النمرود!!!

مساء الخير.

مساء النور.

أية الحكاية؟ مين ده؟!!!

تقصد النمرود؟

أه.

أية ده, هوه فيه حد ميعرفوش؟!!!

أه, أنا.

مسمعتش الناس بتقول: متبقاش بقى نمرود, أو متعملش زى النمرود, أو ده راجل نمرود؟!!!

أه, ده سمعته, بيقولوها للأنسان المتمرد, اللى ما بيقبلش بأى شىء, بس أنا بأسئل عن أصل الحكاية, جاية منين؟

أصلها حكاية طويلة قوى, وأنا خايف لتنام منى؟

لا, ما أنا مش هنام, ولا هسيبك من قبل ما تحكيها.

طيب, الأمر لله, هأحاول أختصارها قدر الأمكان:

النمرود بن كنعان, وفى الغالب إن كنعان المقصود به الجد أو النسل أو العرق, لإن والده كان الملك كوش اللى سماه اليهود "كوش العظيم" لأنه تزوج منهم, وحررهم من الأسر البابلى اللى تسبب فيه الملك العظيم "نبوخذ نصر" اللى ملك العراق والأرض, وحطم بلاد اليهود وهيكلهم وضيع تابوت العهد, ووضعهم فى الأسر البابلى, وهما من الملوك الأربعة الذين حكموا الأرض.

طيب, مين هم الملوك الأربعة اللى حكموا الأرض؟

ورد في الأثر (عن بعض الصحابة والتابعين) أن الذين ملكوا الأرض كلها من مشرقها إلى مغربها هم 4 ملوك؛ اثنان مؤمنان واثنان كافران:

• المؤمنان:
• ذو القرنين: وهو ملك صالح طاف الأرض ونشر العدل, وعمل سد يأجوج ومأجوج.
• سليمان بن داود عليهما السلام: ومهما من الأنبياء الذين ملكوا, وسخر له الله الريح والجن والطير، وأعطاه ملكاً لم ينبغى لأحد من بعده.
• الكافران:
• بختنصر (نبوخذ نصر): ملك بابل الذي دمر بيت المقدس وسبي بني إسرائيل.
• النمرود بن كنعان: أول جبار في الأرض ادعى الألوهية، وهو الذي حاجّ إبراهيم عليه السلام في ربه.

,,,,,,,,,,,,,,,,,,,,,,,,,,,,,,,,

ما تحكى بقى بقيه قصة النمرود.

هتطول وتطول المقالة. الأفضل تشوف الفديو المصاحب, "هيختصر الكثير من القول", وخلينا نروح على طول إلى الخلاصة والعبر.

تمام.

خلاصة قصة النمرود, وسيدنا ابراهيم عليه السلام, بتحكى الجدل الدائم القائم بين معسكر الكفر والإلحاد وتحدى الله سبحانه وتعالى, ومعسكر الإيمان بقيادة سيدنا إبراهيم.

مش ده اللى عايزنا نروح نعبد الله وفقاً لديانتة؟

نعم ولا.

يعنى أية؟

يعنى هم بيحبوا يدسوا السم فى العسل, لأن ابراهيم كان حنيفاً مسلماً كما يقول القرأن, وليس ما يدعوه من كفر وإلحاد.

وتخيل إنى سئلت جوجل, ما هي ديانة ابراهيم عليه السلام؟

فكانت إجابتة:

ديانة سيدنا إبراهيم هي التوحيد الخالص (الحنيفية)، وهي الإسلام. لم يكن يهودياً أو نصرانياً، بل أمره الله باتباع ملة التوحيد، وتعرف أديان اليهودية والمسيحية والإسلام بـ الديانات الإبراهيمية لكونه شخصية مركزية فيها.

وقد قال الله تعالى ذلك في عظيم قرآنه فقال: مَا كَانَ إِبْرَاهِيمُ يَهُودِيّاً وَلا نَصْرَانِيّاً وَلَكِنْ كَانَ حَنِيفاً مُسْلِماً وَمَا كَانَ مِنَ الْمُشْرِكِينَ [آل عمران:67].

النقطة الأخيرة اللى أريد الأشارة لها, وهى نهاية النمرود اللى تحدى الله فأرسل عليه وجيوشه جيش من الباعوض, فأكل جيشة كله, وتركوه حى مع بعوضه دخلت من مناخيرة إلى تجويف رأسة, وظلت تعذبه أربعمائة سنة. يضربه فيها حراسة بالنعال على رأسه, حتى أمر سيافه بضربة على رأسه فى موضع الألم "فشج رأسه ومات".

طب, أزاى الناموسة عاشت أربعمائة سنة؟!!!

يا سلام, دى القصة من أولها لأخرها كلها معجزات, وخرق لنواميس الطبيعة, وأنت كل اللى مزعلك فيها الناموسة اللى عاشت أربعمائة سنة داخل دماغة؟!!!

أنا أقصد مين كان بيأكلها ويشربها؟ وبتتنفث أزاى؟!!!

يا راجل هى دى الحته الوحيدة اللى وقفت فى زورك؟ يعنى ليه وقفش فى زورك الجيش اللى أكله الناموس, ولا ابرهيم اللى دخل النار وخرج منها سليم؟ وفيه ألف سؤال كمان ممكن تسأله فى هذه القصة, ويكون فى عينك عجيبة, ولكن مع قدرة الله سبحانة وتعالى لا يوجد عجائب, ولذلك ونختم بسؤال ملح, وهو:

لمن الملك اليوم؟

لله الواحد القهار, يله, تصبحوا على خير.

وأنت من أهله.

,,,,,,,,,,,,,,,,,,,,,,,,,,,,,,

وهنا صمت هتموت عن الكلام.

,,,,,,,,,,,,,,,,,,,,,,

https://hemms.blogspot.com

https://x.com/AlMayadeenNews/status/2059725109766640024

https://x.com/AJArabic/status/2068161427735556372

https://x.com/TalatWbas/status/1949268602776871049

https://x.com/Meemmag/status/1963342485440155862

https://x.com/thaeralbannaa/status/1963320048811995321

 

بقلم

هتموت من الشمس