اللعب مع الصغار!!!

مساء الخير.

مساء النور.

أية ده يا عم الحاج؟ هيه أخرتها عيلت, وهنروح نلعب مع الصغار؟ أنت ناوى "على أخر الزمن" تبوظ الكارير بتاعنا, ولا أية؟!!!

ليه؟

أية حكاية "اللعب مع الصغار" دى؟!!!

أولاً: أنا مقصدتكش بالحكاية دى.

ثانياُ: اللعب مع الصغار, ولا اللعب مع الكبار, هتفرق معاك أية؟ إن كنت مش بقصدك بالحكاية دى؟

ما أنا أول ما أنت قلت: "اللعب مع الصغار". أنا أخذت حذرى على طول عشان اللعب معاهم ما بيخلاش من ",,,,,,,".

بص, أصل توتو إحتار من طول الحكاية الإيرانية, وزهق ومل جداً, وجاب أخره, فراح يتحرش بكوبا.

يا راجل؟!!!

وطبعاً كوبا غلبانة غلب السنين, ومش قد امريكا, وحكايتها على الله, وامريكا مغتته عليها من زمن, ومحتلة جزء من الجزيرة, وعاملة فيه قاعدة بالدراع "بلطجة", وبتدفع لها 4000 دولار امريكى سنوى كأيجار, اللى بترفض تستلمه, والواقع الفعلى إنها وواضعه الجزيرة كلها تحت الوصاية الأمريكية, ومش عارف أصلاً هى هتحتلهم أزاى؟ إذا كانوا هم فعلياً بيرزحوا تحته!!!

ممكن يبعتوا لهم خطاب نوايا؟

أه, "والنوايا تسند الزير", فإذا عرفت النوايا, فمن هو الزير؟

بس, أنت قلت: إن النافذة محدودة قبل كأس العالم, معقولة يعملوا فيها حربين؟!!!

ما العملية اللى هيجروها فى كوبا, "مش حرب", دول كبيرهم هيستخدموا فيها 2 زودياك, فى فترة الأنتظار بين "المقبلات, ونزول العشاء"!!!

كفاية كدة النهاردة, يله, تصبح على خير.

وأنت من أهله.

,,,,,,,,,,,,,,,,,,,,,,,,,,,,,,

وهنا صمت هتموت عن الكلام.

,,,,,,,,,,,,,,,,,,,,,,

https://hemms.blogspot.com

https://x.com/TalatWbas/status/1949268602776871049

https://x.com/Meemmag/status/1963342485440155862

https://x.com/thaeralbannaa/status/1963320048811995321

 

بقلم

هتموت من الشمس