المفاوضات نجحت بس المريض مات!!!

مساء الخير.

مساء النور.

أية الحكاية؟

يعنى أقولك أية؟

المفاوضات نجحت بس المريض مات, والدكتور أنتحر, والمستشفى قفلوها بسبب تفشى الوباء!!!

مفهمتش؟

والجمهور بيلطم, والناس لبسوا فى الحيط, "بس أوأكد لك, إن المفاوضات نجحت نجاح منقطع النظير".

طيب, الحمد لله أنها نجحت "طمنتنى".

يا عم أرحمنا من اللى بيقولوه, أنا عارف إن "السياسة دهاء, والأعلام هراء", بس أنا حالياً عايز أحط رجلى على الأرض.

تمام.

هسألك شوية أسئلة تجاوبنى عليها.

ماشى.

ماذا بعد فشل المفاوضات؟

حرب.

مفيش مخرج ثانى؟

معتقدش, لأن حتى لو تراجعت امريكا, فالكيان لن يتراجع.

ليه؟

غباء "بعيد عنك".

تفتكر هم أية رؤياهم فى كدة؟

أنهم لو أخضعوا إيران, فقد أخضعوا كل المنطقة.

تفتكر إن ده صح؟

غالباً ولكن مش تمام.

مفهمتش؟

لأن الأحتمال الأكبر "أنهم هيفشلوا".

مش هسأل عن: ماذا لو فشلوا؟ ولكنى أريد أن أعرف, ماذا إن نجحوا؟

تقصد "نجحوا فى تخطى عقبة إيران", هتبقى مصيبة على المنطقة, هيستولوا على كل الدول الضعيفة بسرعة, ثم يتجهوا للمرحلة الثانية.

وما هى؟

مصر.

ومن بعدها؟

تركيا.

طيب, ماذا إن هزموا؟

مش هقولك "إنك قلت مش هسأل عن ذلك" بس هجاوب عليك برضة: "هيحاولوا يوهموا العالم بأنهم أنتصروا, ثم هيروحوا للقطب اللى يلى إيران فى ترتيب جدولهم, ويحاولوا يعملوا لها غزو".

طب, ليه ما يروحوش للصغار الأول؟

ممكن, بس أصل الحكاية وقتها "نفسية", وهى أنهم هيكونوا عايزين "نصر كبير وسريع" يحسنوا به شكلهم الأول, ويسترجعوا به هيبتهم, ويغطوا به على الخيبة اللى فاتت, ثم يكملوا بعد كدة على الصغيرين, ثم تركيا.

طب ليه تركيا متروكة للأخر؟

عشان هيه عايزة ترتيب مختلف.

ليه؟

عشان هيه عضو فى الناتو.

مفهمتش ليه؟

هينتظروا يخرجوها الأول من الناتو, أو يحلوا الناتو, وبعدين يعملوا لها غزو.

تفتكر هينجحوا؟

فى أية؟

فى تخطيطهم؟

لأ, لأن الله سبحانة وتعالى بيقول:

﴿ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ ﴾

 

قال الله تعالى: ﴿ وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ ﴾ ] الأنفال: 30 [.

صدق الله العظيم.

تصبح على خير.

وأنت من أهله.

,,,,,,,,,,,,,,,,,,,,,,,,,,,,,,

وهنا صمت هتموت عن الكلام.

,,,,,,,,,,,,,,,,,,,,,,

https://hemms.blogspot.com

https://x.com/TalatWbas/status/1949268602776871049

https://x.com/Meemmag/status/1963342485440155862

https://x.com/thaeralbannaa/status/1963320048811995321

 

بقلم

هتموت من الشمس