بصراحة ووضوح وموضوعية!!!
مساء الخير.
مساء النور.
أيوة؟ قول بقى؟ أية الحكاية؟ أصلنا مفهمناش!!!
مش عارف أجيبهالكم أزاى, بس, بصراحة, ووضوح,
ومن الأخر, الإيرانيين طلعوا ديك أبو توتو "فى المفاوضات", لدرجة إنه
وهو جاى هتفتكرة رايح, أو بالعكس.
ليه؟ مفهمتش؟!!!
أصله بيفاوض إيران, وهم من ما قبل التاريخ
محترفين مفاوضة, يعنى الإيرانى بيتولد بطبيعته مفاوض, حتى إنه مش بيحتاج لتنمية
مهارتة.
وأخرتها؟
هيسحلوه فى المفاوضات لغاية إنه إحتمال هوه
اللى يديهم يورانيوم بدل ما يخده "عشان يخلص منهم".
يعنى, ما لوش حل؟
أنا مش هدور له على مخرج.
والنتن؟
والنتن بيدور فقط على الخراب. بس, حزب الله
ولع له فى صوابعه "بالدرونات الموجهه بالفيبر".
وأية أخرتها؟
من خمس فرق دخل بهم الجنوب سحب ثلاثة,
وبيدور زى توتو على مخرج.
تفتكر الأمريكان هيعملوا عمل عسكرى؟
بص, الأمريكان ظابطين جيشهم حالياً "على
الشتيمة فقط".
يعنى أية؟
يعنى, مرحلة بعترتة الذخائر هنا وهناك "بلا
حساب" أنتهت فعلياً, وصعب تكرارها, ولو عملوا أى جولة جديدة هتكون خاطفة, بس
ممكن يعملوا محاولة فى عجالة يحاولوا يخطفوا فيها النووى.
تفتكر هينجحوا؟
فى الغالب لا, ومحدش عارف أية المفاجآت
والخوازيق اللى عملاها لهم إيران, "وهتكون مستنياهم هناك".
والحل؟
ربنا مع الحق, وقادر ينصره, يله, تصبح على
خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق