القاطنين فى الكون الموازى!!!
على سكان إيجيبت القاطنين فى الكون الموازى عدم التعامل
مع الأعلام الموجة "فهو فيه سم قاتل"!!!
هى أية الحكاية؟!!!
كان فيه ثورة تلاها إنقلاب
ميمون, ثم أنقسم الشعب فجأة إلى شعبين!!!
أنا مش هسألك عن الثورة ولا عن
الإنقلاب, بس هأسألك يعنى أية "ميمون"؟!!!
طب دى بقى الكلمة اللى مش محتاجة نوضحها لأنها واضحة زى
الشمس, لأننا من عادتنا نسمى أولاد العم "ميمون"!!!
المهم, من فترة ظهرت أغنية إحنا شعب وإنتوا شعب, لتؤدى
دور حقير فى تقسيم الشعب إلى شعبين, وأستقر بعدها معظم الشعب المصرى فى طبقة تقطن
باطن الأرض ويهال عليها التراب كل يوم, ويسموا "مصر"!!!
وأما الجزء الباقى والقليل منه, فأرتفع وذهب مباشرة إلى السما,
وإستقر فيها أعلى من السحاب, وأصبح من القاطنين أعلاه, وسمى نفسة
"إيجيبت"!!!
والشعبين حالياً فعليا "لا يختلطا", وعاملين زى
الزيت والمياة, يعنى "إذا أختلطا أفترقا"!!!
بالرغم من إنهما بيشغلا فعليا نفس الحيز الجغرافى!!!
غريبة, طيب تستغرب هم عاملين كدة إزاى؟!!!
ومين بقى اللى عايش فى النص "على الأرض",
وبيشغل مكان الطبقة الوسطى؟!!!
الأجانب اللى جم لمص,ر ووجدوا هذا الفراغ يناسبهم!!!
تركيبة غريبة ومع ذلك فهى مستقره حالياً!!!
يعنى, حاول إنك تفهم, لإن أنا نفسى مش فاهم!!!
ربنا يسترها على مصر, وكمان على إيجيبت ما همه برضة "فى
النهاية" أخوات!!!
فيما عدا ذلك فكل شىء بيتسرق يومياً على ما يرام, وكلة
على قديمة.
وهنا سكت هتموت عن الكلام.
,,,,,,,,,,,,,,,,,,,,,
بقلم
هتموت من الشمس
المشاركات
ليست هناك تعليقات:
إرسال تعليق