عميق فى الداخل!!!
مساء الخير.
مساء النور.
كويس إنك صحيت عشان عايزك.
عايزنى فى أية؟ ده أنا تعبان وعايز أنام.
ليه؟ مش أنت كنت لسه نايم؟
لا, أنا لسه راجع من برة, ده حتى لسه
مغيرتش.
أنا أفتكرت إنك من تعبك نمت بهدومك بعد ما
رجعت من مشوار الظهر؟
لا, أنا نمت بعد العصر بساعتين وصحيت بعد
العشاء ولبست وخرجت.
يعنى نمت أربع ساعات.
أيوة وعشان كدة تعبان وعايز أنام.
بس, فيه حد ينام دلوقتى؟ ده أنت بتنام
الصبح؟
وعلى رأيك, حتى لو حاولت, برضة ماكنتش هنام.
تمام كدة, طيب, خلينا نتناقش شوية, وبعدين
أبقى كمل برنامجك المعتاد.
ماشى, هات ما عندك.
ممكن نكمل مناقشة الصبح؟
ماشى.
أزاى كان جميع الباحثين فاهمين إن
"رجسة الخراب" هو إسم لكنيس أو معبد التطهير؟
مفهمتش؟ فين السؤال؟
أصلها مش راكبة, الموضوع "لا يقبله
المنطق"؟
تقصد اللى إحنا كنا فاهمينة الأول؟
نعم, يعنى أزاى هم هيبنوا "معبد
للتطهير" وعندما يكتمل بنائة, يهربوا "بسببه" للجبال, ما من الأول
الأحسن أنهم ما يبنهوش؟!!!
فعلاً, عندك حق, ولكن ماتنساش أنهم كدة كدة محتاجينه
لتطهيرهم من الدنس "حسب معتقداتهم", وبعدين الحتة دى كانت دائماً "محط
تساؤلات كثيرة عندى" إلى أن رأيت الفديو ده اليوم باكر, ففجأة "وواو"
نور كل شىء فى دماغى.
بس أية اللى معقد الأمور كدة "عند
الكل"؟ وديماً الحكاية مش واضحة وكل الباحثين كلامهم مختلف عن الأخر؟
المشكلة عند معظم الباحثين, أنهم بيحاولوا
يجمعوا "بزل" للصورة الكاملة والصحيحة من مصادر مختلفة المصداقية "فى
الظلام", وفى النهاية بيكونوا الصورة مع أن معظم أجزائها مفقودة!!!
عشان كدة بيتابعوا بعض, وبيغشوا كمان من
بعض؟
أه, بس المشكلة أنهم بياخدوا مع "القطع
الصحيحة اللى بيكتشفها زملائهم, الكثير من القطع الخاطئة".
يعنى ده هينتج عندهم صورة مشوهه فى النهاية؟
دى مش مشوهه بس, ولكن مشوشة وكمان مليئة
بالفجوات, ولكنهم مع الوقت بيصححوا القطع الخطأ فيها بإبدالها بقطع صحيحة.
وده اللى بيخلى هناك فرق "فى
الصورة" بين الباحثين.
وكمان, نوعاً ما فى الرؤية.
طب, ليه الفرق بينهم كبير؟
لإن هناك جزء من الباحثين "للأسف"
مش فاهمين همه بيعملوا أية أصلاً وداخلين الموضوع من أجل مأرب أخرى, وده اللى
بيخليهم ما بيفلتروش فى المعلومات الداخلة, "وما بيعرفوش الطيب من الرضى, وبيحطوا
زى ما بيقولوا عيشة على أم الخير", وبالتالى بتخرج الصورة فى النهاية شديدة
التشوية.
ما يمكن ما بيفلتروش أصلاً, عشان مابيعرفوش
يفلتروا أزاى؟
ممكن, مع إن الموضوع ممكن يتعمل بنسب مختلفه
فى الفلترة "كل حسب قدراته".
نأمل ذلك. هتنام؟
لسة عندى شوية حاجات أعملها ولما أخلصها
أبقى أنام.
يبقى هتنام على الصبح.
فى الغالب, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
على فكرة اللاب كان شبه عامل أضراب عن الفتح لمدة ساعتين, وبالعافية وبالفقاقة
عرفت أفتحة بعد ساعتين!!!
يظهر أنى زعلتهم المرة دى جامد!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق