قارئة
الفنجان!!!
يبدو
إن للتوقعات شعبية كبيرة في هذه الأيام وبقت مصلحة جامدة قوى وزى الفل!!!
وكمان
بتكسب كتابها شهرة ومجد وفلوس بالهبل!!!
ولذلك
أنا قررت أرشق في السبوبة يمكن يكون لنا فيها لقمة عيش!!!
أدعو
لأخوكم بالتوفيق!!!
توقعات
2025,,, التي لن تحدث!!!
·
سيدة التوقعات هتبطل توقعات!!!
"يمكن عشان تدينا فرصة نأكل
عيش"!!!
·
إلغاء الموسم الرياضى لانتقاله لمدينة مجاورة
أكثر شعبية!!!
·
الرخاء والأستخراء يعم المهلكة.
·
الجيش اللبناني قرر أخيراً أن يشارك في الحرب. "زغرطوا
يا أخونا"!!!
"تقدر تقول عليها أمنية شخصية نفسى اشوفها تتحقق
قبل ما أموت"!!!
·
السلام سيعم الشرق الأوسط!!!
·
ارتفاع قيمة الجنية في بلد عربى شقيق!!!
·
انخفاض أسعار المحروقات في كل البلاد الشقيقة،
وحتى اللى مش شقيقة هتنخفض برضة فيها أسعار المحروقات"آمين يا رب
العالمين"!!!
·
صندوق النقد والبنك الدولى سيحولا كل ديون العالم
الثالث "لمنح لوجه الله"!!!
·
ترامب سيرفض استلام الرئاسة في أمريكا بحجة:
"أنتوا عاملين لى وباء جديد ثانى في فترة حكمى الثانية يا ظلمة عشان ألبس فيه"!!!
·
بعد انتهاء الحرب العالمية الثالثة ممكن تصطاد
السمك من البحر الأحمر مقلى، ومن البحر المتوسط مشوى!!!
·
في لفتة رحيمة من أمريكا قررت أن تقذف الناس
بالهامبورجر قبل أن تلقى عليهم القنابل النووية "عشان حرام تموت على معدة
فاضية"!!!
·
حدوث الحرب العالمية الرابعة والخامسة بالعصى
والشوم لأن الحرب العالمية الثالثة خلصت على كل حاجة، وقضت كمان على كل آمال
البشرية!!!
·
استلام الأنوناكى حكم أمريكا بديلاً لترامب!!!
"مع
إني شايف إن مفيش فرق بين الاثنين، لأنهم أسوء من بعض"!!!
بقلم
هتموت من الشمس
المشاركات
ليست هناك تعليقات:
إرسال تعليق