ياد
النيله!!!
ياد النيله, مش هنخلص بقى من توتو وأطماعه
الطفولية؟!!!
عمتم مساءاً.
أية الحكاية؟ أنت هتكلمنا كل يوم عن توتو؟ لا
كدة بقى, يبقى كثير!!! هوه أنت ما وركش غيره؟ يا عم شوفلك حد غيرة, زهقتنا!!!
أيوة, كل يوم من ده, عشان توتو هوه اللى مقرر
علينا السنة دى فى المنهج, وفى الغالب هيسألوك كمان عنه فى الإمتحان.
أصل المشكلة إن توتو فاكر إن العالم ده بتاع
أبوه, وإنه ورثه عنه, ورث شرعى, ومن حقه يطالب به الأن.
ده يبقى الجنان ذاته!!!
لأ, وأكثر, ومن يوم ما خطف مادورو ومراتة
ومحدش عارف يكلمه, ولا حتى عارفين نلاقى له كبير "يوقفه عند حده", ويخليه
يتخلى عن تصرفاته الطفولية اللى بيعمها, وكل ما يشوف حاجة مع حد ولا عند حد
"تحلى فى عينه", ويشبط فيها, ويقول عايزها.
طب, ما تقولوا له "هنجيب لك
البعبع". عشان يتهد ويهدى.
ما المشكلة إن البعبع بتاعنه لسه مجاش.
طيب, كنت عايز أسئلك عن الإتحاد الأوروبى.
غريبة, يعنى مسألتش عن البعبع بتاع توتو؟!!!
لأ, ما أنا عارفة, وبعدين ما أنا عارفك أنت
كمان وكلها سؤالين كدة, ولا ثلاثة, وتقفل, وبعدها مش هلحق أعرف أجابات على
أسئلتى.
طيب أسئل.
أية حكاية الإتحاد الأوروبى الآن؟ ليه
منذوين فى الركن, وعاملين زى اللى عاملها على روحه, ولا اللى ممسوك عليه زله, "ومكسورة
عينة"؟
أصل لما توتو خطف مادورو ومراته, قالوا بأن
ده حق مشروع له.
وكأنهم كدة, مسكوا له الفوطة!!!
ما أنا برضه ما سكتش, وأتهمتهم بأن بلا
أخلاق.
يا راجل, بس دلوقتى جه عليهم الدور.
أه, تقصد موضوع جريلاند.
أه, أصلهم كدة وقعوا فى شر أعمالهم, مش همه
صفقوا لتوتو لما خطف مادورو, وأضفوا على عمليته القذرة "نوع من الشرعية",
جه عليهم الدور دلوقتى, فيتقبلوا بقى الأغتصاب عن طيب خاطر.
طيب, تفتكر توتو هيعملها أزاى؟!!!
دى أسهل حاجة, لأن هوه عنده الآن هناك قاعدة
كبيرة, وعدد كبير من الجنود يفوق عدد جنود الدنمارك, هيروح ببساطة مطلع علم من
العلبة وغارسة فى الأرض, وإعلان أنها أرض أمريكية, "سبق وأكتشفها جده توتو
كلومبس", ثم ينظم عليها استفتاء "سيكو سيكو", ده حتى ممكن يأخذ
خبراء من عندنا للأشراف عليه.
تعرف إن القارة العجوز صعبت على!!!
أنت هتقوللى, تخيل إن دى ياما شافت منها
البشرية تنمر وتنطيط وإستعمار وأغتصاب وسرقة ثروات وإستيلاء على أراضى.
حقيقى, توتو لو موقفش حد قدامة هيلتهمهم واحد
وراء الثانى.
يعنى اللى سبق وأكلوه من العالم بط, بط, توتو عيطفحه لهم وز, وز.
عارف أيه المشكلة؟!!!
أية؟
إن أمريكا بعد ما وقفت مع الأتحاد الأوروبى
فى الحرب العالمية الثانية, وأجبرته بعدها على أن يتنازل عن مستعمراته لصالحها
"يعنى ورثته بالعافية". جه الدور عليها الآن لدفع الثمن.
طيب, هناك سؤال مهم, ليه أوروربا؟!!!
لأن أوروبا عامله حالياً زى السمك الفيلية.
مفهمتش؟
يعنى, معندهاش أية جيوش تذكر, ولا دفاعات,
وممكن لأى حد بالقليل من القوة, إجتياحها بالكامل فى عدة أيام بلا أية خسائر تذكر,
ده حتى دولة المآمرات العربية المتحدة, المحتاسة فى جنوب الجزيرة العربية, ممكن بشوية
القوات الهفاء اللى عندها تحتلهم فى كام يوم.
أه, تقصد عشان همه بلا جيوش للدفاع عنهم,
يعنى عاملين زى السمك الفيلية, "منزوع الشوك", تاكله هم هم بدون أى
أزعاج أو أشواك تذكر.
نهايتة.
تحياتى.
عمتم مساءاً.
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق