سبعة سنين عجاف!!!
مساء الخير.
مساء النور.
أية الحكاية؟ تقصد أية؟ مفهمتش؟ هوه أنت
بتتكلم على اللى جاى؟!!!
أية اللى مخليك مستغرب؟
العنوان؟!!!
أية؟ مسمعتوش قبل كدة؟
لا, بالعكس سمعته كثير.
طب أية اللى خلاك مستغربه؟
التوقيت.
ماله؟
أصل كل سبع سنين بيفكرونا به.
تمام.
وإحنا على أعتاب, السبعة التاليين.
تقصد التالتين؟
تقريباً كدة.
أنا رأيى الأحسن, "ما تعدش".
ليه؟
يمكن تنسى.
طب وده هتنساة أزاى؟ وإحنا عايشين فيه واقع
كل يوم.
حاول تنسى أفضل, عشان تعرف تعيش حياتك.
تفتكر؟ صعب.
طيب, كان فيه سؤال.
إسئلة.
فاكر الرؤية؟
الشهيرة؟ بتاعة سيدنا يوسف؟
أه.
تمام, هى مش كان فيها سبع سنين سمان, وسبعة
عجاف؟
أه.
راحوا فين السبعة السمان؟!!!
كلوهم السبعة العجاف.
أزاى بقى؟!!!
يعنى أية؟
مش السبعة السمان بيجوا الأول؟
أه.
أمال إحنا ما شفناهمش ليه؟
لأنهم كانوا فى عصر فرعون ثانى.
لا يا شيخ؟!!!
أه, فرعون يوسف.
طب, ما إحنا عندنا كمان فرعون معاصر.
وإن يكن.
فين بقى السبعة السمان بتوعه؟
مش فى الخطة.
يعنى أية؟
يعنى اللى عندنا عجاف بس, وأن كان عاجبك.
ربنا يسترها علينا.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق