الجزء الثانى و العشرين (13) حمدي عصام
كاركتير بالكلمات
تطوير هضبة الأهرامات !!! ... !!! .....
لقد أسعدني كثيراً مشروع تطوير منطقة الأهرامات من بعد ما كانت هذه الأفكار قد أطلت بنفسها في عصر السادات ثم تراجعوا عنها بحجة قال أية ؟!!! التطوير ح يخل بالشكل الأثري للمنطقة والطابع العام " شفت التخلف الحضاري وقتها "!!! ... دول باين عليهم كانوا مابيفهموش خالص , فبما إننا إحنا بقى بتوع التطوير وإحنا اللي دهنا الهوا دوكو والفقاكه دي هيا أمي , فأنا ومن فوق هذا المنبر أحب أن أشارك في هذا الموضوع بأفكاري النيرة ومساهماتي الخيرة وأهديكم في " فنجرة " خلاصة المسئله , فإحنا في رأيي لو دهناهم فرشة لاكيه بمبي ولا روله فزدقى ولا حتى لو لزقنا عليهم ورق حائط زحلقي ووضعنا عليهم كهارب بتلعلط كده أشي أحمر وأشي أخضر وأشي شفتشى وننقرشهم كده ونظأططهم على كيفك بدل الحالة الكرب اللي هم فيها , وكمان لو عملنا حوليهم ملاهى "خوفو وخفرع و منقرع بارك" , وأركب يا جدع أبو الهول بجنيه ونص وتعالى بص ... وشوية ألعاب بكش وتلات ورقات وألعبى ياألعاب ... يعنى "خلاصتة ياخواجه ",لو رمينا فيهم قرشين عمى كده ونلمهم أخرتها لما نخصصهم ح يسترونا ويجيبوا معانا من الأخر و ح نعمل من وراهم سبوبه عسل ونهايته نلزقهم لواحد خواجة من بتوع أمريكا ولا حتى يابانى ولابلاش الأمريكانى ده عشان حالته الأيام دى كرب يا والداه وتصعب على الكافر ومحتاس حوسه سوده وقرب يشحت يا كبد أمه ولو خدهم وكسته ح تزيد فخليه في وكسته وإحنا فى وكستنا الهباب لوحدينا ... المهم خلاصتة إحنا ح نرزق من وراهم بقرشين حلوين كده ينطقونا ويعدونا الفلنكات بدل الفقر الدكر اللي لازق لنا ومغتت و ح توزعه علينا الحكومة بالبطاقات !!!
فاعل خير !!!
تحليل فيديو يحي السنوار في أنفاق غزة
قبل 10 أشهر
المشاركات
ليست هناك تعليقات:
إرسال تعليق