تحليل فيديو يحي السنوار في أنفاق غزة
قبل عامين (2)
الخميس، 26 فبراير 2026
إيراني: أميركا رضخت لشروطنا.. وأميركي يرد: أمامكم ساعات حاسمة! - استوديو العرب
https://youtu.be/VOzG8OJOQfY?si=z6XYyTpAIOeESK5a
لا تنسوا أنا أول من قال بأن الأرمادا
الأمريكية ستهزم!!!
مساء الخير.
مساء النور.
أية ده يا عم الحاج؟!!! أية حكاية الأرمادا؟
أية معناها؟!!!
أرمادا (Armada) هي كلمة إسبانية
وبرتغالية الأصل تعني "أسطول بحري"
أو مجموعة ضخمة من السفن الحربية. تاريخياً، تشير إلى "الأرمادا
الإسبانية" (Armada Española) التي أُرسلت عام 1588، وتستخدم
حالياً كمرادف للأسطول الحربي القوي، سرب، أو كتيبة عسكرية.
Wikipedia +2
أبرز دلالات واستخدامات كلمة أرمادا:
- السياق التاريخي: تُعرف المعركة البحرية الشهيرة في القرن الـ16 بين
إسبانيا وإنجلترا باسم معركة الأرمادا.
- السياق العسكري الحديث: تستخدم لوصف أساطيل السفن أو القوات العسكرية الكبيرة.
- السياق العام: تشير إلى مجموعة من الطائرات أو المركبات المتجمعة.
- في الثقافة التجارية: تستخدمها شركة نيسان كاسم لسيارة الدفع الرباعي الشهيرة،
نيسان أرمادا.
Wikipedia +4
ملاحظة لغوية:
- كلمة Armada بالاسبانية/البرتغالية تعني
أسطول.
- كلمة Armáda باللغة التشيكية/السلوفاكية تعني
القوات المسلحة.
- لا يجب خلطها بكلمة
"رمادا" (الرماد) أو "أرمد" (الوسخ/الأغبر) في اللغة
العربية.
المهم, تعرف إن دلوقتى "السوشيال مديا"
هتنفجر بالقول إن الأرمادا الأمريكية ستهزم, "من بعد قولى هذا فى عدة
مقالات"!!!
يا باشا, ما إحنا عارفين بأنك سابق ديماً "السوشيال
مديا" والجميع بمسافة, ومن ساعة ما كنت الوحيد فى العالم اللى تنبأ بالثورة
المصرية قبل قيامها, والعالم كله بيسمع لك بأنصات لكل اللى بتقوله, هذا بدليل إن
دلوقتى فى أية أضطرابات فى العالم, أول شىء بيعملوه "بيقطعوا النت", بسبب
لما سمعوا تحليلاتك عن أسباب أندلاع الثورة المصرية قبل قيامها, وأن سببها الأساسى
هو "السوشيال مديا".
أهو ده الفرق بين "الحافظ
والفاهم".
ماشى يا عم, حقك, بس خلينا دلوقتى على
الأرض.
أية مشكلتك؟
أنا مش عارف, أصدقك, ولا أصدق معظم "السوشيال
مديا" حالياً؟ لأن معظمها بيقول حالياً عكس كلامك!!!
مهم قريباً هيعكسوا ويتحولوا للترند الجديد
إن الأرمادا الأمريكية ستهزم, ووقتها خليك فاكر إن "أنا أول من قال هذا فى
العالم".
يا باشا ما أنت عمهم, دى عالم "زى ما
قلت" حافظة مش فاهمة.
أشكرك, على فكرة.
أية؟
أوعى تسأل نفس السؤال اللى بتسألة لى كل
يوم؟
اللى هوه أية؟
يعنى مش عارف؟
لا بأستعبط.
طيب, أتعدل.
على فكرة, فيه محلل سابق للمخابرات
الأمريكية قال كدة.
برضة, أنا سبقته.
يا باشا أنت ديماً سابق الكل.
أشكرك, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الأربعاء، 25 فبراير 2026
أيوة بقى!!!
مساء الخير.
مساء النور.
أية ده يا عم الحاج؟!!! أية الحكاية النهاردة؟
شكلى هروح أجيب لب وسودانى؟!!!
واضح إن الإيرانيين إبتدوا يخططوا صح
للمعركة, وحالياً بيجروا مناورات بالحرس الثورى فى الجنوب "بتحاكى سيناريوهات
الحرب الحديثة اللى أنا أتكلمت عنها".
طيب, المهم, تفتكر أنهم هينتصروا؟
بص, بصراحة أنا زهقت من السؤال ده.
بس, معلش جاوب عليه للمرة الأخيرة.
أصل أنت بتسألة لى كل يوم, ولأننى زهقت من
الرد عليه, فلن أرد عليه مرة أخرى.
معلش, معلش, "عشان خاطرى" جاوب
عليه لأخر مرة.
ماشى, أنا هوضح لك لأخر مرة.
فيه طرق وسيناريوهات للحرب الحديثة, وفيه
طرق قديمة وتقليدية, وبالرغم من أن امريكا عندها أحدث الأسلحة, إلا أنها تنتظر منك
مواجهه كلاسيكية, "حيث تكون فيها فرق قوة واضح لها مع وتفوق شديد فى القوة
لصالحها", وتفاجئك هى فيها "ببعض السيناريوهات الحديثة, والغير
متوقعه", وهذه طريقتها فى أختطاف الفوز.
ولكن إن أردت أن تنتصر عليها يجب أن تبتعد
عن نقاط قوتها, وتجرها للحرب بطريقتك, ودى الطريقة اللى هتحجم قوتها, وتكشف نقاط
ضعفها, اللى لو إستغللتها "بصورة جيدة", ستفتح لك نافذة للنصر المحقق, وستسحق
الديناصورات بأسلحة بسيطة وصغيرة ورخيصة نسبياً, وسيفتح لك باب النصر.
أية الملحوظات المهمه اللى يجب أن يلتزموا
بها لتحقيق النصر؟
1. الثقة بالله.
2. الجرأة والقوة فى المواجهة "لأنهم سيحاربوا
من أجل البقاء".
3. الحذر من العملاء والخونة.
4. التنفيذ السريع والذكى للخطط.
5. حسن التزامن والتنسيق.
6. التركيز.
7. التنوع فى الضرب بالأسلحة المختلفة فى وقت
واحد متزامن مع بعض.
8. الأغراق بعدد كبير من الدرونات الموجهه بطرق
مختلفة, ومنها الموجهه بالألياف الضوئية "لتجنب التشويش عليها",
والمحملة بكافة أنواع التسليح, ويجب أن يكون محمل جزء منها بصواريخ دفاع جوى.
9. استخدام صواريخ الكروز البحرية أثناء
الأغراق بالدرونات.
10.
استخدام
كافة أنواع التوربيدات البحرية بما فيها "الحوت" أثناء الأغراق بالدرونات.
11.
استخدام
الصواريخ المناورة أثناء الأغراق بالدرونات.
12.
استخدام
الزوارق البحرية "الصغيرة والأنتحارية بكثرة" أثناء الأغراق بالدرونات.
وما يتبقى بعد ذلك سيكون قطع كبيرة خردة
مشتعله بالنيران, وفى حالة يرثى لها", "وإن شاء الله" ستسببوا لهم خسائر فادحة ستؤدى إلى أنسحابهم من الساحة تاركين ورائهم جيش يسهل تحطيمه, وإلحاق
الهزيمة به.
بس أنت كدة ما جاوبتش على سؤالى؟!!!
بص, لو أتبعوا الخطط والطرق اللى قلت عليها
حرفياً فى مقالاتى الأخيرة, فإن شاء الله سيكون النصر حليفهم.
ونعم بالله.
تصبح على خير.
أنت رايح فين؟
هتسحر عشان صيام بكرة.
طب, ليه مطولتش؟
عشان وقت السحور فاضل على أنتهائه دقائق.
هنكمل بعد السحور؟
لأ, عشان أنا تعبان, وبالرغم من أنى كنت
كاتب مسودة كبيرة لمقالة مطولة, ولكن الخيرة فيما أختارة الله, "فخير الكلام
ما قل ودل", تصبح على خير.
تصبح على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الثلاثاء، 24 فبراير 2026
مرحبا بكم فى زمن الوحوش!!!
مساء الخير.
مساء النور.
أية ده يا عم الحاج؟!!! أية حكاية زمن
الوحوش دى؟!!!
المقولة دى مش لى ولكن لرئيس الوزراء
البلجيكى, وهوه فعلاً أفضل وصف للى إحنا مقبلين عليه.
بس أنت سبق وقلته لما تكلمت عن عصر القوة
وإن الكبير بياكل الصغير أكثر من مرة فى عدة مقالات.
بس كويس إن بعضهم لحقوا بنا وبالسوشيال
ميديا, وبدءوا يقللوا الفجوة فى الفكر بينا وبينهم!!!
وعلى فكرة مش هم الوحيدين.
مين كمان؟
الإيرانيين برضة أبتدوا يفهموا إن العصر
أتغير, وبدءوا يروحوا للمفاهيم الحديثة فى القتال؟
بتتكلم عن أية؟
عن الديناصورات والقطع الكبيرة فى البحرية,
وأنها حالياً تمثل عائق أكثر من إنها تمثل دعم.
مفهمتش؟
بص, هديك مثال: شوف الدبابات مش كانت أكثر
شىء مرعب فى الحروب البرية, ولكن حالياُ بدءت الجيوش الحديثة تفكر فى تقليل
الأعتماد عليها بعد أختراع آلاف الأسلحة الصغيرة والرخيصة نسبياً والتى يمكن بها
القضاء عليها.
بس حاملة الطائرات لوحدها "دى بتهز
دول"؟!!!
وهى طبعاً قطعة شديدة القوة, فى الحروب لو
حبيت تقاتلها "بالطرق التقليدية", سواء بالسفن الكبيرة زيها, أو لو تحاول
تضربها بالطيران التقليدى.
ولكن؟
ولكن لو تقف, وتغير فكرك, وتقاتلها بذكاء,
وتعرف نقاط ضعفها وتركز عليها. هتقدر تخرجها من الخدمة بسهولة, "وتفجع الجيش
اللى بيستخدمها", لأن عند إنسحابها هتعمل فجوة كبيرة فى دفعاته!!!
زى أية؟
طيب أنا هديك سيناريو بسيط: لو بدأوا
بأغراقها بموجة من أصغر وأرخص الدرونات بعدد مهول اللى مسلحة بقنابل صغيرة
"مثل القنابل اليدوية والخارقة للدروع", "عشان تعميها وتتلف كل حساستها ورادراتها ودفاعتها وتعمل لها حرائق سطحية
"تشغل بها طاقمها", ثم الموجة الثانية من درونات متنوعة من عدة أحجام ومحملة بصواريخ متنوعة بعضها للدفاع الجوى, "لأحداث خسائر أكبر وتوسع من أشغال الطاقم", ويواكبها هجوم فى الموجة
الثانية بعدد من الصواريخ المتنوعة من "البحرى والفرط صوتى والمناور", مع
المواكبة بهجوم من الزوارق الصغيرة السريعة التى تطلق عليها أثناء الهجوم بعض
الصواريخ البحرية, ثم تباغت أثناء ما هى ملخومة فى الدفاع عن نفسها بزوارق
أنتحارية وطوربيدات بحرية, "لتنهى عليها".
ده بالتأكيد يقضى على أى قطعة بحرية
"مهما كان حجمها", ولكنهم بيهاجموا بأسطول كبير متكاتف, مع وحدات دفاع
جوى, ومع حماية جوية من مقاتلات حديثة؟!!!
برضة هتواجههم بنفس الأسلوب ولكن مع زيادة
الكمية لتتناسب مع العدد الكبير, وتواجههم كلهم مع بعض فى وقت واحد, وده هيكون سهل
لأنهم بيكونوا مواكبين بعض فى الغالب "لتكثيف دفاعتهم".
تفتكر إن ده هينفع؟
بالتأكيد, هتستطيع "إيقاف أساطيلهم وتخريبهم وأخراجهم من الخدمة", بتكلفة أقل من 1% من تكلفة الأسطول المراد هزيمتة.
وتعمل "نصر مذهل".
بسهولة شديدة.
,,,,,,,,,,,,,,,,,,,,,,,
يله تحياتى, تصبح على خير.
تصبح على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
النووى بعد أسبوع!!!
مساء الخير.
مساء النور.
أية ده يا عم الحاج؟!!! أية حكاية "النووى
بعد أسبوع" دى؟!!!
المقولة دى مش لى ولكن لستيف ويتكوف مبعوث
توتو للجميع, اللى بيقول عليه إن كل المطورين العقاريين بيحبوه.
طيب, هوه عرف منين؟
أنهم بيحبوه؟!!!
لأ, أقصد ستيف ويتكوف؟
تقريباً شاف رؤية, ولا كان نايم وأنكشف عنه
اللحاف, ولا راح لعرافه وقالتله: "أسكت يا منيل مش شفت فى فنجانك إن النووى
كمان أسبوع, وأنت قاعد وساكت زى خيبتها قدامى"!!!
أنت ليه بتتريق؟
عشان الكلام ده مجرد "طق حنك".
يعنى أية؟
يعنى لو كان بالحساب فإيران المفروض أنها قد
حصلت عليه منذ فترة "ليست بالقصيرة", ولكن لو دخلنا "لهيئة الهبد
والفتى المتحدة", فكل شىء ممكن.
برضة, يعنى أية؟
يعنى همه فقط بيتلككوا لإيران, لأن مش بس
إيران اللى ممكن يكون عندها نووى, "ده حوالى أكثر من 50 دولة حول العالم فيه إحتمال
كبير إن عندها النووى ومخبيين".
ومعملولش لها تفجير؟!!!
أه, ما ممكن أنك تعمل لها "أختبار على
البارد", "يؤكد لك إن 90% من اللى عملته صح".
يعنى أية "أختبار على البارد"؟!!!
يعنى بتعمل قنبلة كاملة بدون مواد نووية,
وتفجرها تحت الأرض.
ومحدش ممكن يعرف أنك عملت كدة؟
طبعاً, عشان بيبقى التفجير صغير جداً, وتحت
الأرض "وغير ملحوظ", وبيحدث زية ألاف التفجيرات حول العالم كل يوم, فى
"المناجم وشق الطرق الجبلية, والهدم,,,,,,,,,,, إلخ.
والتفجير ده هيخليك تتطمن إنك قد حصلت على
"النووى"؟
نعم, لأنك بتفجر قنبلة "نووية"
حقيقية وكاملة ولكن فارغة من المواد النووية.
طيب, ليه الدول بتعمل كدة؟!!!
عشان متخشش فى منحنيات مواجهه مع قوى عالمية.
يعنى أية؟
يعنى يبقى عندها "نووى فى السر, وشيلاه
لوقت عوزة".
زى أمتى؟!!!
زى أى حروب تجبر فيها هذه الدول على إستخدامه.
مفهمتش؟
يعنى "حروب كبرى ومصيرية".
طيب, برضة مفهمتش همه ليه بيعملوا كدة مع
إيران بالذات؟!!!
لأن عندهم مشروع كبير للعالم, وفيه جزء صغير
منه "منطقتنا", وعند دراستهم له وجدوا إن ألعقبات "1, 2, 3, ,,,,,,,,,,
إلخ.
وبيحاولوا يزيلوها بالترتيب.
تقصد إن إيران هيه العقبة رقم واحد للمضى فى
مشروعهم للمنطقة الآن.
برافو عليك, وبعد منطقتنا العالم.
طيب, ومين بعد إيران؟
مصر.
ومين بعدها؟
تركيا.
وراحت فين بقيه الدول اللى فى المنطقة؟
دول هيخدوهم فى الرجلين؟
أه, تقصد زى ما عملوا مع "فنزويلاً
وجرين لاند".
تمام.
وعشان كدة هم بيتلككوا لها؟
تمام, زى رشدى أباظة فى فيلم "الزوجة
الـ 13", لما كان بيتلكك لشادية.
أه, وكمان بتقولى: "صباح الخير",
وطاخ "رزعها القلم"!!!
تمام, تصبح على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الاشتراك في:
الرسائل (Atom)
المشاركات
