كل واحد هيشيل شيلته!!!

 

فشلت المفاوضات كما هو متوقع.

ترانى تأثرت!!!

لو النتن وأخواته بيظن أنه بعد ما يعمل عملته هيكون هناك فيه حته ممكن يستخبى فيها، ولا فيه أرض حتلمه، ده عند أمه.

هقول لكم كلمتين خلاصة حطوهم حلقة في ودنكم.

كل واحد هيشيل شيلته، البكاء أحياناً بيجعلك تتعاطف مع النساء، ولكنه بالتأكيد لن ولم يصلح مع أشباه الرجال.

لا وعزة الله وجلاله لن يكون هناك خروج آمن، ولا حتى هروب آمن، ولن نسامح أو نتسامح مع أحد، ولو أنتم مسنودين على الشيطان نفسه خليه بقى ينفعكم!!!

إحنا عندنا المثل بيقول دخول الحمام مش زى الخروج منه، ومن لم يدرس التاريخ سيكتوى بناره. معظم دكتاتورين العالم الثالث كانت نهايتهم القتل، ومن فلت من القتل حوكم وعاش ذليلاً بقية حياته.

كل من قتل سيقتل، وكل من عذب سيعذب، وسيحاسب حساب الملكين كل من تلوثت يداه بالدماء.

الخلاصة، كل واحد هيشيل شيلته.

 

بقلم

هتموت من الشمس