استطلاع الرؤية!!!
مساء الخير.
مساء النور.
أية ده يا عم الحاج؟!!! أنا لولا إنى عارف
إنك صايم كنت شكيت؟!!!
شكيت فى أية؟
إنك ضارب كيميا وعامل دماغ.
فى رمضان؟!!!
ما أنا قلت برضة إن ده صعب وأنت صايم, بس
قلت برضة ممكن قله السكر فى الدم "تخلى دماغك تروح للحتة دى".
أى حتة؟
الحتة اللى كنت فيها من شوية, وبتحاول
تستطلع فيها الرؤية؟
وأية المشكلة فى كدة؟
المشكلة "إن مفيش حد بيشوف الرؤية فى
ثلاثة رمضان"!!!
أه, ما أنا مش بستطلع هلال رمضان.
أمال بتستطلع هلال العيد؟
بس العيد ملوش هلال؟
لا, واضح أنك فقيك, وحقيقى العيد ملوش هلال,
ولكن شهر العيد له هلال "ممكن إستطلاعه".
من دلوقتى؟
ما أنا قلت برضة, إن شكلها "تخاريف
صيام".
لا مش"تخاريف صيام", بس أنا كنت
أقصد رؤية بوادر وعلامات الحرب.
هيه الحرب لها هلال؟!!!
لا, بس لها تحركات وتجهيزات وحشد,,,,, ألخ.
ليه النهاردة؟
لأن التسريب بيقول إن الجيش الأمريكى إعطى
أنه جاهز من يوم السبت, وبعدين هم كمان بدءوا يسحبوا قواتهم من القواعد المتقدمة.
ده كدة يبقى هم نوا عليها قريب.
فى الغالب السبت, يعنى بدءاً من النهاردة.
كدة مش هنام النهاردة.
أه, إلحق بقى وروح هات لب وسودانى.
أنت ثانى؟
أه, أية المشكلة؟
لما تحصل الأول نبقى نجيبهم.
يا بخيل.
ده مش بخل, ده ترشيد للنفقات.
يا أقتصادى يا جامد!!!
هوه احتمال الحرب قد أية؟
65%.
مفهمتش؟
ده أحتمال الحدوث؟
تفتكر أنهم هيعملوا فى إيران زى فنزويلا؟
تقصد إختراق؟
أه.
فى الغالب لا, ولكن إن تم هيكون حجمه أكبر,
مع نتائج أسوء.
مفهمتش ليه؟
لأنهم فى الغالب منتظرينهم, ومش هيعرفوا
يفاجؤهم.
تفتكر مين هيكسب فيهم؟
اللى هيتغدى بالثانى الأول "هوه اللى
هيكسب".
مفهمتش, مش أنا كل ما كنت بأسألك, كنت بتقول
إيران هتكسب, أية اللى خلاك تغير رأيك؟
أنا مغيرتش رأئى, بس المشكلة أنا خايف أنا
إيران "تخاف أو تتردد أو ترتعش", وتفقد الفرصة فى ركوب موجة الهجوم.
يعنى أية؟
يعنى "مفتاح النصر" أنهم بمجرد
بدء الحرب أنهم يحيدوا القطع الكبيرة, وبالتالى ده هيحول الجيوش المهاجمه من
غازية, إلى الدفاع عن قطعهم الكبيرة, وعندها سيسهل إصطيادهم.
تفتكر أنهم هينسحبوا بعدها؟
فى غالب, مع خسائر فادحة, وفاضحة, "ستجعلهم
لن يكرروا التجربة".
ده أنت متفائل "بشدة".
تفتكر؟!!!
فيه سيناريوهات ثانية؟
كثير, بس ده اللى أنا أعتقد أنه الأكثر
أحتمالاً.
تحياتى, وتصبح على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق