كلمة أبرك من عشرة!!!
مساء الخير.
مساء النور.
أية الحكاية؟ هوه أنت خلاص بقيت من الدراويش,
وهتروح لنظام الطيبات والبركات؟!!!
طيبات وبركات أية؟ طيب, الطيبات وعرفنا جاية
منين؟ ولكن البركات دى جاية منين؟!!!
جاية من الدرويش اللى بقيت منهم؟
يا راجل, هوه أنت خلاص حطيتنى فى خانة الدراويش؟
أمال أية حكاية "كلمة أبرك من عشرة"
دى؟!!!
بحاول أختصر لك القول, عشان ما أتقلش عليك,
وتنام منى.
لا يا عم متخافش, مش هنام, بس أحكى.
"الحداية ما بتحدفش كتاكيت".
أه, وبعدين؟!!!
ما خلاص, هيه دى.
هى دى أية؟
الكلمة اللى أبرك من عشرة.
لا يا شيخ؟!!!
أه, والله.
بص بلاش تختصر, عشان أنا عايز أفهم, تمام؟
تمام.
كمل بقى؟
"مال الطماع للنصاب".
يا راجل؟ أنت ثانى؟!!!
أية مالك؟
يعنى بقى لك أسبوع ساكت, وبعدين جاى تنقط
لنا "حكم"؟
مهو ده اللى جاى على بالى.
أية؟ مفيش إلهام؟
ولا حتى حنان, الدنيا قاطعة مية ونور.
أية السبب؟ الحر؟ ولا عشان غليو؟ ولا خروجنا
من كأس العالم, هوه السبب؟
ولا حاجة من اللى فاتت, وللتذكرة
"خروجنا من كأس العالم كان مشرف ويرفع الرأس".
طيب, أنت عايز تتكلم عن أية؟
عن إنقلاب 30 يونية.
يا عم خلى بالك عشان دلهمه بيسموه ثورة.
كل واحد حر يسميه اللى هوه عايزة, بس أنا
عايز أقول للشعب الطيب اللى أنخدع فيها: حان الوقت لإستخلاص الدروس والعبر من اللى
فات, وحاولوا ما تشتروش من الكلام المعسول اللى بيبيعه السياسيين وبيودى فى
النهاية فى داهية, وأتعبوا شوية وأحفروا حول السيرة الذاتية لمن يقولونه.
أه, فعلاً عشان, "الحداية ما بتحدفش
كتاكيت".
تصبحوا على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق