الدنيا هادية!!!
تفتكر؟ عمتم مساءاً.
أية الحكاية؟ جايب لنا أية النهاردة؟!!!
لأسف مطبختش؟ هات دلفرى.
مقصدتش أكل.
أية؟ عايز تحلى؟
ولا أحلى, أنا بأتكلم عن الأخبار؟!!!
مفيش جديد.
يا راجل, دول كانوا عاملين تسريب, وبيقولوا
الحرب يوم الأحد.
كويس أنهم قالوا عشان الواحد يجيب "لب
وسودانى", ويقعد يتفرج عليها فى السهرة.
سهرة أية؟ أنت بتهرج؟ أنا بقولك "حرب,
حرب, حررررررررب", فهمت ولا لسه؟
لا مفهمتش, ممكن تجيب الكتالوج وتشرح لى.
ده أنت بتتريق بقى.
لا مش أقصد.
أمال مالك؟
أصل مفيش حاجة فى الدنيا, إسمها "سربوا
ميعاد الحرب", ده لو حكشة رايح يعمل عركة فى حارة بلدى, هيعمل لهم مفاجأة
وهجوم مباغت.
أه, أنت تقصد أنهم همه اللى سربوا المعلومات
دى بطريق القصد؟
ده فى الغالب اللى حصل.
طب, تفتكر كانوا عايزين يعملوا أية بالتسريب
ده؟
يدفعوا المفاوضات.
ده معناه, أنهم مش عايزين يحاربوا.
هذا غالباً.
غالباً, تقصد أنه مازال هناك إحتمال للحرب.
أه.
ليه؟
همه كدة كدة لازم يضربوا إيران بأية صورة,
وأى شكل, أصل الحكاية كبرت فى دماغ توتو.
وأمتى هيلعبوا شلح؟
تأدب فى كلامك.
أمتى هيبدأ الضرب؟
خلال ثلاثة أيام "فى الغالب".
أنت, تانى؟
أية؟
أنت كل شوية تقول ثلاثة أيام, ثلاثة أيام,
زهقتنى.
أصلهم مترددين.
هوه مفيش سقف نهائى للقصة دى؟
للأسف لأ.
حاول تتوقع؟
يمكن لو تأخروا لثلاثة أسابيع, أنهم
يأجلوها.
طيب, مش توتو كان بيقول أن هناك سقف زمنى
لعمل إتفاق, وإن إيران تعرفه؟
ده كلام "طق حنك".
مفهمتش؟
لو محصلتش الضربة خلال ثلاثة أسابيع, يبقى سقفهم
"فورأفر".
هى أية المشكلة؟
الحكاية كلها مشاكل, وكل ما بتتأخر بيزداد
تعقيدتها.
زى أية؟
زى أنضمام الصين وروسيا للمعادلة أدى لتعقيد
الحكاية.
مفهمتش ليه؟
لأن مهما ضربت امريكا الدفاعات والرادرات
الإيرانية, وأجهزة أتصالاتهم, مش هيقدروا يضربوا بتوع الروس ولا الصينين, ودكهمه
هيأمنوا للإيرانين تغطية رادارية ومعلومات الأقمار الصناعية, ودى مفيدة جداً أثناء
الحرب.
ما يقدر الأمريكان يشوشوا عليهم؟
الروس والصينين مش تلاميذ, وهيقدروا يتغلبوا
على التشويش, كمان فيه حاجة ثانية.
أية؟
أنهم "مستفيدين من الموضوع".
ليه؟
وكأنهم حطوا كرسى لهما فى الصف الأمامى فى وسط
حرب مهمة "بدون ما يتعرضوا للضرب", يراقبوا ويتعلموا, عشان لما يلعبوا
معهم الأمريكان. يبقوا فاهمين طرقهم وأساليبهم عن قرب.
ده يشبة اللى بيعمله المدربين فى كرة القدم.
بص, من الأخر, حالياً, كل حاجة فى الدنيا
بقت زى بعض وبتشبة بعض, وفى النهاية كله بيصبح "ألعاب ذكاء".
طيب, تفتكر أنهم لو عملوا عملية كوماندوز
هيخشوا منين.
فى الغالب من الشمال.
ليه مش من الجهات الثانية؟
الجنوب وده "مستحيل", والشرق فيه
باكستان وأفغانستان وده "صعب", وفى الغرب يوجد تركيا والعراق وهم "حلفاء
ولكن ممكن يحصل من عند الأكراد, ولكن أحتماله ضعيف", ولكن الشمال فيه ثلاثة
احتمالات قوية, "تركستان وأذربيجان وبحر قزوين", وأفضل طريق هو عن طريق
أذربيجان, ثم بحر قزوين, ثم هجوم مباشر ومفاجىء على طهران.
أه, دى هتبقى مفاجأة سودة لإيران.
أه, إلا لو كانوا الإيرانيين مستعدين لهم
ومنتظرينهم.
,,,,,,,,,,,,,,,,,,,,,,,,,,,,,,,,,,,,,,
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق