

والنتن كل يوم يضرب له خطاب تلفزيونى وكأنه زعيم العالم ويحذر فيه دولة شكل. مرة لبنان ومرة سوريا وأخواتها،،، وعلى كدة دواليك، أنا مش عارف هوه ليه محسسني بأنه فاكر نفسه حاكم لدولة عظمى, مع إن جيشة معروف بأنه جيش البامبرز وديما عاملينها على روحهم وريحيتهم وحشة!!!

طب أنت بتقول ليه عليه النتن وما بتقولش على اسمه الكامل؟

أنت مش فاهم. ده أنا بدلعه.

طب ما تدلعه زى ما هم بيدلعوه.

لا يا عم اسم الدلع بتاعهم ده مينفعش عندنا عشان ريحته وحشة قوى، لأن معناه في العربى يعنى زى ما تقول لبيبى،،، إإح!!!

مع إن النتن برضة يعنى المعفن، يعنى برضة ريحته وحشه!!!

ما علينا، سيبنا من ده دلوقتى أنا عايز أسألك شوية أسئلة يمكن ألاقى عندك أجابه لها.

ليه شكل جيش الاحتلال وهوه خارج من القطاع كان عامل فيها كأنه منتصر؟

وليه طلع يضرب في الشمال؟

"طيب"،،،

بالنسبة للسؤال الأول هم ما كانوش خارجين عاملين منتصرين ولا حاجه، ولكنهم كانوا خارجين متباطئين، وده نتيجة لأنهم بقوا مكسحين من المقاومة اللى كسرت لهم عظامهم في القطاع، ده اللى حصل هناك ما يتحكيش يا أخوانا على وكستهم المهببه، مع إن فرق العدد كان 1/20 لصالح جيش الاحتلال، مع أيضاً الفرق الشاسع في التكنولوجيا، اللى ممكن يوسع الفرق بينهم ليجعله هوة شاسعة لصالحهم، ومع ذلك ومع أنهم قعدوا يحاربوا هناك لمدة سنة لم يستطيعوا لا الانتصار ولا تحرير أسراهم ولا حتى الاحتفاظ بماء وجوهم!!!

شكر لربنا "جل جلاله"، هو وحده القادر على جعل الضعيف ينتصر.

أما بالنسبة لصعودهم للشمال فهم فاكرين أنهم هينتصروا هناك، وفى الواقع داخلين على كمائن في مستنقعات وتضاريس جبلية، وهينكسر فيها ظهرهم وينف شخوا وهيرجعوا حاملين في الشهر الثالث،،، وفى الغالب هوه ده اللى هم عايزنه، عشان يظهر فيه حته عندهم بتاكلهم من زمن.

,,,,,,,

خلص الكلام.

 روح نام ثانى.

آسفين على الإزعاج.

 

بقلم

هتموت من الشمس