أية؟ خير اللهم أجعله خير!!!
لسه صاحى؟ ولا لسه نايم؟
الأثنين, عامل حسابى على السهرة النهاردة.
سهرة أية؟
مش أنت قلت إمبارح أنهم قالوا إن الحرب
النهاردة؟
أه, بس محصلش.
هوه أية اللى محصلش؟
الحرب.
يعنى "طلع اللى قلته لك إمبارح", هوه
اللى صح؟!!!
يعنى "مش قوى", أصلهم أجلوها.
هأ هأ هأ, مش مهم, جبت اللب والسودانى
والمسليات؟
لأ.
ليه؟ وأنا أية ذنبى؟
لما همه أجلوا الحرب, أنا برضة أجلت مجايب
اللب والسودانى.
يعنى وفرت, بس ليه "تعاقبنى"؟ أنت
كدة بوظت السهرة.
أنا برضة اللى بوظتها؟ مش همه اللى رجعوا فى
كلامهم.
أنت عارف أية مشكلتك؟
أيه؟
أنك طيب, وساذج وبتصدق كل حاجة.
ليه بتقول كدة؟
عشان مفيش حاجة فى الدنيا اسمها تسريب ميعاد
الحرب, دى عامله زى تسريب الإمتحانات.
أنت هتقول فيها, بس, ما تسريب الأمتحانات
بيحصل برضة.
أه, عندنا بس. مش عندهم, عشان هيه سيبه "عندنا
بس".
طيب, خلاص سيبنا منهم.
تمام, سيبنا منهم.
كنت عايز أقولك أية؟ أبشر, المرحلة الثانية
إبتدت فى القطاع وفتحوا معبر رفح.
المرحلة الثانية من الإبادة الجماعية؟
لا يا فقيك, المرحلة الثانية من وقف أطلاق
النار.
أمل أية حكاية الألف بين شهيد ومصاب, "أثناء المرحلة
الأولى من وقف أطلاق النار"؟ دول "لازم" كانوا بيضربوا عليهم
القناصة؟
لأ, مش للدرجة دى, بس اللى فاجئنى إن "مجلس
السلام" فى أول رد فعل, "شعر بالقلق".
أه, هوه أنت بتستهون بهم, ده كل واحد منهم
دافع "مليار دولار".
مش هوه اللى دافع, ده شعبه اللى دافع, هوه
بس اللى عليه, يشعر بالقلق.
تفتكر؟ لو كان كدة, يبقى همه شغالين كويس.
عمتم مساءاً.
,,,,,,,,,,,,,,,,,,,,,,,,,,,,,,,,,,,,,,
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق