ظهور ثانى لنجم النجوم!!!
وكأنه خارج من تحت الأنقاض, أو عائد من عالم العدم, أو من
بعد الأنقراض.
يا عم شوقتنا, يا ترى مين هوه نجم النجوم؟!!!
يعنى, هل هو نجم فى عالم المال, ولا الأعمال, ولا يا ترى فى
عالم الشهرة, ولا فى الجمال, ولا فى الرياضة, ولا الفن؟!!!
هوه فى عالم المال والأعمال.
طيب, هوه من الزمن الجميل, ولا من الزمن الحالى؟!!!
تقدر تعتبره بين الأثنين.
طيب ما تعرفنا عليه؟!!!
أصبر على رزقك.
يحكى أن "كان هناك نجم فى الزمن الجميل", يشغل
ويداعب أفكار معظم مسئولى الحكومة فى العصر الغابر.
طيب أية اللى خلاه يندسر, ولا يهال عليه التراب؟!!!
لأن المسئولين فى الحقبة الأخيرة وجدوا شماعة جديدة لتحل
محله "ويعلقوا عليها خيبتهم" اللى راكبة جمل!!!
لكن بعد فترة من
أحالة معظم أعضائها إلى السجون, لم يعد يصدق أحد ما يلقى عليهم من تهم, مما أدى للأسف
"لرجوع ريمة لعادتها القديمة زى ما بيقولوا"!!!
وبالتالى أعادوا النجم إلى رأس عمله, مع أعتذار مقبول
ومكافأة كبيرة, بعد أن أصبح وجوده ضرورة ملحة, ولا يمكن الإستغناء عنه!!!
"دول يا مؤمن هيرموا على قفاة بلاوى"!!!
طيب مين هوه؟ شوقتنا يا عم!!!
"فأر السبتية", نجم النجوم لحقب طويلة متتالية,
وكثير من الحكومات المتعاقبة.
رجع فين؟ إحنا مشفنهوش من يوم ما أختفى؟!!!
لا, وأنا متأكد وأعتبروا ده بلاغ منى, وعشان أؤكد لكم هوه
بيشتغل حالياً فى منطقة مجاورة لمسقط رأسة.
وهنا سكت هتموت عن الكلام.
,,,,,,,,,,,,,,,,,,,,,
بقلم
هتموت من الشمس
المشاركات
ليست هناك تعليقات:
إرسال تعليق