التحول الأخطر فى التاريخ!!!
مساء الخير.
مساء النور.
يجرى الآن تحول تاريخى فى أقتصاد الكوكب
"فى السر وفى صمت" للتحول من "العملات الورقية إلى العملات
الرقمية".
مفيش إحم, ومفيس دستور يا أخونا, أية ده, "سكتنا
له, دخل بحمارة", أية الأصتباحة المجعلصه دى, "اللى دبتها فى وشنا"!!!
أنت صاحى تحدف دبش؟!!!
دبش ليه يا حاج؟
فيه
حد تصبحه على أقتصاد؟!!!
ما أنا مش مصبحك به, ده إحنا أصلاً بالليل, هوه
أنت ساعتك البيلوجية وقفت ولا أية؟
أنا ساعتى البيلوجية وقفت من زمان, وبصراحة
مش عايز أشغلها ثانى, ومرتاح كدة مع دنياى الملخبطة.
طيب, إذا أنت مرتاح معها, قارفنا ليه بها؟
قصدى يعنى تراعيها شوية "لما
تتكام", يعنى شايف وعارف أنى لسة صاحى من شوية, يعنى بالنسبة لى, دى
الأصطباحه, فما تتصنيش فيها بأقتصاد.
يعنى تحب أكلمك فى الأقتصاد وأنت نايم؟
يكون أحسن.
طيب, أنا هفهمك براحة أهوه, ماشى؟
ماشى.
عارف الفلوس الورق اللى أنت بتستعملهم كل
يوم فى حياتك اليومية؟
أه.
مش هتبقى موجودة فى المستقبل؟
أمال هنشترى ونبيع أزاى؟
بحسابك فى البنك, والكريدت كارت, والمحافظ
الأكترونية, وطرق التحويل الإلكترونية,,,,,,,,,,,,,, إلخ
ماشى الكلام, ما إحنا بنستعملهم الآن
بالتوازى مع طرق التعامل بالكاش.
أه, بس فى المستقبل, لن تكون موجود طرق
التعامل بالكاش.
مفمتش, وده هيحصل أزاى؟
الأول بيحط لك الحاجتين بالتوازى, "الجديد
جنب الطرق القديمة", ثم بعد فترة يقلل الطرق القديمة, ثم يلغيها, قتصبح إنك مجبر
على التعامل بالطرق الجديدة.
ده فيه ناس مبتفهمش ولا تتعاملش إلا
بالكاش!!!
هيجبروا على التأقلم مع الطرق الجديدة.
أزاى؟!!!
هيلغوا الكاش.
خالص؟!!!
خالص.
وتحب أزيدك من الشعر بيت؟
قول وأشجينى.
العملات المتعارف عليها حالياُ "هتختفى
وهيحل محلها العملات الرقمية".
لأ, براحة عشان أفهم, وما تتصنيش بالجملة زى
الدبش فى وشى وتجرى.
ما أنا جاى لك فى الشرح أهه.
عارف العملات الحالية اللى إحنا بنتداولها,
وبتروح تجيب بها الأكل وخلافة.
أه, زى "الجنية والدرهم والدينار
والدولار واليورو والين,,,,,,,,,,,,, إلخ".
دى مش هتكون موجودة كمان.
ما إحنا فهمنا أنها هتكون أرقام فى البنوك
ومش ورق, وهيبقوا بكدة وصلوا للجنة بتاعة اللى قاعدين يطبعوا لنا النقد على الفاضى
والمليان, هيبقى كل اللى هيعملوه يحطوا "أرقام وأصفار" فى السيستم
وخلصنا ويستعبدوا الناس بشوية أرقام فى حسابة.
لأ, ده الموضوع هيكون أسوء من كدة.
مفهمتش؟
حتى "الجنية والدرهم والدينار والدولار
واليورو والين,,,,,,,,,,,,, إلخ", دول مش هيكونوا موجودين من الأساس فى
عالمنا المعروف.
أمال هنتعامل بأية؟
"بالعملات المستقرة", ودى حاجة زى
"البتكوين", وأخوتها.
معقولة؟!!! دى هتبقى مصيبه!!! وتفتكر, هيعملوها
أزاى؟
بالتدريج, على مر السنين.
أزاى؟
الأول يطلعوا العملات الديجيتال "المستقرة",
ويعودوا الناس عليها.
وده عملوه فعلاً.
ثانى خطوة يجبروا العامة على التعامل بها.
أزاى؟
عن طريق القانون, وأنهم يجعلوها بديل متاح
وموازى للعملات الحالياً.
وأمتى يعملوا الحكاية دى؟
هم فعلاً عملوا القانون فى 2025 م فى امريكا
وهيطبقوه قريباً على الدولار.
أه, ثم يلغوا الدولار وتلاقى نفسك فجأة
"لابس فى الحيط"!!!
الله ينور عليك, تصبح على خير.
قبل ما تقفل, كنت عايز أسئلك على الحرب
ومفاوضات السلام "بين أمريكا وإيران", أية اللى حصل فيها؟
هيتفاوضوا فى مسقط على النووى؟
"على النووى", هأ هأ هأ بكدة توتو
يبقى "داس على قلبه, وباع المعارضين"؟
همه
من البداية لا كانوا فى قلبه ولا عقلة, دى بس حجة للحرب على إيران ولو عمل أى أتفاق
"هيبيع المتظاهرين والمعارضين وكل كليلة", تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق