ألف ليلة وليلة!!!
مساء الخير.
مساء النور.
أول مرة تقولها؟
هى أية؟
ترمى المسا, هوه أنت كويس؟!!!
أه, كويس, مالك؟
شيفك متغير, وتصرفاتك غريبة؟!!!
ليه؟
أية اللى فى أيدك ده؟
عشاء.
وأية كمان؟
لب وسودانى.
خير, اللهم أجعله خير؟!!!
ليه مستغرب؟
أنت كويس؟
أه, تمام؟
أمال أية الحاجات الكثيرة اللى أنت جايبها دى؟
أنت ورثت؟
ده كله عشان جبت عشاء؟
أصلها مش عوايدك.
لأ, عادى خالص.
تفتكر هيحربوا النهاردة؟
لأ, هوه أنت بتخمن الحكاية كدة, "عشان
اللب والسودانى"؟
لأ, يعنى, أقصد, هوه فيه جديد؟
لأ.
حيرتنى!!! أمال ليه جايب اللب والسودانى؟
عشان أفهمك أن مش لازم يكون هناك مناسبة
عشان تجيب لب وسودانى.
تمام, طيب وليه بقية الحاجات؟
عشان أنت أكلت كل اللى فى الثلاجة, فقلت
أجيب حاجة نتعشى بها؟
همه أمتى هيبدأوا الحرب؟
على شكلهم كدة, "إحنا هنسهر
منتظرينهم" ألف ليلة وليلة!!!
تعرف أنك ممل.
ليه؟
عشان خيبت أملى.
فى الحرب؟
لأ, فى إيقاف التوتر اللى إحنا فيه.
ليه؟ ده فيه ناس عايشة عليه.
بس مش لنا, وإحنا عندنا باقات من كل أمراض
العالم.
أهو, خليه يسليك.
التوتر؟
لأ, أقصد التفكير فى أحداث المنطقة.
طيب, روح نام.
بعد ما أتعشى وأشوف الأخبار.
هتشوف أيه؟ مفيش جديد, كل شىء "بحطة
أيدك".
بس على فكرة, هذا هدوء حذر, ومش هيستمر
طويلاً.
أيوة كدة, قول بقى إن الدنيا هتقلب؟
أنت بتتلكك, لأ.
طب, تفتكر إن فيه إى إحتمال أنها تقلب قريب؟
ممكن, بس عموماً, خليك "راسى وهادى",
وأدى كل شىء حقه ووقته.
مفهمتش؟
يعنى كدة, كدة, الأحداث جاية مع الوقت, بس
الموضوع عايز صبر وحذر.
مفمتش؟
يعنى, مش لازم عشان الموضوع هادىء, إننا
ننام.
يعنى أية؟ بلاش أنام؟ هى الحرب هتقوم
النهاردة؟
أنت عليك هسهس أسمه الحرب؟ أنا مكنتش أعنيك
باللى قلته, على فكرة, زى ما بيقولوا: "خلى السلاح صاحى".
فعلاً, بس مفهمتش, بس عموماً, الحذر واجب,
تصبح على خير.
مش هتاكل؟
لأ, سبقتك.
يدوبك أنام, عشان عايز أصحى بدرى.
طب لما أنت أتعشيت, أية اللى خلاك تستنانى؟
حبيت أعرف لو فيه أخبار جديدة, قبل ما أنام؟
أطمن, مفيش جديد.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق