بابا مش موافق!!!

مساء الخير.

مساء النور.

أية ده؟!!! أنت بتتكلم عن مين؟!!! مش بابا ميت؟!!!

الأول كل سنة وأنتم طيبين.

وأنت بالصحة والسلامة.

بابا ميت أه, بس أنا مش بأتكلم عن أبويا.

طيب, بتتكلم عن مين؟!!!

ما أنا جاى لك فى الكلام.

ماشى, ماشى, خد راحتك ووقتك, بس إحكى.

أنت عارف إن إحنا فى العيد الكبير.

أه, ذبحتم مين؟

ما إسمهاش "ذبحتم مين", إسمها "ضحيتم بمين".

مين بقى؟

ميخصكش, المهم, يعنى أنت عارف إن قبل العيد الكبير كل سنة, إحنا بنفك الثلاجات ننظفها عشان نحط فيها اللحمة فى العيد.

تمام.

وبعدين لما فكينا ثلاجة الخضار, سألتة, وقال لى: "إنه مش موافق".

على أية؟!!!

على الأنضمام لإتفاقية ابرهام.

رد عليك أزاى, وهوه متجمد؟!!!  

"كان فك شوية", وبعدين هوه مش متجمد قوى. ده هوه قاعد شوية فى الثلاجة عشان حران, والتكييف عندنا مكنش شغال كويس وقتها.

أية ده يا عم الحاج؟!!! تكييف أية اللى مش شغال كويس؟!!! أنت هتصيع على؟!!!

أصل أنت عارف من يوم ما قفلوا الخليج, والعملية مش قوى.

لدرجة أنكم مش عارفين تصلحوا التكييف.

تصور.

طيب, بابا موافقش على أية؟!!!

ما قلت لك: "على الأنضمام لإتفاقية ابرهام".

يا راجل؟!!!

وعلى فكرة, لو, أستمرت الحالة على كدة, أنا كمان هروح أقعد فى ثلاجة اللحمة.

طيب, هيه أية أخر أخبار الحرب؟

تقرير غريب راح للكونجرس الأمريكى فيه خسائر امريكا من الطائرات.

طلعوا كام؟

42 طائرة بـ 3.7 مليار دولار حتى أمس, وفيهم 3 من أغلى طائرات عندهم.

ده غير اللى وقعوا النهاردة؟

أه, النهاردة وقعت مسيرة "أم كيوة نين", و"الأف 35" هربت, بس مش دى المشكلة.

أمال أية المشكلة؟!!!

إن حاولى نصفهم طائرات غير قادرين على تعويضها بسهولة.

ليه؟!!!

لأن خطوط إنتاجهم وقفت منذ زمن.

معقولة؟!!!

ولو حاولوا ينتجوهم الآن هيتكلفوا على الأقل أربعة أضعاف ثمنهم القديم.

أه, تقصد أنهم حاطين أسعارهم بسعر وقت ما أنتجوهم؟

أه.

ده طبيعى أنهم دلوقتى هيكلفوهم أضاعاف وقتها.

أصلهم ما بيسمعوش الكلام.

أه, ما إنت بابا, يظهر أنهم نسوا.

أنت هتتريق. عشان أنا قلت لهم إن إيران الآن تضاعف قوتها عن ما بدأت الحرب, ومصدقونيش وصدقوا التقارير المضللة اللى عندهم.

يعيشوا ويفتكروا.

ربنا يصبرنا على الغباء.

يله, تصبح على خير.

وأنت من أهله.

,,,,,,,,,,,,,,,,,,,,,,,,,,,,,,

وهنا صمت هتموت عن الكلام.

,,,,,,,,,,,,,,,,,,,,,,

https://hemms.blogspot.com

https://x.com/TalatWbas/status/1949268602776871049

https://x.com/Meemmag/status/1963342485440155862

https://x.com/thaeralbannaa/status/1963320048811995321

 

بقلم

هتموت من الشمس