نحن نتجه للفوضى!!!
للأسف, نحن نتجه للفوضى!!!
بالرغم من إن شوشو بيحاول يتجة
للبرمجاتية "ويلم الدور", إلا إن توتو وبى بى مش معطينة الفرصة اللى هوه
عايزها, ومازالوا بيحاولوا يزبطوه فى المسافة ما بينهم فى الأندر اللى عايشين فيه كلهم!!!
المهم, إنه بيحاول يفهمهم أنه له
قيمة متساوية وللأسف "مفيش فايدة", يعنى عايز لما يقعد معهم على ترابيزة
واحدة ما يقعدهوش على كرسى الحمام, زى ما كانوا الروس بيقعدوا بشار وقائد الجيش السورى,
عندما كانوا بيجلسا معهم على نفس تربيزة الأجتماعات بسوريا!!!
وذلك بمعنى أنه عايز حد يدى لى
قيمته ويحترمه, مش عارف ليه الحكاية كلها بتفكرنى "بحسن عابدين" فى مشهد
"أنا عايز واحدة تهزئنى"!!!
يظهر إن خياله عالى وشكلة ضارب حاجة من ميراث بشار "معليه
معاه"!!!
المهم, يظهر إن الوضع السورى الحالى بيتجه للفوضى, وينذر
بالذهاب للجحيم, فبى بى بيحب قوى الفوضى, وبيحب يبلبط فيها, وبيعشش زى الوطاويط فى
"الخرابة", وشكلها فى الأخر هتتهد على دماغ أمه, زى الغراب اللى نق على
خراب عشه!!!
فبالرغم من إن الكيان بيعلن إنه بيسعى لإستقرار سوريا,
إلا إنه فى الواقع اللى بيعمله عكس ذلك, وبيدفع العناصر التابعة به لخلق الفوضى ثم
يدخل ليساندهم, "بحجة حماية الدروز", وهو سيناريو مشهور للفوضى.
طيب أية اللى عايز يعمله بى بى فى سوريا؟ وفى لبنان؟!!!
· فى سوريا هوه عايز يؤمن الجولان فى حايزته الدائمة مع
أعتراف رسمى من شوشو بإنضممها للكيان, ويتبعها منطقتين عازليتين تابعين للكيان, واحدة
تابعة "فهمى, نظمى, رسمى", يعنى فيها قوات وممكن إحتلالها بسرعة, والثانية
"للدروز" المواليين للكيان.
· وعايزين يعطوا لسوريا فى المقابل الشمال اللبنانى
"السنى".
· وينزعوا سلاح حزب الله مما يسهل لهم ضم الجنوب اللبنانى
"للكيان".
يعنى تقدر تقول من الأخر "سيكس بيكو" جديدة
للمنطقة, مع تغيير فى حدود كل الدول المجاورة, يخلق فيها مجموعة من الكيانات
الضعيفة منزوعة الهوية "السهله الإجتياح"!!!
فيما عدا ذلك فكل شىء بيتسرق "عينى عينك", وعلى
ما يرام, وكلة على قديمة.
وهنا سكت هتموت عن الكلام.
,,,,,,,,,,,,,,,,,,,,,
بقلم
هتموت من الشمس
المشاركات
ليست هناك تعليقات:
إرسال تعليق