مساء الخير.
مساء النور.
أية ده؟!!!
أية؟
أية الحكاية؟!!!
مفهمتش؟
أية اللى حصل؟!!!
أنت بتتكلم على أية؟
بتقول ليه "معلشى"؟!!!
أصل اللى أختشوا ماتوا.
يا راجل؟ تخيل محدش قالى. هوه أية اللى حصل؟!!!
تخيل يا مؤمن فى جمهورية "سيكو سيكو" الشقيقة, عايزين يغلوا
أسعار المحروقات للمرة العشرمية, إلهى يحرقهم بجاز.
هى فين دى؟!!!
هى أية؟
دولة "سيكو سيكو"؟!!!
أية ده, هوه أنت ما خدتهاش فى الجغرافيا؟
لا, أصلها مكنتش مقررة علينا فى المنهج "عشان كنت بدرس فى مدرسة
خاصة", بس ما تقول لى هى تبقى فين؟
مجاورة لينا تقدر تقول عليها فى ريحنا من ناحية شمال شرق بعد ما تعدى
دكهمه. ده لو كنت مبحر طبعاً من عند دولة دلهمة الشقيقة.
مش قادر أجمعها, ولا أسنترها فى المخيخ. المهم ماعلينا, بس أية
المشكلة هناك؟
أصلهم كانوا فاتحين فرع فى دولة المؤامرات المتحدة لبنكهم الوطنى.
بيهببوا به أية هناك؟!!!
بيستوردوا به البترول "المحظور" بربع الثمن, وياخدوا كمان فوقه
حصة من "بنزين مخرر" لمؤخذة أقصد "مكرر" من قطر خليجى أخر شقيق
"ببلاش", وفوقيهم هم أصلاً دولة منتجة للغاز والبترول, وبعد كل ده,
تتصور إن كل شوية يشتعلوا شعبهم بإن الأسعار زادت, ويغلوا أسعار الطاقة
"محروقات, وغاز, وكهرباء", حتى إن فاتورة المياة كمان لم تسلم منهم وغليت
قوى. مع إن عندهم جوه منه كثير ببلاش, وكمان شويتين كمالة فوقيهم بربع الثمن, ويحطوا
فوقهم أنتاجهم الوطنى, وبرضة مش راحمين شعبهم "رزالة, وسرقة, وإختلاس"!!!!!!!!
طب سيب لى الطلعه دى المرة دى, "إلهى يحرقهم بزيت وسخ".
أديك قلتها بنفسك.
حتى إن أسعار الكهرباء أصبحت فوق الوصف "أكثر من 10 أضعاف"
الأسعار القديمة, ومثلها المحروقات والمياة.
طب, أنت زعلان ليه؟ إذا كانوا فى بلد مجاور؟
أصلهم لا مؤخذة برضة أشقاء لنا ولازم يصعبوا علينا ويخصونا.
ما يصعبش عليك غالى. طب روح نام قبل ما توسع منك, يظهر إنك هتخرم على
قطر ثانى.
هى لسه هتخرم. ربنا يستر.
عموماً, النوم أفيد من سيرتهم البايخة.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق