أمتى الحرب؟!!!
مساء الخير.
مساء النور.
لمونى اللى غاروا منى. قالوا لى أيش عاجبك
فيها؟
رديت للى شهدوا فنى. خدوا عينى شوفوا بيها.
مبروك عليك الكارير الجديد.
اللى هوه؟
مش محتاجة فقاقة, أنت ناوى تخش كار الغنى.
ليه؟ عجبتك الأغنية؟
أه, الأغنية حلوة, بس صوتك وحش.
يعنى تفتكر أنى هفشل فى كار الغنى؟
فى الغالب.
أمال ده أكثر من نصف الشعب بيغنى!!! أشمعنى
أنا "بلاش"؟!!!
يعنى أنت شايفهم ناجحين؟ ما كلهم فاشلين
بالثلث.
يعنى تفتكر بلاش أحاول؟
لا, بلاش, وفر على نفس المصاريف, ودفع
التعويضات للمتضررين, وبعدين أنت لسة مجددتش الرعاية الصحية, ولا داعى للمخاطرة, وكفاية
عليك "ضحاياك" من الكتابة, وعلى فكرة عندى لك شوية أسئلة.
ثانى؟
أه.
طبعاً عن الحرب؟
وإحنا ورانا غيرها.
تفتكر فيه جولة ثالثة؟
فى الغالب.
أمتى؟
فى العيد.
أنت متأكد؟
لأ.
أمال بتقول كدة ليه؟
عشان أكبر الأحتملات بتشير لجولة قادمة
أخيرة فى العيد. "يعنى ممكن برضة تكون قبلها بشوية ولا بعدها بشوية", مش
هتفرق.
تفتكر هيكون فيها نووى؟
نعم, فى الغالب.
وده يعتمد على أية؟
على الأتفاقات اللى هتم فى الصين.
تقصد أية؟
توتو رايح يقايض ويفاوض على الملفات العالقة
بين الصين, والولايات المتحدة.
وأهمها؟
تايوان, وإيران, والمعادن النادرة.
وكأنهم رايحين يلعبوا على تربيزة بوكر على
مستقبل العالم. طب ليه محطيتش روسيا, وكوريا الشمالية من ضمن أوراق التفاوض؟
لأن علاقة الصين بهم ليست محل تفاوض.
غريبة؟!!!
مستغرب ليه؟!!! ما اللى هيحصل هيكون فعلاً
"حاجة زى كدة".
وأحنا هيحصل أية معنا؟
المعتاد؟
مفهمتش؟
زى اللى بيحصل كل مرة.
اللى هوه أية؟
"الجنية هتقل قيمتة ", وللتوفير
هيقطعوا عليك الكهرباء فترات أطول, عشان أنت أصلاً سبب كل المشاكل ويجب أن يعاقبوك,
"يا مذنب يا سبب الأزمة".
وأنا أية ذنبى؟!!!
ما أنت أية اللى خلاك تتولد هنا؟
ليه؟
لا الميعاد, ولا المكان كانوا مناسبين.
ربنا يستر علينا, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق